ჩუღურეთის რაიონში ძლიერმა ქარმა 20 სახლს სახურავი გადახადა
ჩუღურეთის რაიონში ძლიერმა ქარმა 20 სახლს სახურავი გადახადა. როგორც "ინტერპრესნიუსს" დიდუბის გამგებელმა დავით დაღელაშვილმა განუცხადა, გამგეობა საგანგებო რეჟიმში მუშაობს. მისი თქმით, ზოგიერთ სახლს სახურავი მთლიანად აქვს გადახდილი, ზოგს კი - ნაწილობრივ.
"გამგეობა პრობლემების მოგვარებაში მოსახლეობას დაეხმარება, ზარალს აანაზღაურებს და შესაბამის სამუშაოებს ჩაატარებს", - აღნიშნა დაღელაშვილმა.
მისი თქმით, მომხდარი შემთხვევების შედეგად, არავინ დაშავებულა. "უკვე საგანგებო რეჟიმში ვმუშაობთ. თითოეულ მისამართზე დავდივართ. ჯერჯერობით შემოსული ზარების გადამოწმების შედეგად, ძლიერი ქარის მიერ მიყენებული ზარალი დაახლოებით 50-ათას ლარს შეადგენს", - განაცხადა დავით დაღელაშვილმა.
მისი თქმით, გამგეობა მთელი ღამის განმავლობაში საგანგებო რეჟიმში გააგრძელებს მუშაობას.
ბამბის რიგში რესტორანი იწვის - ადგილზე 4 სახანძრო მუშაობს
დამწვარია 200-დან 250 კვ.მ ფართობი - რა ვითარებაა ბაზრობა "თერგის" ტერიტორიაზე
