თურქეთში ოთხი ქართველის გარდაცვალება, სავარაუდოდ კუსტარულად დამზადებულმა ალკოჰოლურმა სასმელმა გამოიწვია

თურქეთში, სტამბოლის ზონის ქალაქ გებზეში ოთხი ქართველი დაიღუპა. ინფორმაცია ამის შესახებ "ინტერპრესნიუსს" საქართველოს საგარეო საქმეთა სამინისტროში დაუდასტურეს.

ქართული მხარის ინფორმაციით, ამ დროისთვის არსებული მონაცემებით, გარდაცვალება კუსტარულად დამზადებულმა ალკოჰოლურმა სასმელმა გამოიწვია. ოთხი გარდაცვლილის გარდა, მძიმე მოწამვლა აღენიშნება კიდევ სამ ქართველს, რომლებიც ამ დროისთვის რეანიმაციულ განყოფილებაში არიან გადაყვანილი. ქართველები მშენებლობაზე მუშაობდნენ. სასმელი მათ თავად დაამზადეს.

ამ დროისთვის არსებული ინფორმაციით, გარდაცვლილები აბაშიდან, სენაკიდან და ზუგდიდიდან არიან.

"ინტერპრესნიუსი"