დიდთოვლობას ხელვაჩაურის რაიონში მსხვერპლი მოჰყვა. უამინდობის შედეგად სოფელ სალიბაურში სასათბურე მეურნეობის კონსტრუქცია ჩამოიშალა , რამაც სათბურის თანამშრომლები მოიყოლა.
ამ დროისთვის არსებული ინფორმაციით, გარდაცვლილია ორი ქალბატონი, 10 კი დაშავდა. დაშავებულთა შორის 5 მძიმედაა, რომლებიც ბათუმის საავადმყოფოში არიან გადაყვანილები.
ადგილზე სამართალდამცავი სტრუქტურების წარმომადგენლები ამ დრომდე მუშაობენ. მომხდარს აჭარის შს მთავარი სამმართველო იძიებს.