"ნინის შვილი ბადურაშვილი იქნება"
19 ივლისს მომღერალ ნინი ბადურაშვილს ქალიშვილი, ელენე შეეძინა. "კვირის პალიტრა" იმედა კახიანს დაუკავშირდა და შვილიშვილის დაბადება მიულოცა.
- ბატონო იმედა, გილოცავთ ელენეს შეძენას.
- დიდი მადლობა ბატონო, ღმერთმა გაგახაროთ. დაიბადა პატარა ელენე, ღვთის წყალობით ყოველგვარი გართულების გარეშე.
- თუ გაიზიარა ეს სიხარული ელენეს მამის ოჯახმა?
- არა, არავინ გამოჩენილა.
- არც თქვენს მეგობარ გივი ჩიქვანაიას დაურეკავს?
- არა, არ ჩანან... ალბათ, არ უნდა ამ კაცს (ირაკლის ვგულისხმობ) მშვიდობა, აღიარება და რას ვიზამთ. ჩვენ დიდ პატივს ვცემთ, ნამდვილად კარგი გვარია - კუტალაძე, მაგრამ ბაგრატიონიც რომ იყოს, ვერ შევეხვეწებით თუ არ უნდა.
- ანუ ბავშვი შესაძლოა ბადურაშვილის გვარზე იყოს?
- ალბათ, რადგან მამა არანაირ ინიციატივას არ იჩენს, ბავშვი დედის გვარზე იქნება, აბა, როგორ?! მე არ ვიცი, რა საქმეებით უნდა იყოს დაკავებული ადამიანი, ამ დროს რომ არ გამოჩნდეს. ლანძღვა-გინებას არ ვაპირებ ირაკლისას, ალბათ, არ იყვნენ ერთმანეთის ბედი და ვერ გაუგეს ერთმანეთს, მაგრამ ბავშვი გაჩნდა, კაცო, და ამ დროს უყურადღებობა გაგონილა?!..
- თავად ნინი როგორ გრძნობს თავს?
- ბედნიერია, გვერდით ჰყავს ბავშვი, ძუძუს აწოვებს და ამბობს, ჯერ არ ვიცი ვინ არის, საიდან მოვიდაო... მოკლედ, ელენემ ყველაფერი დაგვავიწყა. ამხელა სიხარული მოგვივლინა ღმერთმა და სხვაზე რაზე უნდა იფიქრო ადამიანმა?!