ქართველების პასუხი საქართველოს ნისლიან რუკას

სოჭის ოლიმპიადის გახსნაზე საქართველოს დელეგაციის გამოჩენისთანავე მონიტორზე გამოჩნდა საქართველოს რუკა, სადაც ოკუპირებული აფხაზეთის და ცხინვალის რეგიონის ტერიტორია ნისლის მსგავსი თეთრი გამოსახულებით იყო დაფარული. ამ ფაქტმა სოციალურ ქსელებში ქართველების გაღიზიანება და დებატები გამოიწვია. "ფეისბუქით" ვრცელდება ფოტომონტაჟი, რომელზეც ოლიმპიადის სიმბოლო 5 რგოლიდან ერთ-ერთს თეთრი ნისლი ფარავს. შეგახსენებთ, ცერემონიაზე, ოლიმპიადის სიმბოლო 5 რგოლიდან, მხოლოდ ოთხი "გაიხსნა". აღნიშნულ ფაქტი არ გამოპარვიათ სოციალური ქსელის მომხმარებლებს და ფაქტის ამსახველ ფოტოებს აქტიურად ათავსებენ ინტერნეტსივრცეში. აღნიშნული ფოტო "ტვიტერის" საკუთარ გვერდზე BBC-მაც განათავსა.