"რუსთავი 2"-სა და "იმედში" გამნაღმველები მუშაობენ

"რუსთავი 2"-სა და "იმედში" გამნაღმველები მუშაობენ.  ტელეკომპანიებში ბომბის არსებობის შესახებ მორიგი შეტყობინება 112-ში ცოტა ხნის წინ შევიდა. ორივე ტელეკომპანიიდან თანამშრომლები ევაკუირებული არიან.

როგორც "ინტერპრესნიუსის" კორესპონდენტი "რუსთავი 2"-ის მიმდებარე ტერიტორიიდან იუწყება, ტელეკომპანიის ეზოდან გაჰყავთ ავტომანქანებიც. ტელეკომპანიის პერიმეტრზე მობილიზებულია საპატრულო პოლიცია. "რუსთავი 2"-ში გამნაღმველთა სამი ეკიპაჟი მუშაობს.

ტელეკომპანია "რუსთავი 2"-ში ასაფეთქებელი მოწყობილობის არსებობის შესახებ 112-ში ზარი გუშინ საღამოსაც შევიდა. "იმედში" კი განგაში დღის განმავლობაში უკვე მეორედ გამოცხადდა.

შსს-ს ინფორმაციით, აქამდე თითქმის ყველა შემთხვევაში ცრუ შეტყობინებების ავტორები არასრულწლოვნები იყვნენ.

"ინტერპრესნიუსი"