ტყიბულის მაღაროში ერთი ადამიანი დაიღუპა

ტყიბულში, მინდელის სახელობის მაღაროში საწარმოო პროცესის დროს ერთი ადამიანი დაიღუპა. ამის შესახებ "ინტერპრესნიუსის" კორესპონდენტი ტყიბულიდან იუწყება.

წინასწარი ინფორმაციით, მსხვერპლი მაღაროში დღეს მომხდარმა უბედურმა შემთხვევამ გამოიწვია.

ოფიციალური კომენტარი მომხდართან დაკავშირებით ჯერ არ გაკეთებულა. არ სახელდება გარდაცვლილის ვინაობაც.

მინდელის სახელობის მაღარო კომპანია "საქნახშირს" ეკუთვნის.

"ინტერპრესნიუსი"