თბილისში, დოლიძის ქუჩაზე წუხელ ახალგაზრდა დაჭრეს. როგორც "ინტერპრესნიუსს" საქართველოს შინაგან საქმეთა სამინისტროში განუცხადეს, საქმე 118-ე მუხლით აღიძრა , რაც ჯანმრთელობის განზრახ ნაკლებად მძიმე დაზიანებას გულისხმობს.
გავრცელებული ინფორმაციით, გასროლა ურთიერთშელაპარაკებას მოჰყვა, რის შედეგადაც 19 წლის ახალგაზრდა ფეხში მსუბუქად დაიჭრა.
დაშავებული სასწრაფო სამედიცინო ჯგუფმა საავადმყოფოში გადაიყვანა. ადგილზე საპატრულო პოლიციის წარმომადგენლები და ექსპერტ-კრიმინალისტები გვიანობამდე მუშაობდნენ.
ჯერ უცნობია, დაკავებულია თუ არა ახალგაზრდის დაჭრაში ეჭვმიტანილი.