კახეთში ავტოავარიას ორი ადამიანი ემსხვერპლა

კახეთში მომხდარი ავტოსაგზაო შემთხვევის შედეგად ორი ადამიანი გარდაიცვალა და სამი მძიმედ დაშავდა.

როგორც "ინტერპრესნიუსს" თვითმხილველებმა განუცხადეს, თბილისი-ბაკურციხის მთავარ მაგისტრალზე მოძრავ სატვირთო ავტომანქანას სიღნაღიდან მომავალი "მიცუბიშის" მარკის ავტომობილი შეეჯახა. შეჯახება იმდენად ძლიერი იყო, რომ მანქანა რამდენჯერმე ამობრუნდა და საპირისპირო მხარეს გადავიდა.

"მიცუბიშის" მგზავრებიდან 2 ადგილზევე გარდაიცვალა, ხოლო სამი გურჯაანის საავადმყოფოშია გადაყვანილი. ექიმების თქმით, დაშავებულების მდგომარეობა მძიმეა, მათგან ერთი მართვით სუნთქვაზეა გადაყვანილი.

შემთხვევის ადგილზე მობილიზებულია საპატრულო პოლიცია.

"ინტერპრესნიუსი"