აგვისტოს ჯანმრთელობის ასტროლოგიური პროგნოზი ზოდიაქოს ყველა ნიშნისთვის: მოერიდეთ სტრესს, გამოუცხადეთ ომი მავნე ჩვევებს

ადამიანები აგვისტოს - ზაფხულის ბოლო და ცხელი თვეს - შვებულებაში და არდადეგებზე ატარებენ. თუმცა, აგვისტოშიც საჭიროა ჯანმრთელობაზე ფიქრი, რადგან ხშირად სწორედ დასვენების დროს ცივდება ადამიანი ან გაუფრთხილებლობით საფრთხეში ვარდება. გაეცანით აგვისტოს ასტროლოგიურ პროგნოზს, რათა იყოთ ჯანმრთელი და შეირგოთ დასვენება.

ვერძი

მარსი - თქვენი მმართველი პლანეტა - ასოცირდება ფიზიკურ ენერგიასთან, ძალასთან და გამძლეობასთან. მას შეუძლია გაზარდოს თქვენი მოტივაცია ვარჯიშისთვის, ჯანსაღი ცხოვრების წესის შესანარჩუნებლად და ფიზიკურ კეთილდღეობაზე ზრუნვისთვის. აგრეთვე მარსის ენერგია შეიძლება გამოვლინდეს იმპულსურობის ან აგრესიის სახით. ამან შეიძლება გაზარდოს ტრავმის ან უბედური შემთხვევების რისკი.

ფიზიკური ვარჯიში შესანიშნავი საშუალებაა მარსის ენერგიის დადებითი მიმართულებით წარმართვისა და თქვენი ფიზიკური მდგომარეობისა და ფორმის გასაუმჯობესებლად. კარგია აქტიური სეირნობა, ბუნებაში ხშირი ყოფნა.

ურთიერთობებში მკაფიო საზღვრების დაწესება დაგეხმარებათ ძალაუფლებისთვის ბრძოლის თავიდან აცილებაში და ჰარმონიის შენარჩუნებაში. დააკვირდით თქვენს ჯანმრთელობას, განსაკუთრებით ყურადღება მიაქციეთ თირკმელებთან, საშარდე გზებთან და ჰორმონებთან დაკავშირებულ პრობლემებს.

კურო

აგვისტოში ენერგიული ხართ და თავს კარგად იგრძნობთ. გახდებით უფრო ძლიერი და აქტიური, მოგემატებათ ენერგია. ეს დადებითად იმოქმედებს თქვენს საქმიანობაზე. მოგინდებათ ვარჯიში, ფიზიკური სამუშაოს შესრულება და დამატებითი დატვირთვის აღება. თუმცა, არ დაივიწყოთ დასვენება, ნუ გადაიტვირთებით მაქსიმალურად მეტის მიღწევის სურვილით. გადაანაწილეთ თქვენი ენერგია და ძალა, მოუსმინეთ თქვენს სხეულს გართულებების თავიდან ასაცილებლად.

ტყუპი

ენერგიისა და შთაგონების მოზღვავებას იგრძნობთ, თქვენი მოტივაცია მიზნების მისაღწევად გაიზრდება. ფიზიკური აქტივობა გაიზრდება, უფრო ხშირად დაიწყებთ ვარჯიშს, სამსახურში დამატებით დატვირთვას აიღებთ. კარგი პერიოდია სხეულზე ზრუნვისთვის, კუნთების ტონუსში მოსაყვანად. აქტიური ცხოვრების წესი, ცეკვა, ფიზიკური მუშაობა სოფელში ან ცურვა დაგეხმარებათ ამაში. თუმცა, გახსოვდეთ დასვენებაც, ნუ გადაიტვირთებით, მოერიდეთ ტრავმულ სპორტს.

კირჩხიბი

უფრო აქტიურად ჩაერთვებით საოჯახო საქმეებში, მეტ დროს დაუთმობს მყუდრო და ჰარმონიული გარემოს შექმნას. ეს კარგი დროა ცუდი ჩვევებისგან, ზოგიერთი მავნე დამოკიდებულებისგან თავის დასაღწევად. მოგინდებათ ჯანსაღი ცხოვრების წესის დაწყება, სუფთა ჰაერზე ვარჯიში, ორგანიზმის გასაწმენდად დიეტის დაწყება. ყურადღება მიაქციეთ თქვენს ემოციურ მდგომარეობას, ნუ გაღიზიანდებით წვრილმანებზე, მოერიდეთ ჩხუბს, კონფლიქტებს და დაძაბულობას კომუნიკაციაში.

ლომი

აგვისტოში დიდი ენერგია გექნებათ, მარსი თქვენს მესამე სახლში გადავა და უფრო მოძრავი გახდებით. ეს პოზიცია ხელს შეუწყობს ფიზიკურ აქტივობას, კარგია სირბილი, ველოსიპედით სეირნობა. გექნებათ ენერგიის მოზღვავება და მოძრაობის სურვილი. სუფთა ჰაერზე ხშირი სეირნობა სასარგებლო იქნება. ფიზიკური ვარჯიში გააძლიერებს თქვენს იმუნურ სისტემას და უფრო გამძლეს გაგხდით. შესაძლოა მეგობრებთან ერთად ლაშქრობა მოგინდეთ. მაგრამ უფრო ფრთხილად უნდა იყოთ, რომ არ გადაიტვირთოთ. ზედმეტმა იმპულსურობამ, მოუთმენლობამ შეიძლება დაგაზარალოთ. მოერიდეთ სტრესს. მედიტაცია, იოგა და სეირნობა დაგეხმარებათ მოდუნებაში. ყურადღება მიაქციეთ თქვენს სასუნთქ სისტემას.

ქალწული

აგვისტოში დიდი ყურადღება უნდა მიაქციოთ საკუთარ ჯანმრთელობას. ჯანსაღი ძილი, კვება და ზომიერი ფიზიკური აქტივობა პრიორიტეტულია. თუ შესაძლებელია, სანატორიუმი დაისვენეთ, ზღვის სანაპიროზე. თუ დასვენება ჯერ არ გიწევთ, მეტი, იარეთ ფეხით, იყავით ბუნებაში. განსაკუთრებით კარგია ტბასთან და მდინარესთან ყოფნა.

მაშინაც კი, თუ არაფერი გტკივათ, მაგრამ ქრონიკული დაავადებები გაქვთ, ჩაიტარეთ სამედიცინო შემოწმება. მოერიდეთ სტრესს, ის ძალიან დიდ გავლენას მოახდენს თქვენს ფსიქოლოგიურ კეთილდღეობაზე და ფიზიკურ ჯანმრთელობაზეც. გამოუცხადეთ ომი მავნე ჩვევებს; აგვისტოში შეძლებთ მათგან თავის დაღწევას.

სასწორი

აგვისტოში უნდა აკონტროლოთ საკუთარი ჯანმრთელობა, არ გადაიტვირთოთ და არ დაივიწყოთ ენერგიის აღდგენა. რასაც არ უნდა აკეთებდეთ, მოუსმინეთ თქვენს ჯანმრთელობას, მიიღეთ პრევენციული ზომები, თუ გაქვთ მემკვიდრეობითი ან ქრონიკული დაავადებები. დაიწყეთ ვარჯიში. ფორმის შესანარჩუნებლად, მეტი იარეთ ფეხით, გამორიცხეთ ცხიმიანი და მარილიანი საკვები რაციონიდან. თუ რამე გაწუხებთ, მიმართეთ ექიმს, ნუ დაელოდებით დაავადების პროგრესირებას. განსაკუთრებით ყურადღებით იყავით თქვენი ჯანმრთელობის მიმართ აგვისტოს მესამე დეკადაში.

მორიელი

ეცადეთ შეინარჩუნოთ ოპტიმისტური განწყობა და მშვიდი ემოციური მდგომარეობა. სიმშვიდე მოგცემთ ძალასა და ენერგიას, საშუალებას, რომ იმუშაოთ პროდუქტიულად და დრო დაუთმოთ საყვარელ ადამიანებს. სასარგებლოა გარემოს შეცვლა, შვებულებაში წასვლა, მოგზაურობა და ახალი შთაბეჭდილებების მიღება.

მეტი დრო გაატარეთ სუფთა ჰაერზე, იყავით აქტიური და მოძრავი. თვის ბოლოს გაცივების შანსი მატულობს. ამიტომ ჩაიცვით ამინდის შესაბამისად, მოერიდეთ კონდიციონერებსა და ორპირს. ყურადღება მიაქციეთ ბრონქებისა და ფილტვების მდგომარეობას. თუ რაიმე საგანგაშო სიმპტომი გაქვთ, ნუ დაიზარებთ და პროფილაქტიკის მიზნით მიმართეთ ექიმს.

მშვილდოსანი

აგვისტო კარგი დროა ფიზიკური აქტივობისთვის. უბრალოდ, ყველაფერი ფანატიზმის გარეშე გააკეთეთ. მხოლოდ ძალიან ჯანმრთელ ადამიანებს შეგიძლიათ დატვირთვის გაზრდა. კარგი იქნება, თუ ყურადღებას დუნდულებსა და ბარძაყებზე გაამახვილებთ. ველოსიპედით სეირნობა, სწრაფი სიარული, ჩაჯდომები და ბუნებაში სეირნობა ასევე სასარგებლო იქნება.

აგვისტოში ფსიქოლოგიური წონასწორობისთვის მნიშვნელოვანია უფრო ხშირად დაესწროს კულტურულ ღონისძიებებს და მიიღოს სასიამოვნო შთაბეჭდილებები. კარგი იქნება გუნდური თამაშები და სპორტულ შეჯიბრებებში მონაწილეობის მიღება.

თხის რქა

აგვისტოში მეტი სიფრთხილე გმართებთ. უფრო ფრთხილად იყავით მჭრელ საგნებთან შეხებისას. ასევე, ფრთხილად უნდა იყოთ მანქანის მართვისას. უარი თქვით სპორტზე, რომელიც ძალიან საშიშია დაზიანებების მხრივ. ნუ ეძებთ თავგადასავლებს, იყავით წინდახედული. სრულიად არ მიატოვოთ ფიზიკური აქტივობა, უბრალოდ უფრო ფრთხილად იყავით, ნუ გადაიტვირთებით. მოწამვლის ალბათობაც არსებობს. ამიტომ უფრო ფრთხილად გააკონტროლეთ თუ რას ჭამთ და სვამთ. განსაკუთრებით თუ სხვა ქვეყანაში ან ქალაქში მიდიხართ დასასვენებლად. არ დაგავიწყდეთ ადეკვატური დასვენება და ძილი. კარგია კარდიო ვარჯიში, სირბილი და ცურვა.

მერწყული

შეიძლება უფრო მგრძნობიარე იყოთ თირკმელებთან, შარდის ბუშტთან და რეპროდუქციულ ორგანოებთან დაკავშირებული პრობლემების მიმართ. მნიშვნელოვანია ჯანმრთელობაზე ზრუნვა. უნდა დალიოთ დიდი რაოდენობით წყალი, მიირთვათ ჯანსაღი საკვები და თავი აარიდოთ ალკოჰოლსა და კოფეინს. რეკომენდებულია სამედიცინო შემოწმების ჩატარება. ფსიქოლოგიური პრობლემები შეიძლება გაუარესდეს. შეიძლება განიცადოთ სტრესი, შფოთვა ან დეპრესია. მნიშვნელოვანია იპოვოთ ჯანსაღი გზები ამ ემოციებთან გასამკლავებლად, როგორიცაა თერაპია, მედიტაცია ან ვარჯიში. კარგი იქნება პარტნიორთან ერთად ვარჯიში. აგვისტო შესაფერისია გუნდური სპორტისთვისაც.

თევზები

მარსის პოზიცია შინაგან ტრანსფორმაციას და გარკვეულ კრიზისებს მოგიტანთ. არსებობს ემოციური გადატვირთვისა და სტრესის შესაძლებლობა. ყურადღება უნდა მიაქციოთ თქვენს ფსიქიკურ ჯანმრთელობას, შეინარჩუნოთ სიმშვიდე, რაც არ უნდა მოხდეს თქვენ გარშემო. აუცილებელია თავიდან აიცილოთ ზედმეტი ფიზიკური დატვირთვა, ტრავმული სპორტი და გადატვირთვა. ენერგიულობისა და შრომისუნარიანობის შესანარჩუნებლად, იკვებეთ სწორად და გამოყავით საკმარისი დრო სათანადო დასვენებისა და ძალების აღდგენისთვის. თუ სამედიცინო გამოკვლევის ჩატარებას აპირებთ, გაითვალისწინეთ, რომ აგვისტოში დასმული დიაგნოზი შეიძლება არასწორი იყოს და გადაამოწმეთ.