დეკემბრის ასტროლოგიური პროგნოზი სასწორისთვის: “შესთავაზეთ საყვარელ ადამიანს საინტერესო მოგზაურობა, კულტურული პროგრამა ან მოაწყვეთ ოჯახური საღამოები“

მოგიწევთ გამოავლინოთ შორსმჭვრეტელობა და კრიტიკული აზროვნება, შეადგინოთ სამომავლო გეგმები, უნდა დაივიწყოთ არაპრაქტიკულობა და უაზრობა, რის გამოც ბევრ ხელსაყრელ პერსპექტივას უშვებთ ხელიდან. უნდა იცხოვროთ საკუთარი თავისთვის და არა სხვებისთვის, საკუთარი ცხოვრობის წესებით და არა სხვის, თუ გსურთ, რომ რამეს მიაღწიოთ ამ თვეშიც და ზოგადად ცხოვრებაშიც. თქვენი წინადადებები და მოთხოვნები უნდა წარუდგინოთ სხვებს, ასწიოთ სურვილებისა და ამბიციების ზღვარი ნებისმიერ სფეროში. ხელსაყრელია თქვენს სასარგებლოდ შეთანხმებებისა და კონტრაქტების გადასინჯვა, პროფესიული და შემოქმედებითი თვითრეალიზაციის ახალი სფეროების მოძიება, საკუთარ თავზე მუშაობა, იმიჯის გამოსასწორებლად, გონებრივი და ფიზიკური ჯანმრთელობის გასაუმჯობესებლად.

დეკემბრის ფინანსები

ხელსაყრელი თვეა სწავლისა და ვარჯიშისთვის. საგანმანათლებლო პროცესები უფრო სწრაფად წავა და ნაყოფს გამოიღებს სარგებლისა და მოგების სახით. ხელსაყრელია ცოდნისა და გამოცდილების სხვა ადამიანებისთვის გადაცემაც.

არ დაზოგოთ ფული საგანმანათლებლო, ფინანსური, იურიდიული სერვისებისთვის. საქმიანი ურთიერთობები არ გადაზარდოთ პირადში, თუ სასწორზე მოგება და სარგებელი დგას. ახლო წრეშიც კი, გარკვეულმა ქმედებებმა შეიძლება მომავალში გამოიწვიოს გაუგებრობა და ფულის გამო ჩხუბი. მაგალითად, მეგობრისგან ვალის აღებამ ან სესხის მიცემამ.

სამუშაო და ბიზნესი

თვის პირველ ნახევარში აკონტროლეთ სიტყვები, ხელახლა წაიკითხეთ თქვენს მიერ შედგენილი დოკუმენტები. იოლია უსიამოვნო სიტუაციაში მოხვედრა, სხვებისთვის რაიმე ზედმეტის ან შეურაცხმყოფელის თქმა. გირჩევთ ყველა მნიშვნელოვანი გარიგებისა თუ კონტრაქტის გაფორმება მომდევნო თვისთვის გადადოთ. გახშირდება მგზავრობის დაგვიანება, ტრანსპორტის ავარია და დაგვიანება სამსახურში ან მნიშვნელოვან შეხვედრებზე. გაითვალისწინეთ ეს თქვენი განრიგის დაგეგმვისას. ძველი საქმიანი კავშირები და კონტაქტები გამოგადგებათ ახალ პროექტებში. შეგიძლიათ მიიღოთ სასარგებლო ინფორმაცია ან რეკომენდაციები თქვენი პროექტის პოპულარიზაციისთვის.ბევრი საკითხი მოგვარდება, მოკლე მოგზაურობისა და გადაადგილების დროს. თუმცა, არ დაგავიწყდეთ, რომ მერკური რეტროგრადულია, რაც ხელს უწყობს მცირე უსიამოვნებებს, შეფერხებებს.

თვის მეორე ნახევარში კომუნიკაცია უფრო სასიამოვნო გახდება, ახალ ნაცნობებს გაიჩენთ, საინტერესო გახდება საუბრები მეგობრებთან. მოიმატებს ენერგიის დონე, რაც თქვენი პროფესიული დონის გაუმჯობესებას შეუწყობს ხელს. შეძლებთ წარმატებით მოაგვაროთ რთული საკითხები, მოლაპარაკება შედეგს გამოიტანს და ახალ ბიზნესპარტნიორებს იოლად იპოვით. შესაძლებელია, რომ გადაწყვიტოთ ახალი ბიზნესის წამოწყება ან შეცვალოთ თქვენი საქმიანობის ტიპი. იპოვით ახალ თანამოაზრეებს და საინტერესო იდეებს ბიზნესისთვის. ეს ყველაფერი ფინანსურად მომგებიანი და პერსპექტიული იქნება თქვენთვის. პლანეტების ხელსაყრელი პოზიცია თვის ბოლოს საშუალებას მოგცემთ მიიღოთ კარგი საქმიანი წინადადებები.

სიყვარული და ფლირტი

თუ პირადი ცხოვრების შეცვლას სერიოზულად აპირებთ, დეკემბერში ბევრი შანსი გექნებათ. ხართ თავდაჯერებული, კომუნიკაბელური და მომხიბვლელი. მზად ხართ დაამყაროთ კონტაქტი, გაიჩინოთ ახალი ნაცნობები. გიზიდავთ ადამიანები, რომლებიც თქვენნაირია, აქვთ იგივე შეხედულებები და მოლოდინები. შეხვედრა შეიძლება მოხდეს მოგზაურობის, შვებულების დროს. შეიძლება ერთ-ერთმა ნათესავმა ან მეზობელმა გაგაცნოთ პოტენციური პარტნიორი. მიგიზიდავთ ადამიანი, რომელიც მუშაობს ლიტერატურულ თუ ჟურნალისტურ გარემოში, აწყობს სხვადასხვა საჯარო ღონისძიებებს. ნუ უგულებელყოფთ კომუნიკაციას ინტერნეტში, მონაწილეობა მიიღე დისკუსიებში თქვენთვის საინტერესო თემებზე და გამოავლინეთ ინიციატივა საუბარში.

თქვენი მჭევრმეტყველება საშუალებას მოგცემთ დატკბეთ კომუნიკაციით, მკაფიოდ გამოხატოთ აზრები და მოემზადეთ იმისთვის, რომ ნებისმიერ წვეულებაზე ყურადღების ცენტრში აღმოჩნდებით. არ არის გამორიცხული, ურთიერთობა დაიწყოთ კოლეგასთან, მეზობელთან ან ადამიანთან, რომელსაც დიდი ხანია იცნობთ. უარს ნუ იტყვით საჯარო ღონისძიებებზე, ვიზიტებზე, გასართობ შოუებსა და კონცერტებზე დასწრებაზე, შემატეთ მრავალფეროვნება ცხოვრებას.

დაწყვილებულებისთვის კარგი დროა ურთიერთობების გასაძლიერებლად და დაძაბული მომენტების მოსაგვარებლად. შექმენით განრიგი ისე, რომ მეტი დრო გაატაროთ ერთად, დაესწროთ გასართობ ღონისძიებებს და შეხვდეთ მეგობრებს. თქვენი ცხოვრება ამ თვეში გახდება უფრო დატვირთული, დინამიკური და ორივეს დიდ სიხარულს მოგიტანთ. გამოიჩინეთ მეტი ინიციატივა, შესთავაზეთ საყვარელ ადამიანს საინტერესო მოგზაურობა, კულტურული პროგრამა ან მოაწყვეთ ოჯახური საღამოები.

თვის ბოლოს მოგინდებათ მეტი დრო გაატაროთ სახლში და შექმნათ მყუდრო სადღესასწაულო ატმოსფერო. ყურადღება მიაქციეთ პარტნიორს, მოუწყვეთ რომანტიკული სიურპრიზები, მეტი ისაუბრეთ თქვენს გრძნობებზე. ამგვარად გააძლიერებთ თქვენს ოჯახურ და სასიყვარულო ურთიერთობებს და გელოდებათ ბევრი მხიარული მომენტი საყვარელ ადამიანებთან ერთად.

ჯანმრთელობა და აქტიურობა

პლანეტების პოზიცია დეკემბერში ხელსაყრელია, ამიტომ ჯანმრთელობა არ შეგაწუხებთ. თუმცა, მოუსმინეთ თქვენს სხეულს, განსაკუთრებით თუ გაქვთ მემკვიდრეობითი ან ქრონიკული დაავადებები. უმჯობესია გაიაროთ პროფილაქტიკური გამოკვლევა, ჩააბაროთ ანალიზები, ესაუბროთ ექიმს. გირჩევთ დაიცვათ ცხოვრების ჯანსაღი წესი და აკონტროლოთ დიეტა. მეტაბოლიზმზე უარყოფითად მოქმედებს მარინადები და მარილიანები. ამიტომ, გამორიცხეთ ასეთი საკვები და დაიცავით სათანადო დაბალანსებული დიეტა. იგივე ეხება ალკოჰოლურ სასმელებს.

• პირველი დეკემბრის შემდეგ შესაძლოა, შეცვალოთ თქვენი გეგმები წარსული გამოცდილების გათვალისწინებით და დაიწყოთ იმ კონტაქტების განვითარება, რომლებიც საჭიროდ მიგაჩნიათ. ასევე შეგიძლიათ დაშორდეთ ადამიანებს, ვისთანაც ურთიერთობა გამძიმებთ. გაძლიერდება თქვენი მჭევრმეტყველება, რაც საშუალებას მოგცემთ უკეთ გამოხატოთ თქვენი აზრები. სხვადასხვა დონეზე კომუნიკაცია გაგიადვილდებათ, დაგეხმარებათ დადოთ მომგებიანი გარიგებები თუ კონტრაქტები და წარმატებით წარმართოთ მნიშვნელოვანი საქმიანი მოლაპარაკებები. შეხვედრები და ახალი ნაცნობები მნიშვნელოვანი იქნება თქვენი სამომავლო პროფესიული საქმიანობისთვის და ასევე შეიძლება გავლენა იქონიონ თქვენს პირად ცხოვრებაზე. არსებობს შანსი, გაიუმჯობესოთ ფინანსური მდგომარეობა რაიმე საინტერესო პროექტის განხორციელებით.
• 15 დეკემბრის შემდეგ მეტი ყურადღება მიაქციეთ საგანმანათლებლო ან პროფესიული განვითარების, იურიდიულ თუ სასამართლო საკითხებს. ზოგიერთი პროცესი დასრულდება, მიიღებთ მნიშვნელოვან ამბებს, რომლებიც გადაწყვეტილების მიღებას გიბიძგებთ. მაგალითად, სასამართლო პროცესი, რომელიც დიდი ხანია გაჭიანურდა, შეიძლება დასრულდეს. ან დაიწყებთ სწავლას უმაღლეს სასწავლებელში. ზოგიერთი მიიღებთ დოკუმენტებს სხვა ქვეყანაში, სხვა ქალაქში მოგზაურობის ან გადასვლისთვის. მნიშვნელოვანი ცვლილებები შეიძლება მოხდეს პირად ურთიერთობებში.
• 31 დეკემბრის შემდეგ მოგიწევთ მშობლებთან, ნათესავებთან დაკავშირებული საკითხების მოგვარება და საყოფაცხოვრებო საქმეებში მჭიდროდ ჩართვა. კარგი დროა განახლებისთვის, გათავისუფლდით ნივთებისგან და აზრებისგან, რომლებიც გამძიმებთ და ხელს გიშლით წინსვლაში. შეგიძლიათ ბინიდან გაიტანოთ ძველი ნივთები; გააკეთოთ კოსმეტიკური რემონტი და შეიძინოთ ინტერიერის ახალი ნივთები. ასევე გადაჭრით უძრავი ქონების რეგისტრაციასთან დაკავშირებულ საკითხებს.