უნიკალური და სულისშემძვრელი: 90-იანი წლების საქართველო ესპანელი ფოტოგრაფის ობიექტივში

ეს უნიკალური ფოტოგალერეა ცნობილ ესპანელ ფოტოგრაფს ქრისტინა გარსია როდეროს ეკუთვნის.

ფოტოგალერეაში წარმოდგენილი დრამატული შავ-თეთრი ფოტოები კარგად ასახავს იმ დროს, რაც 90-იან წლებში მცხოვრებ თითქმის ყველა ქართველ ოჯახს გამოუვლია.

ქრისტინა სააგენტო "მაგნუმისა" (საერთაშორისო ფოტოგრაფიის კოოპერატივი) და "Vu"-ს წევრია. ის ესპანეთის ქალაქ პუერტოლიანოში 1949 წელს დაიბადა. მისმა ფოტოებმა სხვადასხვა კონკურსებში გაიმარჯვა. ქრისტინას პრესტიჟულ ჯილდოებს შორისაა: ევგენი სმიტის ფონდის პრიზი, რომელიც 1989 წელს ტრადიციული ესპანური ფესტივალის ფოტოებისთვის გადასცეს; 1998 წელს კი სამეფო ფოტოგრაფიის საზოგადოებამ საპატიო წევრის ტიტულით დააჯილდოვა.