თბილისში წუხელ ფეხით მოსიარულეს ავტომანქანა დაეჯახა

თბილისში წუხელ ორი ავტოსაგზაო შემთხვევა მოხდა. "ინტერპრესნიუსის" კორესპონდენტის ინფორმაციით, "თავისუფლების მოედნის" მეტროსთან, რუსთაველის გამზირის მიმართულებით მოძრავ შავი ფერის "ტოიტა RAV 4"-ის მარკის ფირმის ავტომობილს მამაკაცმა გადაურბინა და დაეჯახა. დაშავებული საავადმყოფოში გადაიყვანეს.

რაც შეეხება მეორე შემთხვევას, ის მარჯვენა სანაპიროზე მოხდა. "ლენდროვერის" მარკის "ჯიპს" მარჯვენა მხრიდან მომავალი მანქანა დაეჯახა, რომლის მძღოლიც შემთხვევის ადგილიდან მიიმალა.

შეჯახების შედეგად "ლენდროვერი" საპირისპირო გზაზე გადავიდა და შემხვედრ "აუდის" შეეჯახა. მგზავრები მსუბუქად დაშავდნენ. მათ დახმარება სასწრაფო დახმარების ბრიგადებმა ადგილზე აღმოუჩინეს.

"ინტერპრესნიუსი"