ზესტაფონის ფეროშენადნობ ქარხანაში ორი მუშა დაშავდა
ჭიათურაში გაფიცულ მაღაროელებს სოლიდარობა ზესტაფონის ფეროშენადნობთა ქარხანაში დასაქმებულებმა დღეს აქციით გამოუცხადეს. საწარმოში შესვენების დროს, ფეროს მიმდებარე ტერიტორიაზე, მაგისტრალზე, ქარხნის თანამშრომლებმა მაღაროელთა სოლიდარობის გარდა, საკუთარ პრობლემებზეც ისაუბრეს. "ჯორჯიან მანგანეზი", რომელთანაც მაღაროელებს პრეტენზიები აქვთ, ზესტაფონის ფეროშენადნობი ქარხნის მესაკუთრესაც წარმოადგენს.
"ჩვენ კარგად ვიცით მაღაროელების გაჭირვება. მაგალითად, არ სრულდება შრომის ახალი კოდექსით გათვალისწინებული მოთხოვნები. არ ხდება ზეგანაკვეთური შრომის ანაზღაურება, კარგა ხანია არ დაურიგებიათ სპეციალური ტანსაცმელი. არ არის დაცული შრომის უსაფრთხოება, რის გამოც გუშინ ორი მუშა დაშავდა. ერთს ხელი აქვს მოტეხილი და მეორეს საშუალო ზომის დამწვრობა აქვს მიღებული. საშინელ მდგომარეობაშია წყალი და უკვე ორი თვეა ვერ ვსვამთ," - ამბობს ფეროშენადნობთა ქარხნის პროფკავშირის თავმჯდომარე კახა მაჩიტიძე.
მაჩიტიძის თქმით, აღნიშნულ საკითხებთან დაკავშირებით ფეროს ადმინისტრაციასთან მოლაპარაკებები მიმდინარეობს.
წყარო: topnews.com.ge
ბამბის რიგში რესტორანი იწვის - ადგილზე 4 სახანძრო მუშაობს
დამწვარია 200-დან 250 კვ.მ ფართობი - რა ვითარებაა ბაზრობა "თერგის" ტერიტორიაზე
