ვაშლოვანის ნაკრძალში 100 ჰექტარზე მეტი საძოვარი დაიწვა

ხანძრის შედეგად, ვაშლოვანის დაცულ ტერიტორიაზე 100 ჰექტარზე მეტი საძოვარი დაიწვა. ცეცხლი ნაკრძალის ე.წ. "მლაშე წყლის" ხევის ტერიტორიაზე ხმელ ბალახს გაუჩნდა, თუმცა მნიშვნელოვანი მცენარეული საფარი არ დაზიანებულა.

დედოფლისწყაროს სახანძრო-სამაშველო სამსახურის უფროსის, ზვიად ჯავახიშვილის განცხადებით, შემთხვევის ადგილზე სახანძრო და სამაშველო ჯგუფები გავიდნენ. მაგრამ რთული რელიეფის გამო ავტომანქანებმა ხანძრის კერამდე მისვლა ვერ შეძლეს და მაშველებს ცეცხლის ჩაქრობა ხელით მოუწიათ.

იხილეთ ვრცლად

რადიო "ჰერეთი"