31 მარტის ასტროლოგიური პროგნოზი

პარასკევი, მთვარის მეთერთმეტე დღე დაიწყება 12:49-ზე, მთვარე ლომს ესტუმრება 02:31-ზე

დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. მოერიდეთ გულის გადაღლას, შესაძლოა შეგაწუხოთ რადიკულიტმა. მოერიდეთ ოპერაციებსა გულსა და ზურგზე.

ვერძი

იყავით წინდახედული და ეცადეთ არ გარისკოთ. მოთმინება გმართებთ, ნუ აჩქარდებით. სანამ რაიმე მნიშვნელოვან ნაბიჯს გადადგამთ, გაიარეთ კონსულტაცია იმ ადამიანებთან, რომლებსაც ენდობით, პროფესიონალებთანაც. ასე თავიდან აიცილებთ ბევრ შეცდომას. შეგიძლიათ დადოთ მომგებიანი გარიგებები, წარმატებით მოაგვაროთ სამუშაო საკითხები და ასევე შეხვდეთ თქვენსთვის საყვარელ ადამიანებს.

კურო

ძალიან კარგი დღეა სამუშაოსთვის, ასევე ნებისმიერი მიზნის მისაღწევად, რომელიც დაკავშირებულია პროფესიულ თვითრეალიზაციასთან, კარიერასთან, კომერციულ წარმატებებთან. საქმიანი შეხვედრები და მოლაპარაკებები კარგად წარიმართება. ეს არის კარგი დღე თქვენი ძლიერი მხარეების, ცოდნისა და უნარების წარმოსაჩენად. პირად სფეროში პოზიტიური ტენდენციები იქნება, თუ თავად არ მოახდენთ ჩხუბისა და კონფლიქტის პროვოცირებას.

ტყუპი

გაიხსენეთ ის მიზნები, რომლებიც დაუსახეთ საკუთარ თავს, საოჯახო საქმეები და პასუხისმგებლობები. გართობის დრო ნამდვილად დაგრჩებათ, მაგრამ ჯერ უნდა გააცნობიეროთ თქვენი გეგმები, პასუხისმგებლობა და თვითდისციპლინა გამოავლინოთ. ყოველთვის არ არის ადვილი სხვებთან საერთო ენის პოვნა. ხანდახან არასწორად გესმით, თუმცა, ნებისმიერი უთანხმოება შეიძლება სწრაფად მოგვარდეს.

კირჩხიბი

თქვენ გაქვთ შესანიშნავი იდეები და შეგიძლიათ მათი განხორციელება. გამოჩნდებიან ახალი მოკავშირეები და დამხმარეები; დროთა განმავლობაში კი ისინი შეიძლება გახდნენ თქვენი საუკეთესო მეგობრები. მოსალოდნელია სასიამოვნო სიურპრიზები, მოულოდნელი საჩუქრები. გახსოვდეთ, რომ ამ დღეს შეგიძლიათ წინსვლა ყველაზე მნიშვნელოვან საკითხში. საღამო შესანიშნავი დროა საყვარელ ადამიანებთან კომუნიკაციისთვის, ოჯახური დღესასწაულის მოსაწყობად.

ლომი

ჩნდება ახალი იდეები, მზად ხართ რადიკალურად შეცვალოთ რაღაც თქვენს ცხოვრებაში და შეგიძლიათ დაუყოვნებლივ დაიწყოთ მოქმედება, ბევრი ფიქრისა და წინასწარი მომზადების გარეშე. კარგად გააზრებული გეგმის არქონა პრობლემას არ წარმოადგენს, ნებისმიერ სიტუაციას ოსტატურად იყენებთ თქვენს სასარგებლოდ. პირად ცხოვრებაში პოზიტიური ტენდენციების გავლენა ჭარბობს. დღე კარგია სწავლისთვის, ადვილად ითვისებთ ახალ ინფორმაციას.

ქალწული

ფოკუსირება მოახდინეთ მთავარზე, არ მოცდეთ წვრილმანებზე. დღეს თქვენთვის განსაკუთრებით მნიშვნელოვანია ყველაფერში წესრიგი; მოერიდეთ ყოველგვარ ქაოსს, იმ ადამიანებს, ვინც მას ქმნიან. თუ წინასწარ შეამუშავებთ სამოქმედო გეგმას და ყველაფერში მას მიჰყვებით, არავინ დაგაბნევთ. შესაძლებელია წარმატებული შესყიდვები, დღე ასევე კარგია ბიზნესში ინვესტიციისთვის. დღე უამრავ რომანტიკულ გატაცებას გპირდებათ, გამორიცხული არ არის სერიოზული ურთიერთობის დაწყებაც. ქალწული მშობლები იამაყებთ შვილების წარმატებებით.

სასწორი

მზად ხართ გარისკოთ, აიღოთ პასუხისმგებლობა, მარტომ შეასრულოთ რთული საქმეები. წარმატების შანსები დიდია, მაგრამ ამას შეიძლება მეტი ძალისხმევა დასჭირდეს, ვიდრე ფიქრობდით და დღის ბოლოს თავი უარესად იგრძნოთ ზედმეტი მუშაობის გამო. ხელსაყრელი დღეა მოგზაურობისთვის, ახალგაცნობილებთან კომუნიკაციისთვის. საყვარელ ადამიანებთან ერთად შეგიძლიათ ისაუბროთ თქვენთვის მნიშვნელოვან საკითხებზე.

მორიელი

წარმატებულია დღის პირველი ნახევარი. გამოიყენეთ ეს დრო, რომ მიაღწიოთ წარმატებას სამსახურში, გაიმყაროთ პროფესიული პოზიცია, იპოვოთ გავლენიანი მოკავშირეები. საღამოს აუცილებელია ყოველგვარი ორაზროვანი სიტუაციების თავიდან აცილება, გარისკვა. დაიცავით წესრიგი ფინანსურ საქმეებში, ნუ ისესხებთ ფულს.

მშვილდოსანი

ახლა ძალიან მნიშვნელოვანია თანამოაზრეების, მოკავშირეების, მეგობრების მხარდაჭერა. მიზანშეწონილია თავი შეიკავოთ მათგან, ვინც გაკრიტიკებთ, ყველაფერში ნაკლოვანებებს პოულობს და არასოდეს გიჭერთ მხარს. შესაძლებელია ფინანსური პრობლემები, უაზრო ხარჯები და წარუმატებელი შესყიდვები. შეიძლება მოგეჩვენოთ, რომ სხვები შეგნებულად გაღიზიანებენ. იუმორის გრძნობა და თვითირონია დაგეხმარებათ რთულ სიტუაციასთან გამკლავებაში.

თხის რქა

ნუ იმოქმედებთ მარტო, თუ ახლომახლო არიან ადამიანები, რომლებიც მზად არიან დაგეხმარონ. საყვარელ ადამიანებთან ერთად შეგიძლიათ ღიად ისაუბროთ ყველაფერზე, რაც გაწუხებთ, ისინი აუცილებლად სწორად გაგიგებენ. შუადღე საუკეთესო დროა საქმიანი კომუნიკაციისთვის, გექნებათ შესაძლებლობა, გაიცნოთ გავლენიანი ადამიანები. მომგებიანი გარიგებების დადების შესაძლებლობა მოგეცემათ.

მერწყული

უნდა შეცვალოთ გეგმები, გადადოთ შეხვედრები. გამოჩნდება ახალი ამოცანები, მოგიწევთ ბიზნესში თავით გადავარდნა. ბევრი რამ გაქვთ სასწავლი. ეცადეთ, რაც შეიძლება სწრაფად დაიმახსოვროთ ახალი ინფორმაცია, ის მალე გამოგადგებათ. დღის მეორე ნახევარი ხელსაყრელი პერიოდია შოპინგისთვის. შეიძლება იყოს შემთხვევითი შეხვედრები ადამიანებთან, რომლებიც ოდესღაც ძალიან ძვირფასები იყვნენ თქვენთვის.

თევზები

ხელსაყრელი დღეა კომუნიკაციისთვის, ნებისმიერი შეხვედრა კარგად წარიმართება, ნებისმიერთან შეძლებთ საერთო ენის გამონახვას. გაჩნდება მომგებიანი გარიგებების დადების შესაძლებლობა. დღის მეორე ნახევარში თავი შეიკავეთ ხუმრობებისაგან, რომლებიც შეიძლება იყოს არასწორად გაგებული და უხეში განცხადებებისგან, რაც გულს ატკენს თქვენს ახლობლებს.