5 მამაკაცი, რომელიც არასდროს გიღალატებთ: საჭიროა, რომ იგი უპირობოდ გააღმერთოთ
მართალია, ქალების უმრავლესობას, მამაკაცთა ერთგულების არ სჯერა, მაგრამ ფაქტია ძლიერი სქესის წარმომადგენლებს შორისაც გვხვდებიან მონოგამიური ტიპაჟები, რომელთაც საყვარელი ქალის ერთგულება, მართლაც შეუძლიათ. ასტროლოგიური სტატისტიკის მიხედვით არსებობს ერთგულ მამაკაცთა ხუთეული.
ვერძი მამრები ერთი შეხედვით გამოუსწორებელი მექალთანის, მაჩოს შთაბეჭდილებას ტოვებენ, მაგრამ დასკვნების გამოტანას ნუ იჩქარებთ სანამ ნამდვილად არ შეუყვარდებით. ვერძი ბუნებით ერთგულია, განურჩევლად იმისა, როგორი გარეგნობით დააჯილდოვა იგი ღმერთმა. ამასთან, ეს მამაკაცი, საშინლად ბავშვური, იდეალისტი და ეგოისტია. შესაბამისად, მისი ინტერესის ობიექტი ქალი თუ შეძლებს ხანგრძლივი დროის მანძილზე შეინარჩუნოს იდუმალება და იყოს მუდმივად საინტერესო მისთვის, ვერძი არასოდეს გაცვლის მას სხვაზე.
მამაკაცი კურო სტაბილურობის მოყვარული ადამიანია. მართალია, როგორც ყველა მამრს ლამაზმანებისკენ თვალი ხანდახან მასაც გაურბის, მაგრამ კუროს აქვს ერთი დიდი სისუსტე, რომელიც მის პირად ცხოვრებასა და სასიყვარულო ურთიერთობაზეც აისახება. საქმე იმაშია, რომ იგი ძალიან ძნელად ეგუება სიახლეს. სხვა სიტყვებით რომ ვთქვათ, – შეჩვეული ჭირი ურჩევნია. ამიტომ ძვირფასო მანდილოსნებო, თუ იმდენს შეძლებთ, რომ ამ კაცს თავი შეაყვაროთ (რაც საკმაოდ ძნელი, რთული და ხანგრძლივი პროცესია) მისი მხრიდან ღალატის შიში ნაკლებად უნდა გქონდეთ.
ლომის ზოდიაქო გულით იმართება. ამიტომ მამაკაცი ლომი ცხოვრებაში გულით ხელმძღვანელობს თითქმის ყველაფერში, მათ შორის, რა თქმა უნდა, სიყვარულში. თუმცა, ლომის გულის მოგება არცთუ მარტივი საქმეა. უბრალოდ საჭიროა, რომ იგი უპირობოდ გააღმერთოთ. თუ დარწმუნდა, რომ თქვენთვის ამქვეყნად სამყარო მის გარშემო ბრუნავს, დამიჯერეთ, სხვაზე არასოდეს გაგცვლით. ამასთან ერთად, იგი ბუნებით ზარმაცია, შესაბამისად, თუკი სახლში ძუ ლომი ეგულება, გაურკვეველი წარმოშობის კატუნიებს ნაკლებად დაუწყებს დევნას გასართობად.
მამაკაცი ქალწული , არამარტო საყვარელი ქალის ზოგადად ნივთების, სამოსის და კბილის პასტის ერთგულებითაც კი გამოირჩევა. ქალწულების უმრავლესობას გამძაფრებული აქვს მესაკუთრეობის გრძნობა. მათ ასევე ახასიათებთ ბევრი რამის აჩემება. ამ ჩამონათვალში კი ადამიანებიც შედიან. შესაბამისად, თუკი ქალწულმა თავი ქალთან კომფორტულად იგრძნო, მიეჩვია და აიჩემა, მისი ერთგულების იმედი თავისუფლად შეგიძლიათ გქონდეთ.
მორიელი მამაკაცების ქარიზმატულობასა და სექსუალურ ტემპერამენტზე ლეგენდები დადის, ალბათ გიკვირთ საიდან მოხვდნენ ისინი "ერთგულების ხუთეულში". მაგრამ ნუ დაგავიწყდებათ, მორიელი ხარისხს ეძებს ურთიერთობაში. შესაბამისად, მან თუ ჭეშმარიტად ხარისხიანი ქალი იპოვნა, შეუძლია თავს ამ უკანასკნელის ერთგულებაც აიძულოს. თუმცა, რომც უღალატოს კიდეც ფიზიკური თვალსაზრისით, ემოციურად მორიელი ერთბაშად ორ ან სამ ქალს იშვიათად ეჩვევა. ამიტომ მისი ხანმოკლე გასეირნების ამბავი, სავარაუდოდ მეუღლის ყურამდე არც არასოდეს მიაღწევს.