აგვისტოს ასტროლოგიური პროგნოზი მერწყულისთვის: შეთანხმებები შეიძლება დაირღვეს, დაპირებები - არ შესრულდეს

თვის ზოგადი ტენდენციები

აგვისტოს ენერგიის მოზღვავება და მიზნის განახლებული სურვილი მოაქვს. გამოიყენეთ თქვენი შინაგანი მეამბოხე ხასიათი, რათა მონდომებით მიაღწიოთ თქვენს მიზნებს. კარგი დროა ახალი პროექტების დასაწყებად ან ინოვაციური იდეების განსახორციელებლად. ნუ შეგეშინდებათ საზღვრების გადალახვის, მაგრამ დარწმუნდით, რომ თქვენი ქმედებები წინსვლის სურვილით არის განპირობებული და არა უბრალო ამბოხებით. მიმართეთ თქვენი მხურვალე ენერგია კონსტრუქციულ მიზნებზე და ნუ მისცემთ მას აგრესიის ან კონფლიქტის სახით გამოვლენის საშუალებას. ამასთან, ნუ გადააჭარბებთ და ნუ აიღებთ იმაზე მეტს, ვიდრე შეგიძლიათ ზიდოთ.

ნუ დარჩებით იმედგაცრუებული დროებითი წარუმატებლობებით. ამის ნაცვლად, შეხედეთ მათ, როგორც შესაძლებლობებს, რომ ისწავლოთ და დახვეწოთ თქვენი მიდგომა.

ვენერა, სიყვარულისა და სილამაზის პლანეტა, მფარველობს თქვენი ურთიერთობების სექტორს და მარტოხელებმა შეიძლება მიზიდოთ საინტერესო ადამიანი, რომელიც გაიზიარებს თქვენს ხედვას.

სამუშაო, ფინანსები და ბიზნესი

მერკური აგვისტოს პირველ დეკადაში რეტროგრადულია და მხოლოდ 11-დან დაიწყებს პირდაპირ მოძრაობას. თვის დასაწყისში შეიძლება წააწყდეთ გაუგებრობებს, პრობლემებს, რომლებიც დაკავშირებული იქნება პარტნიორებთან, საქმიან ურთიერთობებთან. შეთანხმებები შეიძლება დაირღვეს, დაპირებები - არ შესრულდეს.

თვის პირველ ნახევარში კარგია ძველი საქმიანი კავშირების აღდგენა, ახლა ისინი შეიძლება თქვენთვის სასარგებლო იყოს. შეიძლება შეგეცვალოთ შეხედულება ვინმეს შესახებ. ნუ ეძებთ მხარდაჭერას, ნაკლებად სავარაუდოა, რომ დაეყრდნოთ თქვენს რომელიმე კოლეგას, ყველაფერი თავად გააკეთეთ. შესაძლებელია შეცდომები, უფრო ყურადღებით შეამოწმეთ დოკუმენტები, სთხოვეთ გამეორება, თუ დავალება არ გესმით.

11 აგვისტოდან მერკური პირდაპირ მოძრაობას დაიწყებს. შეგიძლიათ გახდეთ უფრო კომუნიკაბელური და ღია თანამშრომლობისთვის. მოგინდებათ თქვენი იდეების გაზიარება და სხვებთან ერთად მუშაობა საერთო მიზნების მისაღწევად. ამან შეიძლება გამოიწვიოს პროდუქტიულობის ზრდა და წარმატება გუნდურ მუშაობაში. გაგიუმჯობესდებათ კომუნიკაციის უნარები. უფრო იოლი იქნება თქვენი აზრებისა და იდეების გამოხატვა; კოლეგები და უფროსი კი მათ განხორციელებაში დაგეხმარებიან. ეს დრო სასარგებლო იქნება პრეზენტაციების, მოლაპარაკებებისა და სხვა სიტუაციებისთვის, სადაც კომუნიკაცია მნიშვნელოვანია.

შეიძლება გაიცნოთ ახალი ადამიანები, რომლებიც დაგეხმარებიან სამსახურში, ან მიიღებთ საქმიან შეთავაზებას, რომელიც შეესაბამება თქვენს უნარებსა და ინტერესებს.

ფინანსური მდგომარეობა გაუმჯობესდება მხოლოდ თქვენი შრომისა და მონდომების წყალობით. აგვისტო ხელსაყრელი დროა რუტინული ამოცანებისთვის, რომლებსაც ჩვეულებრივ ასრულებთ. შესაძლებელია, რომ უფროსმა შეამჩნიოს თქვენი მონდომება და მოგცეთ ფულადი პრემია.

ოჯახი, რომანტიკა და ფლირტი

ვენერა სამსახურის და ჯანმრთელობის სექტორში გყავთ. ეს კარგი დროა სერიოზული ურთიერთობების დასაწყებად, განსაკუთრებით იმ ადამიანთან, ვისთანაც საერთო ინტერესი გაქვთ - სამსახური.

აგვისტოში შეიძლება შეხვდეთ ადამიანს, რომელთანაც გსურთ გრძელვადიანი ურთიერთობის დაწყება. ეს შეიძლება მოხდეს სამსახურში, საქმიან ღონისძიებაზე, საავადმყოფოში, სანატორიუმში, აფთიაქში, შინაური ცხოველის გასეირნებისას.

თვის პირველ დეკადაში მერკური რეტროგრადულია, ამიტომ ამ დროს თავი შეიკავეთ სასიყვარულო ურთიერთობების დაწყებისგან. სავარაუდოდ, ისინი ხანგრძლივ ურთიერთობამდე არ მიგიყვანთ. ზოგს გექნებათ შანსი, გააცოცხლოთ ძველი სიყვარული. რა თქმა უნდა, ყველას არ გსურთ პირად ცხოვრებაზე ზრუნვა, რადგან პროფესიული საკითხები დიდ ძალას წაგართმევთ და შესაძლოა, გართობისა და პაემნებისთვის დრო ცოტა დაგრჩეთ.

თუ დაქორწინებული ხართ ან - გრძელვადიან ურთიერთობაში, შესაძლოა, საყოფაცხოვრებო საკითხებმა გაგაღიზიანოთ. რადგან ამ თვეში ისინი კიდევ უფრო მეტი იქნება. თვის პირველ ათ დღეში კარგია გაფუჭებული საყოფაცხოვრებო ტექნიკის შეკეთება. მოთმინება გამოიჩინეთ, რათა წვრილმანებზე არ იჩხუბოთ. ეცადეთ, საოჯახო საქმეები საკუთარ თავსა და პარტნიორს შორის გადაანაწილოთ. ნუ აიღებთ ყველა საოჯახო საქმეს საკუთარ თავზე. ურთიერთობები სარგებლიანობაზე უფრო იქნება აგებული, ვიდრე რომანტიკაზე. რაც უფრო მეტად დაეხმარებით ერთმანეთს, მით უფრო ძლიერი იქნება თქვენი კავშირი. თუ შესაძლებელია, ერთად ეწვიეთ კლინიკას, გაიარეთ გამოკვლევა, რათა ჯანმრთელობაზე არ ინერვიულოთ. კარგია ერთად ვარჯიში ან სულ მცირე, უფრო ხშირად სეირნობა ფეხით.

ჯანმრთელობა და აქტიურობა

შეიძლება უფრო მგრძნობიარე იყოთ თირკმელებთან, შარდის ბუშტთან და რეპროდუქციულ ორგანოებთან დაკავშირებული პრობლემების მიმართ. მნიშვნელოვანია ჯანმრთელობაზე ზრუნვა. უნდა დალიოთ დიდი რაოდენობით წყალი, მიირთვათ ჯანსაღი საკვები და მოერიდეთ ალკოჰოლსა და კოფეინს. რეკომენდებულია სამედიცინო შემოწმების ჩატარება. ფსიქოლოგიური პრობლემები შეიძლება გაუარესდეს. შეიძლება განიცადოთ სტრესი, შფოთვა ან დეპრესია. მნიშვნელოვანია იპოვოთ ჯანსაღი გზები ამ ემოციებთან გასამკლავებლად, როგორიცაა თერაპია, მედიტაცია ან ვარჯიში. კარგი იქნება პარტნიორთან ერთად ვარჯიში. აგვისტო შესაფერისია გუნდური სპორტისთვისაც.