22-28 სექტემბრის მნიშვნელოვანი ასტროლოგიური მოვლენები: ძალადობის, სკანდალების და ძალაუფლებისთვის ბრძოლის თემები ძლიერდება
22-28 სექტემბრის პერიოდში ჩვენ ახალ რეალობაში შევდივართ, სადაც შინაგანი პროცესები ღრმავდება და გარეგანი მოვლენები უფრო ინტენსიური და საბედისწერო ხდება.
22 სექტემბერს, დილით მარსი მორიელში გადავა 5 ნოემბრამდე. სასწორისგან განსხვავებით მარსი აქ თავს კარგად გრძნობთ, თავის მმართველ ნიშანშია. მარსის მოქმედება გახდება ზუსტი, ღრმა და უკომპრომისო. ენერგია ხდება ინტენსიური, მიმართული ქმედებაზე; ხშირად აგრესიულიც. ამ ტრანზიტის გავლენით, ძლიერდება თვითდაცვის ინსტინქტი და ყველაფრის კონტროლის სურვილი. ჩნდება საიდუმლოებების გამოვლენის, გამოაშკარავების და სტატუს კვოს ტრანსფორმაციის სურვილი.
22 სექტემბერს, საღამოს მზე გადავა სასწორის ზოდიაქოს ნიშანში, რაც შემოდგომის ბუნიობას აღნიშნავს. წელს ის რეტროგრადულ ნეპტუნთან ოპოზიციაშია, რაც ორმაგ დაძაბულობას ქმნის. ერთი მხრივ იქნება ჰარმონიის, დიპლომატიისა და ესთეტიკის სურვილი. მეორე მხრივ - ბუნდოვანების, ილუზიების, ემოციური დეზორიენტაციის და საბოლოოდ, კრიზისის მეშვეობით განწმენდის.
22-24 სექტემბერს მზე ჰარმონიულ ასპექტებში იქნება რეტროგრადულ ურანთან და პლუტონთან. ერთად, ისინი გვთავაზობენ ჩიხიდან თავის დაღწევის შესაძლებლობას. ეს კონფიგურაცია იძლევა ღრმა ტრანსფორმაციისა და გარღვევის შანსს. თქვენ შეგიძლიათ იგრძნოთ, რომ ყველაფერი იცვლება - სწრაფად, მოულოდნელად, მაგრამ სწორი მიმართულებით.
22 სექტემბრიდან 4 ნოემბრამდე პერიოდი წლის ერთ-ერთი ყველაზე ინტენსიური და ტრანსფორმაციული დროა. მარსი და ლილიტი შეერთდებიან მორიელში, სიღრმის, ძალაუფლების, სექსუალობისა და ალქიმიის ნიშანში, რაც სიმბოლურად გამოხატავს ომის, ძალისა და ტაბუს, სურვილისა და განადგურების არქეტიპების შეხვედრას.
მათი კავშირი მორიელში არის ვნებისა და მძვინვარების, სექსუალური მაგნეტიზმისა და დამანგრეველი ძალის ნაზავი. ხელს უწყობს სამხედრო მოქმედებების ესკალაციას, შეიარაღებული კონფლიქტის კერების გაჩენას და კრიმინალური ორგანიზაციების გააქტიურებას. შესაძლებელია ძალაუფლებასთან, ფულთან, კონტროლთან, ძალადობასთან და სიცოცხლისა და სიკვდილის საკითხებთან დაკავშირებული სკანდალები.
მარსისა და ლილიტის მორიელში ტრანზიტის დროს, ძალადობის, სექსუალური სკანდალების და ძალაუფლებისთვის ბრძოლის თემები ძლიერდება, განსაკუთრებით იქ, სადაც სიჩუმე დიდი ხანია სუფევს.
მშვიდ კვირას გისურვებთ!