რუსთაველის გამზირზე ავტოსაგზაო შემთხვევას ერთი ადამიანი ემსხვერპლა. როგორც "ინტერპრესნიუსს" საგანგებო სიტუაციების სამსახურში განუცხადეს, გარდაცვლილია 51 წლის მამაკაცი. ავარიის შედეგად ასევე დაშავდა სამი ადამიანი, რომელთაგან ორი ინგოროყვას კლინიკაში, ერთი კი ე.წ არამიანცის საავადმყოფოში გადაიყვანეს.
რუსთაველის გამზირზე ერთმანეთს ორი ავტომანქანა შეეჯახა. ავარიის გამომწვევი მიზეზები ამ დროისთვის უცნობია.