2024 წლის ასტროლოგიური პროგნოზი მერწყულებისთვის: “ტრადიციები, ოჯახური კავშირები და მემკვიდრეობითი საკითხები იქნება მნიშვნელოვანი“

2024 წლის ზოგადი ტენდენცია

2024 წელი საოჯახო საქმეების პერიოდი იქნება. ყველაფერი, რაც ამ სფეროსთან არის დაკავშირებული, თქვენი ყურადღების ცენტრში იქნება. მოემზადეთ მხიარული მოვლენებისთვის, მღელვარებისა და მოულოდნელი სიურპრიზებისთვის. იქნება შესაძლებლობა განაახლოთ ან შეცვალოთ ბინაში დიზაინი, გააკეთოთ რემონტი ან გაზარდოთ ოჯახის წევრთა რაოდენობა. იუპიტერის წყალობით შეძლებთ ნათესავებთან ურთიერთობების განმტკიცებას. წარმატებული იქნება ბინის, სახლის ან აგარაკის ყიდვა-გაყიდვის გარიგებები. არ გაუშვათ ხელიდან შესაძლებლობა შეიქმნათ თქვენი კომფორტული "ბუდე". მაგრამ გახსოვდეთ, რომ რემონტი მოითხოვს მნიშვნელოვან ინვესტიციას. შესაძლოა, წვრილმანებით დაიწყოთ, მაგრამ საქმეები გაიზრდება. იყავით მომთმენი და მშვიდი, 2024 წლის ბოლოს ნახავთ, რა დიდი სამუშაო გააკეთეთ. რაც მთავარია, ყველაფერი მოგეწონებათ, ოჯახი ბედნიერი იქნება. ტრადიციები, ოჯახური კავშირები და მემკვიდრეობითი საკითხები - ეს ყველაფერი მნიშვნელოვანი იქნება 2024 წელს. მოგინდებათ იცოდეთ ვინ იყო თქვენი დიდი ბაბუა, შეისწავლოთ ოჯახის, საგვარეულოს ისტორია, შექმნათ გენიალოგიური ხე.

თქვენთვის წარმატებული და დაუვიწყარი პერიოდია 26 მაისიდან წლის ბოლომდე. თავს ფორტუნას ფავორიტად იგრძნობთ. ეს აისახება თქვენს შინაგან სიმშვიდესა და შთაგონებაზე, რაც დაგეხმარებათ საკუთარი თავის რეალიზებაში ყველა სფეროში. ნათელი იდეების, შემოქმედებითი გეგმებისა და აქტივობის ზღვა გელოდებათ. განახორციელებთ ყველაფერს, რასაც მოისურვებთ. რომანტიკული ნაცნობობა, აღიარებები და გრძნობების აფეთქებები გელოდებათ წლის მეორე ნახევარში. მოგინდებათ ფლირტი და ურთიერთობის გაუმჯობესება საპირისპირო სქესთან.

2024 წლის პროგნოზი მერწყული მანდილოსნებისთვის

2024 წელი გარდამტეხი იქნება მერწყული ქალისთვის. ბევრი ცვლილებაა, რაც თავსატეხს და გაოცებას გამოიწვევს, თუმცა თავიდან ისინი ტრივიალურად მოგეჩვენებათ. მთავარია, წლის პირველ ნახევარში მოემზადოთ იმისთვის, რაც იქნება წლის მეორე ნახევარში. შესაძლო მიგრაცია, გადაადგილება ან სამსახურიდან გათავისუფლება. ბუნებრივია, ყველაფერი ახალი შემოდის ცხოვრებაში, მაშინ, როცა ძველმა უკვე მოჭამა თავისი დრო. ამის გარეშე რეფორმები არ განხორციელდება. მაგრამ განსაცდელი სულიერად გაგაძლიერებთ და თვითშეფასებას გაგიზრდით. რაც შეეხება სასიყვარულო სფეროს, ბევრი რამ არის დამოკიდებული თავად თქვენზე. თუ პარტნიორის მიმართ რბილი და ლმობიერი ხართ, ურთიერთობა უფრო ჰარმონიული გახდება. ზაფხულიდან მარტოხელა ქალებს გაუმართლებთ პირად ცხოვრებაში. რომანტიკული შეხვედრა პოზიტიური განწყობას მოგიტანთ.

2024 წლის პროგნოზი მერწყული მამაკაცებისთვის

2024 წელი მერწყული მამაკაცისგან ფოკუსირებასა და დისციპლინას მოითხოვს, თუ გსურთ მიაღწიოთ წინსვლას პროფესიულ სფეროში. გარემოებები შეიძლება სწრაფად შეიცვალოს და თქვენ უნდა იყოთ მოქნილი და სწრაფად მოერგოთ ცვლილებებს. თუ ოჯახი გყავთ, მაშინ მას მეტი დრო უნდა დაუთმოთ. დროა იზრუნოთ ოჯახზე, საოჯახო და საყოფაცხოვრებო საკითხებზე. მერწყულებს არ გიყვართ რუტინული საქმეების კეთება, მაგრამ ახლა ცხოვრება თქვენგან მოთმინებასა და თავმდაბლობას მოითხოვს.

2024 წელი არის შესაფერისი დრო თქვენი კარიერული გეგმების განსახორციელებლად. შეიძლება მოგიწიოთ რაღაცის შეცვლა თქვენს მსოფლმხედველობაში, წაშალოთ ზოგიერთი რწმენა, პრინციპი, რომელიც აღარ არის აქტუალური. დიახ, და ღირს ცვლილებების შეტანა გარეგნობაშიც. მაგალითად, ზოგიერთი მერწყულისთვის ახალი თანამდებობა მოითხოვს უფრო ძვირად ღირებულ, მაღალი სტატუსის სამოსს.

2024 წლის სასიყვარულო პროგნოზი

2024 წლის 26 მაისამდე, იუპიტერი - ბედნიერებისა და იღბლის პლანეტა, იქნება თქვენი სახლისა და ოჯახის სექტორში. დაოჯახებულებს, პირადი ცხოვრების კუთხით უკეთესი დრო გელოდებათ წლის პირველ ნახევარში. თქვენი კავშირი პარტნიორთან შეიძლება გაღრმავდეს, იყოს ჰარმონიული; საუკეთესო დროა ოჯახის გაფართოებისთვის. იუპიტერის გავლენით პარტნიორები ერთმანეთის მიმართ უფრო ოპტიმისტურად და დიდსულოვნად იგრძნობთ თავს, რაც ხელს შეუწყობს ემოციური უსაფრთხოებისა და კეთილდღეობის შეგრძნებას. უფრო მეტ დროს გაატარებთ საყვარელ ადამიანებთან. ეს შესანიშნავი დროა ნათესავებთან ურთიერთობის გასაუმჯობესებლად, რომლებთანაც დიდი ხანია არ გქონიათ კომუნიკაცია.

2024 წლის 26 მაისს იუპიტერი გადავა თქვენი სიყვარულისა და ვნების სექტორში. ამ პერიოდმა შეიძლება გამოიწვიოს ახალი და საინტერესო რომანტიკული ურთიერთობები. თუ მარტოხელა ხართ, იუპიტერის გავლენამ შეიძლება გაზარდოს თქვენი შანსები შეხვდეთ განსაკუთრებულ ადამიანს, რომელიც იზიარებს თქვენს ინტერესებსა და ღირებულებებს. შეგიძლიათ გახდეთ უფრო თავდაჯერებული და ქარიზმატული, ადვილად მიიზიდოთ პოტენციური პარტნიორები.

16 თებერვლიდან 11 მარტამდე სიყვარულისთვის უფრო გახსნილი გახდებით. გადახედეთ თქვენს ფასეულობებსა და პრიორიტეტებს ურთიერთობებში. დაფიქრდით, ვისზე ხარჯავთ თქვენს დროს, ენერგიასა და ემოციებს. ამ პერიოდში გაირკვევა, თუ რას მოაქვს ნამდვილი სიხარული და კმაყოფილება სასიყვარულო საკითხებში. არსებულ ურთიერთობებში იმატებს ვნება და სიყვარული.

23 მაისიდან 17 ივნისამდე შესანიშნავი დროა ოჯახთან ერთად გასატარებლად. ერთად დაისვენეთ და გაერთეთ. თუ შესაძლებელია, წადით შვებულებაში შვილებთან ერთად. მარტოხელებს გაცნობის უამრავი შესაძლებლობა ექნებათ. კომუნიკაბელური ადამიანი ხართ, სახლში ნუ იჯდებით, წადით იქ, სადაც შეძლებთ შეხვდეთ პოტენციურ რჩეულს.

11 ივლისიდან 5 აგვისტომდე პარტნიორული ურთიერთობები წინა პლანზე მოვა. ადამიანი, რომელსაც ამ დროს შეხვდებით, შესაძლოა, ერთი შეხედვით, თქვენი აზრით, საერთოდ არ შეგეფერებოდეთ. მაგრამ არ დროის გასვლის შემდეგ აზრს შეიცვლით. მიეცით ადამიანს შანსი, რომ თქვენი ყურადღება მიიქციოს. შეიძლება აღმოჩნდეს, რომ მოგვიანებით დააფასებთ მის ქმედებებს, ხასიათს და მიხვდებით, რომ ეს არის ზუსტად ის ადამიანი, რომელსაც ელოდით.

17 ოქტომბრიდან 11 ნოემბრის ჩათვლით მეგობრები გაგაცნობენ საინტერესო ადამიანს. უფრო ხშირად უნდა იყოთ მეგობრულ კომპანიებში ან თანამოაზრეთა წრეში. საერთო ინტერესები დაგაახლოებთ და შეიძლება ურთიერთობა ფლირტიდან რომანში გადაიზარდოს.

15 დეკემბრიდან თუ ისევ მარტოხელა ხართ, უნდა გამოიჩინოთ ინიციატივა, რომ თქვენი აქტიურობის, ქარიზმის, მიმზიდველობის წყალობით, გაიჩინოთ პარტნიორი ახალი წლის აღსანიშნავად და, შესაძლოა, თანაცხოვრებისთვისაც.

2024 წლის ფინანსური პროგნოზი

2024 წელს სატურნი აგრძელებს მოძრაობას თქვენს ფინანსურ სექტორში. ეს არის გაზრდილი პასუხისმგებლობისა და დისციპლინის პერიოდი, როდესაც საქმე ფულს ეხება. უპირატესობა მიანიჭეთ ფინანსურ სტაბილურობას, დანაზოგს და გრძელვადიან დაგეგმვას. ეს შეიძლება იყოს დრო, რომ ხელახლა შეაფასოთ თქვენი ფინანსური მიზნები და შეიტანოთ კორექტირება უსაფრთხო მომავლის უზრუნველსაყოფად. 2024 წლის ერთ-ერთი მთავარი გაკვეთილი არის ფინანსური ზომიერების და კონტროლის შესწავლა. ამან შეიძლება გამოიწვიოს ხარჯების შეზღუდვა, უფრო ფრთხილი უნდა გახდეთ ხარჯვისას. შესაძლოა მოგიწიოთ ადრე უგულებელყოფილი ფინანსური პრობლემების გადაჭრამ და ვალების გადახდამ. მიუხედავად იმისა, რომ ეს შეიძლება იყოს რთული პერიოდი, ის ასევე შეიძლება იყოს ზრდისა და უფრო ძლიერი ფინანსური ფონდის აშენების შესაძლებლობა. დისციპლინა და პასუხისმგებლობა გამოავლინეთ, რათა საფუძველი ჩაუყაროთ უსაფრთხო და სრულფასოვან ფინანსურ მომავალს.

16 თებერვლიდან თქვენი სურვილი, მიიპყროთ მეტი ყურადღება საკუთარ თავზე, დაგეხმარებათ ფულის მოზიდვაში. აჩვენეთ თქვენი ნიჭი და შესაძლებლობები თქვენთვის საინტერესო ადამიანებს. კარგი პერიოდია სამუშაოს მოსაძებნად, რომლის ხელფასიც ახლანდელზე მაღალი იქნება. ზოგიერთს გამოგიჩნდებათ დამატებითი შემოსავლის წყარო.

2024 წლის 23 მაისიდან 17 ივნისამდე სასარგებლო ადამიანებს შეხვდებით, რომლებიც შემდგომში დაგეხმარებიან. შესანიშნავი დროა შეხვედრებისა და მოლაპარაკებებისთვის. კარგია, რომ მოითხოვოთ დაწინაურება, დაიწყოთ ახალი საქმეები.

29 აგვისტოდან 23 სექტემბრის ჩათვლით კარგი დროა შემოსავლის უცხო ქვეყნებიდან მისაღებად.

23 სექტემბრიდან 17 ოქტომბრის ფრთხილად უნდა იყოთ. მოიმატებს დაბრკოლებები, ინტრიგები და კულისებს მიღმა თამაშები. თუ მიზანსწრაფული იქნებით მხოლოდ ასე მიაღწევთ თქვენს მიზანს.

2024 წლის დეკემბერში ნუ დაზოგავ ფულს საკუთარ თავზე. ახლა თქვენი ტრანსფორმაციის დროა. ქარიზმა, თავდაჯერებულობა და უნაკლო გარეგნობა დაგეხმარებათ უფრო სწრაფად მიაღწიოთ ფინანსურ მიზნებს და მოახდინოთ სწორი შთაბეჭდილება სწორ ადამიანებზე.

2024 წლის სამუშაოსა და ბიზნესის პროგნოზი

2024 წელს ჩრდილოეთი კვანძი თქვენს მე-3 სახლშია, გახშირდება ინფორმაციის მიიღება, კომუნიკაცია, სწავლა და მოგზაურობა. შესაძლოა მოგიწიოთ მუშაობის ახალ გზებთან ადაპტაციამ ან ახალი უნარების სწავლამ, რათა გახდეთ უფრო ეფექტური თქვენს სამსახურში. კოლეგებთან კომუნიკაცია უფრო ღრმა და მჭიდრო გახდება. შესაძლებელია, რომ თქვენი დედმამიშვილი, თანაკლასელი ან მეზობელი დაგეხმაროთ თქვენს საქმეში. საუკეთესო დროა მათთვის, ვინც წერს სტატიებს, წიგნებს, საქმიანობს ჟურნალისტიკაში, გაყიდვებისა და კომუნიკაციის სფეროში. დაიწყებთ უფრო მეტ ურთიერთობას ადამიანებთან, განახორციელებთ მიმოწერას, წახვალთ მივლინებებში, გადაადგილდებით ქალაქში.

5 თებერვლიდან მარტის ბოლომდე შესანიშნავი პერიოდია ახალი პროექტის დასაწყებად, სხვა სამუშაოზე გადასასვლელად ან ახალი პოზიციის დასაკავებლად. თქვენს მცდელობებსა და იდეებს მხარს დაუჭერენ კოლეგები, ხელმძღვანელობა და ქვეშევრდომები. თქვენი ქარიზმისა და შემოთავაზებული იდეების წყალობით, შეძლებთ მიაღწიოთ სასურველს. ბევრი თქვენი ძალისხმევა მიმართული იქნება, პირველ რიგში, ფულის მოპოვებაზე და საკუთარი თავის ლიდერად წარმოჩენაზე. მარტში თქვენი კომუნიკაბელურობა და კონტაქტების მარტივად დამყარების უნარი დაგეხმარებათ საქმეების უფრო სწრაფად მოგვარებაში. გახშირდება მივლინება ან ბევრი მოგზაურობა ქალაქში, მის შემოგარენში.

3-დან 17 ივნისამდე პერიოდი ხელსაყრელია შემოქმედებითი ადამიანებისთვის. ამ დროს, კარგია, მოძებნოთ სპონსორები თქვენი პროექტებისთვის, დაიწყოთ თქვენი ჰობის განვითარება და უფრო აქტიური გახდეთ თქვენი პროდუქტის ან სერვისების რეკლამირებაში. გააქტიურდით, რომ გააფართოოთ თქვენი კლიენტების სია და მასთან ერთად მოგებაც.

2-დან 25 ივლისამდე შესაფერისი დროა სანდო პარტნიორებისა და თანამშრომლების მოსაძებნად. ამ დროს წყვილებში მუშაობა საუკეთესო შედეგს გამოიღებს და იქნება უფრო პროდუქტიული. ასევე მაღალია მომხმარებლების რაოდენობის გაზრდის ალბათობა. ან ეს იქნება პერიოდი, როდესაც დაიწყებთ პროფესიონალურ მომსახურებას.

26 სექტემბრიდან 13 ოქტომბრის ჩათვლით კარგი დროა ახალი უნარებისა და ცოდნის მისაღებად, რაც შემდგომში დაგეხმარებათ მიიღოთ უფრო მაღალი თანამდებობა ან გაზარდოთ მომსახურების ფასი. კარგი პერიოდია მივლინებისა და თქვენი ხედვის გაფართოებისთვის.

2024 წლის 13 ოქტომბრიდან 2 ნოემბრის ჩათვლით პერიოდმა შეიძლება მნიშვნელოვანი გავლენა იქონიოს თქვენს კარიერასა და მის ზრდაზე. მიიღებთ დახმარებას სამთავრობო უწყებებიდან და პარტნიორებისგან თქვენი გეგმების განსახორციელებლად. იქნება ხელფასის გაზრდის ან ახალ სამუშაოზე გადასვლის შესაძლებლობა.

2024 წლის ჯანმრთელობის პროგნოზი

განსაკუთრებული ყურადღება უნდა მიაქციოთ ჯანმრთელობას იანვრიდან მარტის ბოლომდე. ენერგიის მატება და დაცემა მონაცვლეობით მოხდება, შეამოწმეთ თქვენი ჯანმრთელობა. სასარგებლო იქნება სპორტი და ცუდი ჩვევების დავიწყება. გაზაფხულზე გაიძლიერეთ იმუნიტეტი, აქცენტი გადაიტანეთ კუჭ-ნაწლავის ტრაქტის, სისხლძარღვების და გულის მუშაობაზე. იარეთ ხშირად ფეხით, თუნდაც გრილ ამინდში. და, რა თქმა უნდა, იძინოთ მინიმუმ 7 საათი. მთელი სხეულის აღდგენა ამაზე იქნება დამოკიდებული.

ვნახოთ რა გავლენას მოახდენენ მერწყულებზე პლანეტების ტრანზიტები 2024 წელს

სატურნის გავლენა

სატურნი თქვენი ფინანსების სახლში მოგზაურობს. ახლა უმჯობესია დაზოგვა, ვიდრე დახარჯვა. უნდა აწონ-დაწონოთ ყველა ფინანსური გადაწყვეტილება და დაზოგოთ ფული შავი დღისთვის. საუკეთესო დროა მათთვის, ვისაც დიდი ხანია სურდა გამხდარიყო ფერმერი, დაეუფლებოდა სოფლის მეურნეობას. მაგრამ გახსოვდეთ, რომ დასვენების გარეშე მუშაობა საავადმყოფომდე მიგიყვანთ. თქვენ უნდა დაისვენოთ, თუ დაუფიქრებლად ხარჯავთ ენერგიას, ვერ გამოჯანმრთელდებით.

2024 წელს გულდასმით უნდა განიხილოთ ადამიანებთან ურთიერთობა. არ არის გამორიცხული, რომ ვიღაც “იკვებება“ თქვენი ფინანსებით, ენერგიით, ან ფსიქოლოგიურად მოქმედებს თქვენზე. მოიცილეთ ყველაფერი არასაჭირო და ნეგატიური. ეს ეხება არა მხოლოდ ადამიანურ ურთიერთობებს, არამედ ნივთებსაც. უნდა გახდეთ უფრო თავდაჯერებული.

ურანის გავლენა

ურანი თქვენი ოჯახის სახლში მოგზაურობს. შესაძლებელია ცვლილებები ნათესავებთან ურთიერთობაში. ზოგიერთი ზრდასრული ბავშვი გადაწყვეტს ცალკე ცხოვრებას, ზოგს კი სურს ცხოვრება დედასთან და მამასთან. სიტუაციები ძალიან განსხვავებული იქნება და, ზოგჯერ, მოულოდნელიც, მაგრამ თქვენ უნდა მოიქცეთ მშვიდად და გონივრულად. ოჯახის ხანდაზმული წევრები განსაკუთრებულ ყურადღებას და ზრუნვას საჭიროებენ. ზოგიერთ მათგანს სახლში მიიყვანთ, ან მათ ბინაში დაიწყებთ რემონტს. მთავარია, გონებრივად და ფინანსურად მზად იყოთ ნებისმიერი სირთულისთვის. 2024 წელს შეიძლება მოულოდნელად შეხვდეს ადამიანს, რომელიც მრავალი წელია არ გინახავთ. კავშირი განახლდება და უფრო გულწრფელი და საინტერესო გახდება. სხვათა შორის, გამორიცხული არაა, თქვენი მშობლების ქორწინებაც, თუ ასაკი ხელს უწყობთ.

ნეპტუნის გავლენა

ნეპტუნი თქვენი ფინანსების სახლში მოძრაობს. ვიღაც მოულოდნელად გამდიდრდება, მიიღებს მემკვიდრეობას ან მიაღწევს სიმაღლეებს კარიერაში. ფინანსურ სექტორში გამარჯვება გელით, მაგრამ სიფრთხილეს თავი არ სტკივა და ამიტომ გამოიჩინეთ პრაქტიკული მიდგომა შემოსავლის განაწილებისას. გულდასმით დათვალეთ თქვენი ხარჯები. თუ ფულის საშოვნელად თაღლითობის, თავგადასავლებისა და ტყუილის გზას დაადგებით, დაკარგავთ ყველაფერს, რაც გამოიმუშავეთ.

ლილიტის გავლენა

იანვრიდან ივლისის ჩათვლით ლილიტი გაივლის თქვენს მე-8 სახლში. ამან შეიძლება გამოიწვიოს სახსრების ნაკლებობა, სესხების გადასახდა, შესაძლებელია ვალები და ფინანსური ტრანზაქციებისას წარუმატებლობა. ამ პერიოდში არ უნდა აიღოთ სესხი, იპოთეკა. მატერიალური მდგომარეობა შეიძლება გაგიუმჯობესდეთ ქორწინებას ან სასიყვარულო პარტნიორის დახმარებით. შეიძლება იყოს დამაბნეველი სიტუაციები პენსიების და ალიმენტის გადახდასთან დაკავშირებით. ასევე უფრთხილდით სახიფათო სპორტს, არ ჩაერთოთ მოვლენებში, რომლებმაც შეიძლება საფრთხე შეუქმნას თქვენს სიცოცხლეს და ჯანმრთელობას.

ივლისიდან წლის ბოლომდე ლილიტი გადავა თქვენი შორეული ქვეყნების სახლში. ყურადღებას საჭიროებს უმაღლესი განათლება, იურიდიული საკითხების მოგვარება, ყველაფერი, რაც დაკავშირებულია უცხოეთთან (საბუთები, ფინანსები, მოგზაურობა). ნუ გახდებით ცრუ გურუების მსხვერპლი.

წარმატებები, ბედნიერება და ყოველივე საუკეთესო მოეტანოს თქვენთვის 2024 წელს!