12 აგვისტოს დაბადებული ადამიანი წარმატებას აღწევს, როგორც დაქვემდებარებულის ისე შეფის როლში

აგვისტო ძველად (ლათ. Augustus) განსაკუთრებულ, სხვა თვეებს შორის ზეაღმატებულ, სამეფო თვედ ითვლებოდა. სახელი კი მას იმპერატორ ოქტავიანე ავგუსტუსის პატივსაცემად ეწოდა. აგვისტო ზაფხულის ბოლო თვეა და ერთ-ერთია იმ შვიდ თვეს შორის, რომელიც 121 რიცხვით გადის. ძველად ამბობდნენ, "რასაც აგვისტო ამზადებს, სექტემბერი იმით სუფრას გაშლისო". ამიტომ შემთხვევითი არაა ის ფაქტი, რომ ადამიანების დიდი ნაწილი სწორედ აგვისტოს თვეში აკეთებს განვლილი წლის "აღწერას" და სექტემბერს ახლებური ენერგიით ეგებება. ასტროლოგიურად აგვისტოს თვე, ორ ერთმანეთისგან რადიკალურად განსხვავებულ ზოდიაქოს ნიშანს – ლომსა და ქალწულს აერთიანებს. ლომის სიფიცხე და ექსპანსიურობა, ქალწულის პრაგმატულ აზროვნებასთან და გაწონასწორებულ ხასიათთან სრულ დისონანსს ქმნის. თუმცა, ხშირად ორივე ზოდიაქოს ნიშნის წარმომადგენელთა პირად რუკებში ვხვდებით ერთმანეთის გავლენას. ამიტომ იშვიათი არაა, რომ ლომი ქალწულისთვის დამახასიათებელ ცივ და ანგარიშიან გონებას ფლობს, ქალწული კი ლომურ შარმსა და არისტოკრატიულ მანერებს.

როგორია 12 აგვისტოს დაბადებული ადამიანი

12 აგვისტოს დაბადებული ადამიანები კომუნიკაბელურები და სოციალურად ძალზე აქტიურები არიან. ისინი იოლად ახერხებენ ახალ გარემოში ადაპტაციას და შესანიშნავი ლავირების უნარი გააჩნიათ. მათთვის მარტივია ჯგუფში ან დიდ კორპორაციაში მუშაობა, იმიტომ რომ, ბუნებით სოციუმის მოყვარულები და კოლექტიურები არიან. შესაბამისად, წარმატებას აღწევენ, როგორც დაქვემდებარებულის ისე შეფის როლში.