"ლიბერთი ბანკი" ფილიალებისა და სერვის-ცენტრების ქსელის მოდერნიზებასა და გაფართოებას განაგრძობს
"ლიბერთი ბანკი" ფილიალებისა და სერვის-ცენტრების ქსელის მოდერნიზებასა და გაფართოებას განაგრძობს. 6 აგვისტოს ბანკის აუდიტის კომიტეტის თავმჯდომარე ალექსი ხოროშვილმა ბათუმში, მაიაკოვსკის ქუჩაზე N23-ში თანამედროვე სტანდარტების შესაბამისი სერვის-ცენტრი გახსნა, რომელიც სრულ საბანკო მომსახურებას გაუწევს როგორც ფიზიკურ, ასევე იურიდიულ პირებს. სერვის-ცენტრში შესაძლებელი იქნება ყველა სახის სესხის აღება, საერთაშორისო და ადგილობრივი ფულადი გზავნილების სისტემებით სარგებლობა, სხვადასხვა ტიპის დეპოზიტების გახსნა, კომუნალური გადასახადების დაფარვა.
2012-2013 წლებში "ლიბერთი ბანკმა" მთელი საქართველოს მასშტაბით 30-ზე მეტი ახალი ფილიალისა და სერვის-ცენტრის გახსნა და მოდერნიზება შეძლო. "ლიბერთი ბანკი" საქართველოში ყველაზე ვრცელი საბანკო ქსელით არის წარმოდგენილი, რომლის მეშვეობითაც 1.4 მლნ ფიზიკურ და 60 000-ზე მეტ იურიდიულ პირს ემსახურება.
"ლიბერთი ბანკის" საბაზრო წილი 2013 წლის ივლისის მდგომარეობით, მთლიანი აქტივების მიხედვით 7.7%-ს შეადგენს.
რა? სად? რა ფასად?
გაიგეთ ”რადიო მარკეტში”
ყოველ სამუშაო დღეს 10:50 და 11:50 საათზე
რადიო ”პალიტრის” ეთერში - FM 103.9
საკონდიტრო კომპანია "აზატოს" ქსელი გაფართოვდა
სვანეთში ახალი პრემიუმ კლასის სასტუმრო გაიხსნება