9 აგვისტოს იუბილარი
აგვისტო ძველად (ლათ. Augustus) განსაკუთრებულ, სხვა თვეებს შორის ზეაღმატებულ, სამეფო თვედ ითვლებოდა. სახელი იმპერატორ ოქტავიანე ავგუსტუსის პატივსაცემად ეწოდა. აგვისტო ზაფხულის ბოლო თვეა და ერთ-ერთია იმ შვიდ თვეს შორის, რომელიც 31 რიცხვით სრულდება. ასტროლოგიურად აგვისტო ორ ერთმანეთისგან რადიკალურად განსხვავებულ ზოდიაქოს ნიშანს – ლომსა და ქალწულს აერთიანებს. ლომის სიფიცხე და ექსპანსიურობა, ქალწულის პრაგმატულ აზროვნებასთან და გაწონასწორებულ ხასიათთან სრულ დისონანსს ქმნის. თუმცა, ხშირად ორივე ზოდიაქოს ნიშნის წარმომადგენელთა პირად რუკებში ვხვდებით ერთმანეთის გავლენას. ამიტომ იშვიათი არაა, რომ ლომი ქალწულისთვის დამახასიათებელ ცივ და ანგარიშიან გონებას ფლობს, ქალწული კი ლომურ შარმსა და არისტოკრატიულ მანერებს. ქართული წარმართული კალენდრის მიხედვით აგვისტოს ქველთობისა ერქვა.
როგორია 9 აგვისტოს დაბადებული ადამიანი
9 აგვისტოს დაბადებული ადამიანები კარგი ფსიქოლოგიური აღქმის უნარითა და ადამიანების ცნობის ნიჭით არიან დაჯილდოებულნი. ისინი ერთგული მეგობრები და საკმაოდ საშიში მოწინააღმდეგეები გარშემო მყოფთათვის. თუმცა სასურველია, საკუთარ თავში მეტი ლოიალურობა და თანაგრძნობის უნარი გამოიმუშაონ, რაც საშუალებას მისცემთ ნაკლები სიმკაცრით მოეკიდონ სხვების მიერ დაშვებულ შეცდომებს.