თბილისში მდებარე 198-ე საბავშვო ბაღში ხანძარი გაჩნდა. როგორც "ინტერპრესნიუსს" საგანგებო სიტუაციების სამსახურიდან აცნობეს, ბაღის შენობიდან დროულად განხორციელდა საბავშვო ბაღის აღსაზრდელებისა და აღმზრდელების ევაკუაცია. ხანძრის შედეგად არავინ დაშავებულა.
საგანგებო სიტუაციების სამსახურის ინფორმაციით, ცეცხლი უკვე ლოკალიზებულია.
წინასწარი ინფორმაციით, ხანძარი ელექტროსადენებს გაუჩნდა.