21-27 ივლისის ასტროლოგიური პროგნოზი ზოდიაქოს ყველა ნიშნისთვის: უნდა ფოკუსირდეთ იმაზე, რაც თქვენთვის ნამდვილად ღირებულია

საინტერესო და დაძაბული ასპექტებით აღსავსე კვირა გველოდება. 21-27 ივლისის მნიშვნელოვან ასტროლოგიურ მოვლენებს შეგიძლიათ გაეცნოთ სტატიაში ჩვენს საიტზე. ახლა კი გაეცანით ასტროლოგიურ პროგნოზს თქვენი მზისა და ასცენდენტის ნიშნების მიხედვით, რათა შეძლოთ იოლად გაუმკლავდეთ სირთულეებს და მოიპოვოთ გამარჯვება და სულიერი სიმშვიდე.

ვერძი

კვირა გაძლევთ შესაძლებლობას, წამოაჩინოთ საკუთარი თავი საუკეთესოდ. გაიხსენეთ, რა არის თქვენთვის ნამდვილად მნიშვნელოვანი და რა აძლევს თქვენს გულს სტაბილურობას. ახალმთვარეობა დაეხმარება მათ, ვინც ღირსეულად, პასუხისმგებლობითა და დაკვირვებულად მოქმედებს. შესაძლოა, ძველი კონფლიქტები ზედაპირზე ამოვიდეს, რაც გამოიწვევს სიტუაციებს, სადაც არჩევანის გაკეთება მოგიწევთ: დანებება თუ გაქცევა. კვირის ბოლოსთვის, შინაგანი დაძაბულობა დაიკლებს და სულიერ სიმშვიდეს მოიპოვებთ.

კურო

ეს არის თქვენი ხასიათის ჩრდილოვანი მხარეების გამოვლინების დრო, როგორც პირად ცხოვრებაში, ასევე საზოგადოებრივ პროცესებში. შესაძლოა, დადგა დრო, გადახედოთ მოტივაციის სისტემას. დაფიქრდით: რა გიბიძგებთ - შიში თუ სიყვარული? თქვენი სასიცოცხლო ენერგია იზრდება, მაგრამ წააწყდებით სიტუაციებს, რომლებიც დიდ ძალისხმევას მოითხოვს. გარკვეულწილად, თქვენ სიმტკიცისა და შინაგანი პატიოსნების გამოცდას გადიხართ. შეეცადეთ თავიდან აიცილოთ შეცდომები და ქმედებები, რომლებიც შეიძლება საჯაროდ გახდეს ცნობილი.

ტყუპი

შესანიშნავი პერიოდია შემოქმედებისთვის, ინტუიციისა და რომანტიკისთვის. სულიერი საუბრები, ხელოვნება, მოგზაურობა შინაგან სამყაროში - ეს ყველაფერი ხელს შეუწყობს ენერგიების დაბალანსებას. რადგან ახლა რეტროგრადული მერკურის (თქვენი მმართველის) პერიოდია, შესაძლოა წარმოიშვას კონტროლის, მანიპულირების, ფარული თამაშებისა და დომინირების საკითხები. თუმცა, თუ ამ დროს გონივრულად გამოიყენებთ, ის შეიძლება ღრმა წმენდისა და პიროვნული ზრდის მომენტად იქცეს.

კირჩხიბი

კვირა მდიდარი და მრავალშრიანი იქნება, იღბალი თქვენი სამყაროს ყველა სფეროში შეიტანს ცვლილებებს. იქნება მოულოდნელი ხედვები, შესაძლებლობა, გასცდეთ ჩვეულებრივს. თუმცა, სურვილებსა და გრძნობებს შორის წინააღმდეგობები მოითხოვს საკუთარ თავთან გულწრფელ საუბარს. 24 ივლისის ახალმთვარეობა კი მოითხოვს, რომ ყურადღება მიაქციოთ ყველაფერ ავთენტურს. თქვენი გავლენის ძალა მნიშვნელოვნად გაიზრდება, ამიტომ დროა, გამოავლინოთ საკუთარი თავი და მოიპოვოთ აღიარება საზოგადოებაში.

ლომი

გილოცავთ, ახალმთვარეობა თქვენს ნიშანშია. ეს წელიწადში ერთხელ ხდება და ამ დღისთვის განსაკუთრებით უნდა მოემზადოთ. ეს არის ყველაფერი ახლის დასაწყისი. იქნება ძლიერი კონტრასტი ოცნებებსა და რეალობას შორის. ვნება და გაღიზიანება ერთმანეთთან მჭიდრო კავშირშია, ამიტომ მნიშვნელოვანია, რომ არ დანებდეთ იმპულსებს. ურთიერთობებში შესაძლებელია კონფლიქტები, განსაკუთრებით თუ დაგროვდა ბევრი სათქმელი. შესანიშნავი დროა ექსპერიმენტებისთვის, განსაკუთრებით შემოქმედებასა და პირად პროექტებში. თუ მზად ხართ, საკუთარ შინაგან სამყაროში ჩაიხედოთ და ძველი გაუშვათ, ამ კვირიდან განახლებული გამოხვალთ.

ქალწული

კვირა ძლიერი გარღვევის შესაძლებლობას გაძლევთ. ლომში ახალმთვარეობა მოგანდომებთ შემოქმედებას, ფლირტს და თვითგამოხატვას. რადგან მარსი თქვენს ნიშანში მოძრაობს და ვენერასთან დაძაბულობას ქმნის, მაღალი რისკია, დაანგრიოთ ურთიერთობები, სადაც ურთიერთგაგება არაა. იყავით გულუხვი და ნუ ეცდებით სხვების დაჩაგვრას, თუნდაც მართალი იყოთ. მიეცით ასეთ სიტუაციებს საშუალება, თავისით განვითარდნენ. დრო ყველაფერს თავის ადგილს მიუჩენს.

სასწორი

როგორც ჩანს, კომფორტის სურვილსა და ცვლილების აუცილებლობას შორის ხართ გახლეჩილი. სახლი და ოჯახი ყურადღებას საჭიროებს - პირად საქმეებში მოულოდნელი შემობრუნებები შესაძლებელია. ახალმთვარეობა გააძლიერებს თქვენს უნარს, ლამაზად ისაუბროთ, შექმნათ ძლიერი კავშირები. კარგი დროა ახალი პროექტების დასაწყებად, სტატიების დასაწერად, სწავლისთვის, კომუნიკაციისთვის. მაგრამ ფრთხილად იყავით, ვენერასა და მარსის დაძაბულ ასპექტს შეუძლია ემოციური ტურბულენტობა მოიტანოს რომანტიკულ და საქმიან კონტაქტებში.

მორიელი

კვირამ შეიძლება დაგაყენოთ იმ საკითხის პირისპირ, რის იგნორირებასაც ცდილობდით. მიხვდებით, რომ ყველაფრის კონტროლი შეუძლებელია, მაგრამ შეგიძლიათ აირჩიოთ თავისუფლება ან ბრძოლა. ახლა უნდა ფოკუსირდეთ იმაზე, რაც თქვენთვის ნამდვილად ღირებულია, მაგრამ თქვენს მიზანს მიაღწევთ მაშინ, როდესაც სწორ გზას აირჩევთ. ახალმთვარეობა შეეხება რესურსების, თვითშეფასებისა და ფინანსების თემებს; იგრძნობთ თავდაჯერებულობის მოზღვავებას. რეტროგრადული პლუტონი (თქვენი მმართველი) დაგაბრუნებთ წარსულის თემებთან და აგავსებთ ენერგიით, რომ გაუმკლავდეთ მათ მოგვარებას.

მშვილდოსანი

ეს შეიძლება იყოს გამწმენდი და ძლიერი პერიოდი, განსაკუთრებით თუ საკუთარ თავს რეალურობის აღქმის უფლებას მისცემთ. მნიშვნელოვანია, რომ ღირსეულად მოიქცეთ ქაოსურ სიტუაციაშიც კი. შესანიშნავი დროა თქვენს მისიასა და მომავალზე ფიქრისთვის. მაგრამ არ დაგავიწყდეთ, რომ ყველა გზა პატიოსნებას მოითხოვს. ნუ იქნებით ზედაპირული, უფრო მეტად ჩაუღრმავდით ყველაფერს: სიტუაციას, ადამიანს, საქმეს, ცოდნას. და მიეცით თქვენს სიტყვებსა და ქმედებებს აზრი. შესაძლებელია საბედისწერო ნაცნობობა ან მნიშვნელოვანი საუბრები ამჟამინდელ პარტნიორებთან.

თხის რქა

ფინანსური საკითხები წინა პლანზე წამოიწევს. საჭიროა ბიუჯეტის გადახედვა, განსაკუთრებით ოჯახურ ხარჯებთან დაკავშირებით. კარგი დროა მიზნებისა და გუნდური მუშაობის განახლებისთვის, სასარგებლო კომუნიკაციების ჩამოსაყალიბებლად. ეს დამატებითი შემოსავლის მიღების შესაძლებლობას მოგცემთ, მაგრამ აქ მნიშვნელოვანია სიფრთხილე და ინვესტიციებში გონივრული გათვლა. რეტროგრადული მერკური გამოავლენს ძველ ვალებს - ემოციურსაც და მატერიალურსაც. კვირის ბოლოს შესაძლებელია გულახდილი საუბრები და ნუ შეგეშინდებათ გულის გადახსნის, თავადაც გაოცდებით, რამდენ დეტალს აღმოაჩენთ საუბრის დროს.

მერწყული

ცვლილებების შუაგულში ხართ: თქვენს ნიშანში მყოფი პლუტონი უკავშირდება სიდიდით პირველ ვარსკვლავს ალტაირს - ეს თქვენთვის გამოწვევა იქნება. ხოლო ლომში - თქვენი ოპოზიციის ნიშანში - ახალმთვარეობა ააქტიურებს პარტნიორობის თემებს - ეს საუკეთესო დროა თანამშრომლობის, პირადი და საქმიანი ურთიერთობების სფეროში გადატვირთვისთვის. გაიცანით ადამიანები, აღადგინეთ ძველი კონტაქტები. ასევე ღირს დაფიქრდეთ, თუ როგორ განაახლოთ თქვენი ყოველდღიური რუტინა, იზრუნოთ თქვენს ფსიქიკურ და ფიზიკურ ჯანმრთელობაზე, ყოველდღიურ ჩვევებზე.

თევზები

კოლეგებს შორის წინააღმდეგობები, ოჯახში დავები, სოციალურ პრობლემებზე საუბარი სოციალურ ქსელებში - თქვენ აკვირდებით ამ ყველაფერს, მაგრამ ასევე შეგიძლიათ გავლენა მოახდინოთ სიტუაციაზე. ვის მხარესაც არ უნდა იყოთ, მშვიდობისმყოფელი აღმოჩნდებით. თქვენი რეიტინგი იზრდება, რაც შეიძლება თქვენს სასარგებლოდ გამოიყენოთ. კარგი დროა დაგროვილი პრობლემების მოსაგვარებლად და ახალი ბალანსის მისაღწევად. შაბათ-კვირას შესაძლებელია მნიშვნელოვანი შეხვედრები - უბრალოდ უნდა გახვიდეთ სახლიდან სკვერში გასეირნებისთვის ან მეგობრებთან სტუმრობისთვის.