ხათუნა ბერძენიშვილი სამი ბავშვის აყვანას უარყოფს

სოციალურ ქსელ Facebook-ში გავრცელებული ინფორმაცია, თითქოს საზოგადოებრივი მაუწყებლის საინფორმაციო სამსახურის ყოფილმა უფროსმა ხათუნა ბერძენიშვილმა სამი ბავშვი იშვილა, მცდარია. ამ ფაქტს თავად ხათუნა ბერძენიშვილი არ ადასტურებს.

Facebook აუდიტორია შეცდომაში შეიყვანა საბურთალოს რაიონის გამგებელის, გია ხუროშვილის გამოქვეყნებულმა ფოტომ, რომელზეც ხათუნა ბერძენიშვილი სამ პატარასთან ერთად არის გადაღებული. ფოტოს თან ერთვის ხუროშვილის კომენტარი: "ბერძენ, გილოცავ! გაგეზარდოს პატარები. ეს რა მაგარი გადაწყვეტილება მიგიღია! ბრავო, ბერძენ!"

ამავე პოსტს გია ხუროშვილის მეგობრები ეხმაურებიან, რომლებიც ასევე ულოცავენ და უწონებენ გადაწყვეტილებას.