ხართ თუ არა პოტენციური „ისტერიჩკა“ - სენსიტიური და ზედმეტად ემოციური ქალების TOP სამეული ზოდიაქოს ნიშნის მიხედვით

არიან ალბათ ყველა დამეთანხმება ამაში. გამოხატული ემოციურობა, მამაკაცზე მეტად ქალს ახასიათებს. თუმცა, ეს იმას როდი ნიშნავს, რომ ძლიერი სქესის წარმომადგენლები ძლიერ განცდებს არასოდეს განიცდიან. განიცდიან და მერე როგორ? ხშირად ქალებზე მეტადაც კი. უბრალოდ, კაცური თავმოყვარეობა არ აძლევს ბევრ მათგანს უფლებას ეს ყველაფერი ისტერიკამდე მიიყვანოს. რაც შეეხებათ ქალებს, მათ ხშირად ისტერიული საქციელიც საპატიოდ ეთვლებათ საზოგადოებაში – "ქალია და ეპატიებას" პრინციპით. თუმცა, მე თუ მკითხავთ, ემოციების კონტროლი ნებისმიერი სქესის წარმომადგენლისთვის ეტიკეტის ნორმა უნდა იყოს ხალხში.

დღეს მინდა სამი, ყველაზე სენსიტიური ქალბატონის შესახებ ვისაუბროთ, რომელთაც ასტროლოგები "პოტენციური ისტერიჩკების" შავ სიაში ათავსებენ. მინდა, ასევე გითხრათ ისიც, რომ აუცილებელი არ არის ქვემოთ ჩამოთვლილი ნიშნის ყველა წარმომადგენელი გამოირჩეოდეს არამდგრადი ფსიქიკით. მოგეხსენებათ, ყველაფერი მაინც ინდივიდუალურ კოსმოგრამაზეა დაფუძნებული ამა თუ იმ ადამიანის შემთხვევაში. მათ შორის, რაღა თქმა უნდა, ნერვების სიმყარეც.

კირჩხიბი – მთვარით მართული ქალები, როგორც წესი ყოველთვის ცვალებადი ხასიათით არიან გამორჩეულნი. კირჩხიბის მმართველი კი სწორედ რომ ეს მნათობი გახლავთ. ტიპური კირჩხიბი, შინაგანად ძალიან ემოციური, ბუტია და სენსიტიური პიროვნებაა. მას რა თქმა უნდა, შეუძლია თავი ხელში აიყვანოს და თანდაყოლილ გარდასახვის უნარს მიმართოს, მანამ სანამ მისთვის სასურველ მამაკაცს ჩაიგდებს ხელში. მაგრამ, როცა თავს სიტუაციის ბატონ-პატრონად დაიგულებს, მერე იწყება მისი (და პარტნიორის) ტანჯვა მუდმივი ეჭვიანობის სცენებითა და ხშირ-ხშირი გაბუტვებით. ღმერთმა ნუ ქნას, მამაკაცმა ხუმრობით მაინც უთხრას, რომ ჩემოდანს ალაგებს მისგან სამუდამოდ წასასვლელად. კირჩხიბის შემთხვევაში ისტერიკა გარანტირებული იქნება.

სასწორი

– როგორც წესი, ზოდიაქოს ამ ნიშნით დაბადებული ქალები მოქნილობით, დიპლომატიურობითა და გამოკვეთილი ხასიათის სირბილით გამოირჩევიან. თუმცა, სწორედ ეს ზემოხსენებული სირბილე და სხვისი აზრის გავლენაში მოქცევის ჩვეულება ხდება ხშირად ბევრი სასწორისთვის ნერვოზისა და მწვავე დეპრესიის მიზეზი. როგორც წესი, ზოდიაქოს ამ ნიშნით დაბადებული ქალები მუდმივად ცდილობენ "ოქროს შუალედის" პრინციპი არასოდეს დაარღვიონ ურთიერთობაში, რის გამოც მუდმივად უხდებათ დათმობა, გატარება, თავის ქნევა მეორე ნახევრისთვის, რომელიც ხშირად სრულებითაც არ აფასებს სასწორის კომპრომისზე წასვლის უნარს.

თევზები – მისი პრობლემა, როგორც წესი ყოველთვის იმაში მდგომარეობს, რომ საყვედურის თქმას დუმილს, მორჩილ მზერასა და ილუზიებით თავის გამოკვებას ამჯობინებს. თევზ ქალს დიდი ხნის მანძილზე აქვს იმედი იმისა, რომ მეუღლე, რომელიც მას ჯეროვნად არ აფასებს და უფრთხილდება, ერთ დღესაც ყოველგვარი მითითებისა და საყვედურის გარეშე "თავისით" მიხვდება საკუთარ დანაშაულს. მაგრამ როგორც წესი, ასე არასოდეს ხდება. უფრო მეტიც, ზემოხსენებული მეორე ნახევარი, უფრო და უფრო მეტ მოთხოვნებს წაუყენებს ჩვენს ქალთევზას, რის ხარჯზეც მისი ფსიქიკა საგრძნობლად დაზარალდება. საბოლოო რეზულტატად კი ჩუმ ნერვოზს მივიღებთ, რომლის მიზეზზეც დიდი ალბათობით ქალი თევზი ალბათ ისევ "თევზურ" დუმილს ამჯობინებს.