ხობის რაიონში 80 წლამდე მოხუცს თავს დაესხნენ

ხობის რაიონის სოფელ ახალ ხიბულაში 80 წლამდე ასაკის აკაკი ადამიას თავს ორი უცნობი დაესხა. ბოროტმოქმედებმა ფული და ძვირფასეულობა მოითხოვეს, მოხუცს ფიზიკური შეურაცხყოფა მიაყენეს, ბარძაყის არეში მიადეს ცხელი უთო, რის შემდეგაც შემთხვევის ადგილიდან მიიმალნენ.

ადამია ჯერ ხობის, შემდეგ კი ზუგდიდის საავადმყოფოში გადაიყვანეს. ექიმების განცხადებით, მის სიცოცხლეს საფრთხე არ ემუქრება. მომხდართან დაკავშირებით აღძრულია სისხლის სამართლის საქმე 178-ე მუხლით, რაც ძარცვას გულისხმობს.

"ინტერპრესნიუსი"