11-17 აგვისტოს ასტროლოგიური პროგნოზი ზოდიაქოს ნიშნებისთვის: შესანიშნავი დროა სხვების თვალში საკუთარი ავტორიტეტის გასაძლიერებლად

ამ კვირაში სასიამოვნო და ჰარმონიული ასტროლოგიური მოვლენები გველოდება. მათ შესახებ შეგიძლიათ გაეცნოთ სტატიას ჩვენს საიტზე. ახლა კი გაიგეთ რა გელოდებათ თქვენი ზოდიაქოს ნიშნის მიხედვით 11-17 აგვისტოს:

ვერძი

ძალიან ბევრს გაგიჩნდებათ სურვილი, გამოხვიდეთ ჩრდილიდან, გადადგათ ნაბიჯი ოცნებისკენ ან გამოხატოს საკუთარი თავი შემოქმედებით, ლიდერობით ან საყვარელ ადამიანებზე ზრუნვით. ეს იდეალური დროა მათთვის, ვინც მზადაა გარღვევისთვის, განსაკუთრებით იმ სფეროებში, სადაც გაურკვევლობა ადრე ხელს გიშლიდათ. თუმცა, გარემოებები მოითხოვს გულწრფელობას და ყველაფერი, რაც გულიდან მოდის, იოლად მოგვარდება. უნდა გაანებივროთ თქვენი შინაგანი ბავშვი, რომელიც შეგახსენებთ დავიწყებულ სიხარულს, სურვილებსა და ემოციურ ჭრილობებს.

კურო

კვირა მოგიტანთ განკურნებას თამაშების, მოგონებების, შემოქმედებისა და ემოციური სიმშვიდის მეშვეობით. გონივრული თავგადასავლები მისასალმებელია. ოჯახურ საკითხებში ჰარმონია დაისადგურებს, შეძლებთ ნათესავებთან ურთიერთობის გაუმჯობესებას მშვიდი საუბრებით ან ბავშვობის გახსენებით. შეიძლება მიიღოთ მნიშვნელოვანი მინიშნებები: რა გსურთ სინამდვილეში, საიდან მოდის თქვენი ძალა და როგორ გამოავლინოთ ის სიკეთით.

ტყუპი

ფინანსურად და სულიერად ეს კვირა გულუხვია, მაგრამ მოითხოვს გონიერებას. ნუ დაემორჩილებით მანიპულაციებს, უმჯობესია მიჰყვეთ შინაგან ხმას და არა სხვებს. ამ პერიოდში სამყარო განსაკუთრებით მგრძნობიარეა სითბოსა და გულწრფელობის მიმართ. თქვენ უშუალოდ მონაწილეობთ კვირის მოვლენების ჩამოყალიბებაში, უფრო მეტიც, გახდებით მისი ცენტრი, თუ სულისკვეთებით იმოქმედებთ: სიყვარულით, სიბრძნითა და რწმენით.

კირჩხიბი

ოპტიმისტური და მხიარული კვირაა! ახალი იდეებით და მათი დაუყოვნებლივ განხორციელების სურვილით იქნებით სავსე, მთავარია, არ გადაიღალოთ და თავიდან აიცილოთ შეუძლებელი ვალდებულებების საკუთარ თავზე აღება. ეს დრო შესანიშნავია ნებისმიერი ფინანსური და საქმიანი წამოწყებისთვის. შეიძლება გქონდეთ გართობის სურვილი. თუმცა, უმჯობესია არ ჩაერთოთ აბსტრაქტულ ფიქრებში და ფრთხილად იყოთ, განსაკუთრებით უცნობებთან.

ლომი

თქვენს ცხოვრებაში კაშკაშა ენერგიის ნაკადი იფეთქებს, რომელიც აგავსებთ საკუთარი ძალების რწმენით, რაც მოგიტანთ წარმატებას. მიზანსწარფულობა და თავდაჯერებულობა კი აუცილებლად მიგიყვანთ სასურველ შედეგებამდე. თუ გაწუხებთ ეჭვები თქვენს მეორე ნახევართან დაკავშირებით, ამ პერიოდში საკითხი, სავარაუდოდ, ასე თუ ისე მოგვარდება, შესაძლოა თქვენი ნების საწინააღმდეგოდაც კი. და როგორც არ უნდა განვითარდეს თქვენი ურთიერთობა, სამყარო მოგცემთ ძალას, რომ გაუმკლავდეთ ყველაფერს. მალე გამოჩნდება ადამიანი, რომელიც თქვენს ცხოვრებას რადიკალურად შეცვლის.

ქალწული

კვირის ასპექტები დაგეხმარებათ სწორად იფიქროთ და სხვებთან საერთო ენა გამონახოთ. ამიტომ ეცადეთ, არ გაუშვათ ხელიდან შესაძლებლობა, იპოვოთ რთული საკითხების გადაწყვეტა. წარუმატებლობები და აპათია, რომელიც გაწუხებდათ, საბოლოოდ გაქრება და შეგიძლიათ დაიწყოთ ამ პერიოდში დაგროვილი პრობლემების მოგვარება. იგრძნობთ განახლებისა და ტრანსფორმაციის საჭიროებას და დიდი შანსია, რომ ყველაფერი, რაც დაგეგმეთ, გამოგივიდეთ. მაგრამ წარმატებამ თავბრუ არ უნდა დაგახვიოთ, წინააღმდეგ შემთხვევაში არსებობს შეცდომის დაშვების რისკი.

სასწორი

კვირა შესანიშნავია მომავლის გეგმების განსახილველად, როგორც პირადი, ასევე საქმიანი, მაგრამ გეგმების განხორციელება უნდა გადადოთ მერკურის რეტროგრადული სვლიდან გამოსვლამდე. ორშაბათ-სამშაბათს, კოსმიური ენერგიები გიბიძგებთ მკვეთრი და ნაჩქარევი ქმედებებისკენ, რაც შეიძლება მოგვიანებით ინანოთ. უმჯობესია, ნებისმიერი ფინანსური გადაწყვეტილება რამდენჯერმე აწონ-დაწონოთ, დიდი საფრთხეა, რომ შეცდომა დაუშვათ, მოტყუების ან თაღლითობის მსხვერპლი გახდეთ.

მორიელი

კვირის ენერგიებმა შეიძლება გიბიძგოთ სარისკო და ექსცენტრული ქმედებებისკენ, ზოგჯერ კი ყველაფრის შეცვლის მწვავე სურვილი გამოიწვიონ. შეიძლება მოგინდეთ თქვენი ცხოვრების კარდინალურად შეცვლა. ეს განსაკუთრებით შესამჩნევი იქნება პარტნიორთან ურთიერთობაში, სადაც ამ პერიოდში ეჭვიანობა წინა პლანზე წამოიწევს და შესაძლოა სერიოზული კრიზისი გამოიწვიოს. უმჯობესია, ამ პერიოდში ურთიერთობის გარკვევას თავი აარიდოთ.

მშვილდოსანი

თქვენი განწყობა გაუმჯობესდება. არჩევანის გაკეთება მოგიწევთ ოჯახურ საკითხებსა და სამსახურს შორის. არ უნდა მიიღოთ საბედისწერო გადაწყვეტილებები, განსაკუთრებით თუ ოდნავი ეჭვი გაქვთ. უფრო ყურადღებით იყავით შეხვედრებსა და ახალ ნაცნობებთან. ამ პერიოდში შესაძლოა თქვენს ცხოვრებაში ჭეშმარიტად კარმული ადამიანი შემოვიდეს. სამსახურში ასევე უმჯობესია თავი აარიდოთ უფროსებთან და კოლეგებთან ურთიერთობის დალაგებას.

თხის რქა

არსებობს განცდა, რომ გზაჯვარედინზე ხართ და უნდა აირჩიოთ, რა გზას დაადგეთ. ამ კვირაში იქნება დაძაბულობა და გაურკვევლობა, რაც თქვენს გარშემო მყოფებს გააკვირვებს, ზოგიერთი შეიძლება გაჭიანურებულ კონფლიქტებში გადაიზარდოს. პრობლემების თავიდან ასაცილებლად, მოუსმინეთ თქვენთვის ძვირფას ადამიანებს. ნუ უგულებელყოფთ ჯანსაღ კრიტიკას.

მერწყული

თქვენი პესიმიზმი და ეჭვი თავისით გაქრება. ყველაფერი იოლად მოგვარდება, გამძლეობა და სიმშვიდე შეინარჩუნეთ. საშუალება გეძლევათ, კარგად წარმოაჩინოთ თავი სამსახურში. თუმცა, პირად ცხოვრებაში ეს პლუსები ადვილად შეიძლება მინუსებად იქცეს. უმჯობესია, თავი აარიდოთ ურთიერთობების გარკვევას და გადამწყვეტი ნაბიჯების გადადგმას. შესანიშნავი დროა სხვების თვალში საკუთარი ავტორიტეტის გასაძლიერებლად. თუ რემონტის გაკეთებას გეგმავთ, კარგი დროა მის დასაწყებად.

თევზები

ეცადეთ, თავი აარიდოთ ურთიერთობების დალაგებას და წვრილმანებზე კამათს, განსაკუთრებით კოლეგებთან და ბიზნესპარტნიორებთან. თუ ამ თემებს გაუმკლავდებით, მაშინ კვირა შესანიშნავად ჩაივლის. დაასრულეთ ადრე დაწყებული საქმეები და მიიღეთ დიდი ხნის წინ გადადებული გადაწყვეტილებები. უმჯობესია, უფროსებისგან შორს და ოჯახთან - უფრო ახლოს იყოთ. სახლში ატმოსფერო საკმაოდ მშვიდია და ჩხუბის სურვილი არ გექნებათ. თუ საცხოვრებელი მისამართის შეცვლას ფიქრობთ, ეს კვირა წარმატებული იქნება.