14-20 აპრილის მნიშვნელოვანი ასტროლოგიური მოვლენები: ყურადღება გამახვილებულია კომფორტზე, ჰარმონიასა და ფიზიკურ სიამოვნებაზე
ეს არის ინტენსიური ცვლილებების კვირა. ენერგეტიკული დინამიკა მკვეთრად იცვლება, მოაქვს ახალი იმპულსები მოქმედების, კომუნიკაციისა და შინაგანი სტაბილურობისთვის. მერკური ვერძში გადადის, მარსი - ლომში, მზე კი - კუროში. კუროებო, აქვე მოგილოცავთ მზის თქვენს ნიშანში გადმოსვლას. ახლა თქვენი დროა. გააქტიურდით სასურველის მისაღწევად.
ახლა კი განვიხილოთ თითოეული მოვლენა დეტალურად, რათა ვიცოდეთ, რა გველოდება და როგორ უნდა მოვიქცეთ:
16 აპრილს მერკური, ჩვენი აზროვნებისა და კომუნიკაციის პლანეტა, ცეცხლოვან და აქტიურ ვერძში შედის. მეოცნებე თევზებში ყოფნის შემდეგ, მერკური ვერძში იწყებს მოკლედ, მკვეთრად, გასაგებად საუბარს. აზროვნების პროცესები ჩქარდება, ჩნდება ახალი იდეები, მონდომება, მზადყოფნა სპონტანური გადაწყვეტილების მისაღებად. შეძლებთ დიდი ხნის პრობლემების გადაჭრას და გააუმჯობესებთ ურთიერთობებს.
18 აპრილს მარსი, აქტივობისა და ნებისყოფის პლანეტა, გადადის ლომის ნიშანში. მოქმედებები უფრო თავდაჯერებული, ვნებიანი და შემოქმედებითი ხდება. ლომში მარსი თავს კარგად გრძნობს. ეს არის მამაცი რაინდის ენერგია, რომელსაც არ ეშინია იყოს ყურადღების ცენტრში. იქნება დრაივი, იქნება სცენა, იქნება აპლოდისმენტები. მნიშვნელოვანი გახდება კითხვები თვითშეფასების, ლიდერობისა და საზოგადოებრივი საქმიანობის შესახებ.
ამასთან, 18 აპრილიდან ყალიბდება მარსისა და პლუტონის დაპირისპირება (ზუსტი ასპექტი იქნება 26 აპრილს), რომელიც იძლევა სახიფათო და დესტრუქციულ სიტუაციებს, მზარდ სამხედრო და პოლიტიკურ დაპირისპირებას . 18 აპრილიდან თვის ბოლომდე ფონი საგანგაშოა, მარსსა და პლუტონს შორის ასეთი დაპირისპირება უკვე იყო 2024 წლის დეკემბრის ბოლოს და გაიხსენეთ, რა ხდებოდა ამ პერიოდში თქვენს ცხოვრებაში, გარშემო, ზოგადად სამყაროში.
20 აპრილს მზე, ჩვენი სასიცოცხლო ენერგიის მთავარი წყარო, ერთი თვით გადადის კუროში. კურო ფოკუსირებულია სტაბილურობასა და პრაქტიკულობაზე. ჩქარი ვერძის შემდეგ დგება სტაბილურობის, დამიწების და მარტივი სიამოვნებების მიღების პერიოდი. ახლა ყურადღება გამახვილებულია კომფორტზე, ჰარმონიასა და ფიზიკურ სიამოვნებაზე. მზე კუროში ამბობს: „შეანელე, ისიამოვნე, დატკბი“. ეს არის იმპულსიდან ხარისხზე გადასვლის და მყარი საფუძვლის შექმნის დრო.
ბედნიერ კვირას გისურვებთ!