მეტროპოლიტენ "მარჯანიშვილის" სადგურზე რელსებში 34 წლის მამაკაცი ჩავარდა. როგორც "ინტერპრესნიუსს" თბილისის სატრანსპორტო კომპანიიდან აცნობეს, შემთხვევა 15:03-ზე მოხდა. მამაკაცი მატარებლის გაჩერებულ შემადგენლობას ჩაუვარდა. მომხდარის გამო რელსებზე ძაბვა მოიხსნა, რათა ჩავარდნილი მოქალაქე ამოეყვანათ. მამაკაცის ლიანდაგებიდან ამოყვანის შემდეგ მეტროპოლიტენში მოძრაობა აღდგა.
სასწრაფო-სამედიცინო დახმარების სამსახურის ინფორმაციით, მამაკაცი 34 წლის არის და მას სუიციდის მცდელობა ჰქონდა. სასწრაფო დახმარების ბრიგადამ მამაკაცი ღუდუშაურის კლინიკაში გადაიყვანა, რადგან ფსიქიური აშლილობა აღენიშნებოდა.