გმირთა მოედანთან, ესტაკადაზე "ტოიოტას" ფირმის ჯიპს ცეცხლი გაუჩნდა. შემთხვევის ადგილზე მობილიზებულია სამაშველო, სახანძრო და პოლიციის ეკიპაჟები. ინციდენტის დროს მძღოლი და მგზავრები არ დაზარალებულან.
როგორც "ინტერპრესნიუსს" შემთხვევის ადგილზე მყოფმა მაშველებმა განუცხადეს, მანქანის ძარაში აალება, სავარაუდოდ, ელექტროგაყვანილობამ გამოიწვია.
აღნიშნულის გამო გმირთა მოედნიდან სანაპიროზე ავტომანქანების მოძრაობა შეზღუდულია.