"ცენტრ პოინტის" თანამშრომელმა თავი მოიკლა

"ცენტრ პოინტის" თანამშრომელმა გიორგი გურგენიძემ კუს ტბის ასახვევში ტაბელური იარაღით თავი მოიკლა.

როგორც "ინტერპრესნიუსს" შსს-ში განუცხადეს, მომხდარზე აღძრულია სისხლის სამართლის საქმე სისხლის სამართლის კოდექსის 115-ე მუხლით.

"ცენტრ პოინტის" დამფუძნებლის, რუსუდან კერვალიშვილის თქმით, აღნიშნული ტრაგიკული შემთხვევა კომპანიის საქმიანობას არ უკავშირდება.

"ის არის ჩემი დეიდაშვილი. ძალიან გულდაწყვეტილები ვართ, რადგან ძალიან ღირსეული ადამიანი იყო. ვრცელდება ინფორმაციები, რომ ის იყო დამფუძნებელი, რაც სიმართლეს არ შეესაბამება. ის იყო თანამშრომელი და ხელმძღვანელობდა ამხანაგობებს. მაგალითად ის იყო ამხანაგობა "ფალიაშვილის 88"-ის ხელმძღვანელი", - აღნიშნა კერვალიშვილმა.

"ინტერპრესნიუსი"