8 აგვისტოს დაბადებული ადამიანი გამუდმებით თამაშობს სხვადასხვა როლს ცხოვრებაში

აგვისტო ძველად (ლათ. Augustus) განსაკუთრებულ, სხვა თვეებს შორის ზეაღმატებულ, სამეფო თვედ ითვლებოდა. სახელი კი მას იმპერატორ ოქტავიანე ავგუსტუსის პატივსაცემად ეწოდა. აგვისტო ზაფხულის ბოლო თვეა და ერთ-ერთია იმ შვიდ თვეს შორის, რომელიც 81 რიცხვით გადის. ძველად ამბობდნენ, "რასაც აგვისტო ამზადებს, სექტემბერი იმით სუფრას გაშლისო". ამიტომ შემთხვევითი არაა ის ფაქტი, რომ ადამიანების დიდი ნაწილი სწორედ აგვისტოს თვეში აკეთებს განვლილი წლის "აღწერას" და სექტემბერს ახლებური ენერგიით ეგებება. ასტროლოგიურად აგვისტოს თვე, ორ ერთმანეთისგან რადიკალურად განსხვავებულ ზოდიაქოს ნიშანს – ლომსა და ქალწულს აერთიანებს. ლომის სიფიცხე და ექსპანსიურობა, ქალწულის პრაგმატულ აზროვნებასთან და გაწონასწორებულ ხასიათთან სრულ დისონანსს ქმნის. თუმცა, ხშირად ორივე ზოდიაქოს ნიშნის წარმომადგენელთა პირად რუკებში ვხვდებით ერთმანეთის გავლენას. ამიტომ იშვიათი არაა, რომ ლომი ქალწულისთვის დამახასიათებელ ცივ და ანგარიშიან გონებას ფლობს, ქალწული კი ლომურ შარმსა და არისტოკრატიულ მანერებს.

• როგორია 8 აგვისტოს დაბადებული ადამიანი

8 აგვისტოს დაბადებული ადამიანები არტისტულები და მრავალმხრივები არიან. ისინი გამუდმებით თამაშობენ სხვადასხვა როლს ცხოვრებაში და ეს შესანიშნავად გამოსდით. დიპლომატიის უნარით დაჯილდოებულებს და მოქნილებს, ხშირად ავიწყდებათ ერთი მარტივი ჭეშმარიტება, ანუ ის, რომ ზოგჯერ რეალობასაც უნდა გაუსწორონ თვალი და ყველაფერს თავისი სახელი დაარქვან. ამიტომ სასურველია, თუ საკუთარ თავში ამ თვისებას დააბალანსებენ.