3 აგვისტოს დაბადებული ადამიანისთვის ჰაერივით აუცილებელია მძაფრი ემოციები

აგვისტო ძველად (ლათ. Augustus) განსაკუთრებულ, სხვა თვეებს შორის ზეაღმატებულ, სამეფო თვედ ითვლებოდა. სახელი კი მას იმპერატორ ოქტავიანე ავგუსტუსის პატივსაცემად ეწოდა. აგვისტო ზაფხულის ბოლო თვეა და ერთ-ერთია იმ შვიდ თვეს შორის, რომელიც 31 რიცხვით გადის. ძველად ამბობდნენ, "რასაც აგვისტო ამზადებს, სექტემბერი იმით სუფრას გაშლისო". ამიტომ შემთხვევითი არაა ის ფაქტი, რომ ადამიანების დიდი ნაწილი სწორედ აგვისტოს თვეში აკეთებს განვლილი წლის "აღწერას" და სექტემბერს ახლებური ენერგიით ეგებება. ასტროლოგიურად აგვისტოს თვე, ორ ერთმანეთისგან რადიკალურად განსხვავებულ ზოდიაქოს ნიშანს – ლომსა და ქალწულს აერთიანებს. ლომის სიფიცხე და ექსპანსიურობა, ქალწულის პრაგმატულ აზროვნებასთან და გაწონასწორებულ ხასიათთან სრულ დისონანსს ქმნის. თუმცა, ხშირად ორივე ზოდიაქოს ნიშნის წარმომადგენელთა პირად რუკებში ვხვდებით ერთმანეთის გავლენას. ამიტომ იშვიათი არაა, რომ ლომი ქალწულისთვის დამახასიათებელ ცივ და ანგარიშიან გონებას ფლობს, ქალწული კი ლომურ შარმსა და არისტოკრატიულ მანერებს.

• როგორია 3 აგვისტოს დაბადებული ადამიანი

3 აგვისტოს დაბადებული ადამიანები სიმამაცითა და უშიშარი ხასიათით გამოირჩევიან. მათი უმრავლესობა აღმერთებს რისკს და სიამოვნებით კავდება სხვადასხვა სახის ექსტრემალური გასართობით ან სპორტით. ხოლო თუ ამის საშუალება არ აქვთ, ცდილობენ დაჩაგრულების მფარველად და დამცველად მაინც მოგვევლინონ. იმიტომ, რომ მათთვის ჰაერივით აუცილებელია მძაფრი ემოციები.