"ნატახტარის" მომხმარებელს 50 000 ლარის მოგების შანსი ეძლევა

ლუდი "ნატახტარი" მომხმარებელს 50 000 ლარის მოგების შანსს აძლევს. როგორც სასტუმრო "რედისონ ბლუ ივერიაში" გამართულ პრესკონფერენციაზე კომპანია "ნატახტარის" მარკეტინგის დირექტორმა, თორნიკე ნიკოლაიშვილმა განაცხადა, წლევანდელ წამახალისებელ გათამაშებაში გარდა 50 000-ლარიანი საპრიზო ფონდისა, ლუდის ნებისმიერი მოცულობის პეტის (პლასტმასის) შეფუთვაში მომხმარებელმა შესაძლოა თავსახურის კაფსულაში 10, 20, 50, 100 და 200 ლარიანი კუპიურა აღმოაჩინოს.

"ეს უკვე მე-5 გათამაშებაა და საპრიზო ფონდი წლიდან წლამდე იზრდება. წელს გათამაშების ბიუჯეტი 500 000 ლარს აღემატება. ეს ყველაზე ნოვაციური გათამაშებაა და თანხის მოგების ამაზე მყისიერი საშუალება, ჯერჯერობით არ არსებობს", - აღნიშნა ნიკოლაიშვილმა.

მისი განმარტებით, ყველა ზომის შეფუთვაში, გარდა ქილისა (0.5 ლ შუშის ბოთლში, 1-ლიტრიან, 2-ლიტრიან და 2.5-ლიტრიან პლასტმასის ბოთლებში), სუპერ პრიზის - 50 000 ლარის, ასევე 300 000 ცალი უფასო 0,5-ლიტრიანი შუშის ბოთლი "ნატახტარის" მოგების მანიშნებელი ლაზერით დაბეჭდილი მომგებიანი თავსახურებია.

წლევანდელი გათამაშება 15 მაისიდან 15 ივლისის ჩათვლით გაგრძელდება.

რა? სად? რა ფასად?

გაიგეთ ”რადიო მარკეტში”

ყოველ სამუშაო დღეს 10:50 და 11:50 საათზე

რადიო ”პალიტრის” ეთერში - FM 103.9