იანვრის ასტროლოგიური პროგნოზი მამაკაცი და ქალი თხის რქებისთვის: “დასვენების დროს დაგებადებათ ახალი იდეები“
ოჯახი და საყვარელი ადამიანები თხის რქისთვის ყველაზე ძვირფასები არიან. ამიტომ, დიდი ალბათობით, ახალ წელს მთელი ოჯახით შეხვდებით. სიყვარულის თემაც თქვენთვის მნიშვნელოვანი იქნება. ზოგიერთი შეყვარებული თხის რქისთვის საახალწლო არდადეგები ერთად ცხოვრების დასაწყისი გახდება. ასევე, წარმატებული იქნება თვე მათთვის, ვინც გეგმავს ბიზნესის დაწყებას ან ჰობის მონეტიზაციას. უბრალოდ, კონკრეტული ნაბიჯების გადადგმა ჯობია იანვრის მეორე ნახევარში. ამ პერიოდამდე პლანეტა მერკური რეტროგრადულია და უმჯობესია, მეტად დაისვენოთ, სადმე წახვიდეთ სამოგზაუროდ. მოინახულეთ ის ადგილები, სადაც უკვე იყავით. დასვენების დროს დაგებადებათ ახალი იდეები. ყველაფერი, რაც საინტერესოა თვითრეალიზაციისთვის, უმჯობესია ჩამოწეროთ, რომ არ დაივიწყოთ. როცა არდადეგებიც დასრულდება და პლანეტების რეტროგრადული პერიოდებიც, უნდა დაიკაპიწოთ ხელები და დაიწყოთ მუშაობა. უფრო მეტიც, ახლა კარგი პერიოდია წამოწყებისთვის და გარშემო მყოფებისთვის იმის დასანახავად, რომ ღირსეული ხართ ლიდერული პოზიციის დაკავებისთვის.
იანვრის ფინანსური ჰოროსკოპი
წლის დასაწყისი კარგი დროა იმისთვის, რომ იფიქროთ, თუ როგორ გამოიმუშაოთ მეტი ფული. პირველ დეკადაში ფინანსურად დაგეხმარებიან ახლობლები, ოჯახის წევრები. შეიძლება მიიღოთ საჩუქრად ის, რისი იმედიც არ გაქვთ. იანვრის მეორე დეკადაში უმჯობესია არ დახარჯოთ ფული გართობაში და მით უმეტეს, არ ჩაერთოთ რაიმე ავანტიურაში. ამან შეიძლება გამოიწვიოს დანაკარგები. 20 იანვრიდან ფინანსურ საკითხებში გარკვეული შეზღუდვებია მოსალოდნელი. მოგვიწევთ დაზოგვა და ფულის სათანადოდ გადანაწილება.
სამუშაო თხის რქისთვის
სამსახურში ხშირი სტრესისა და დაღლილობის გამო, ჯანმრთელობის მდგომარეობა შეიძლება დაირღვეს. მაგრამ კრიტიკული და სერიოზული არაფერი მოხდება. მიზანშეწონილია შეამციროთ აქტივობა, მეტი დაისვენოთ და ნაკლები ყურადღება მიაქციოთ უსიამოვნებებს. ხშირად უმეორეთ საკუთარ თავს: დამშვიდდი და ნუ ნერვიულობ. ორაზროვანი თვეა მათთვის, ვინც საკუთარ თავზე მეტად სხვებს ენდობა. მარტივად შეიძლება ხაფანგში ჩავარდეთ, იმედგაცრუებული დარჩეთ და შეხვდეთ ტყუილს, ღალატს. რეტროგრადული მერკური გავლენას მოახდენს გადაწყვეტილების მიღებაზე და შესაძლოა ნეგატიური პირობები შეუქმნას ინტელექტუალურ მუშაობას. თვის მეორე დეკადაში შესაძლებელი გახდება საჭირო ინფორმაციის მოძიება და რთულ კითხვებზე პასუხის გაცემა. თქვენ ხართ ცნობისმოყვარე და მობილური, შეგიძლიათ დაუყოვნებლივ გაუმკლავდეთ რამდენიმე პროექტს. ლოგიკა და დიპლომატიურობა საშუალებას მოგცემთ მიაღწიოთ წარმატებას ბიზნესში და ცხოვრების სხვა სფეროებში. ბევრს შეეძლება ძველი იდეების რეალიზება. შესანიშნავი პერიოდია კომერციული ოპერაციებისთვის.
სიყვარული
18 იანვრამდე ზოგიერთ თხის რქას ექნება შანსი განაახლოს ურთიერთობა ყოფილ საყვარელთან. სხვაგვარად შეხედოს არსებულ სიტუაციას, გამოასწოროს წარსულში დაშვებული შეცდომები. მთავარია არაფერზე ინანოთ თუ გადაწყვეტთ ძველი რომანის განახლებას, სხვას ყური არ დაუგდოთ. საკუთარი თავი არაფერში დაადანაშაულოთ, შეცდომებს ყველა უშვებს. მაგრამ გააანალიზეთ სიტუაცია, რათა იგივე შეცდომები არ დაუშვათ. იანვარში შეიძლება გამოვლინდეს თქვენი ფარული რომანი. აქცენტი გააკეთეთ თქვენს საშინაო ვალდებულებებზე, რომლებიც სწრაფად უნდა მოგვარდეს. იანვარში მარტოხელა თხის რქას საინტერესო ნაცნობობას ელოდება. თქვენთვის პრიორიტეტული იქნება ფინანსური მდგომარეობა და სტატუსი პარტნიორის საზოგადოებაში, მაგრამ ნუ იჩქარებთ დასკვნების გამოტანას, მნიშვნელოვანი გადაწყვეტილებების მიღებას. კარგია თვეა საკუთარ თავზე მუშაობისთვის, კომპლექსებისგან თავის დასაღწევად. დაეხმარეთ საყვარელ ადამიანს ფეხზე წამოდგომაში, მეტის გამოიმუშავებაში. თვის ბოლოს უნდა შეიძინოთ რაიმე ძვირად ღირებული. უმჯობესია ყურადღება გაამახვილოთ სახლზე, საყოფაცხოვრებო ტექნიკის შეძენაზე, არსებულის გაუმჯობესებაზე, ინტერიერის განახლებაზე.
ჯანმრთელობა და აქტიურობა
იზრუნეთ იმუნიტეტის გაძლიერებაზე და ენერგიის გონივრულად ხარჯვაზე. მეტად დაისვენეთ და არ იფიქრო ნეგატივზე. მშვენიერი თვეა თხილამურებით სრიალისთვის, სპორტდარბაზში ვარჯიშისთვის და ცუდი ჩვევებისგან თავის დანებებისთვის. კარგია კონტრასტული შხაპი, ცურვა და ჯანსაღი კვება. მაგრამ თუ ქრონიკული დაავადებები გაწუხებთ, აუცილებლად მიმართეთ ექიმს. ყველა დატვირთვა უნდა იყოს ისეთი, რომ ზიანი არ მიაყენოს ორგანიზმს, ნუ დაედევნით პროფესიონალებს, მოუსმინეთ ინსტრუქტორს და ნუ გადააჭარბებთ მაჩვენებელს. იანვარში ვირუსებისგანაც არავინაა დაზღვეული. აუცილებლად დანიშნეთ ექიმთან შეხვედრა, თუ თავს ცუდად გრძნობთ. ნუ რისკავთ, არამედ დროულად დაიწყეთ მკურნალობა. მარსის გავლენით არ არის გამორიცხული სისხლჩაქცევები, ჭრილობები და დამწვრობა. თქვენ უნდა იყოთ ძალიან ფრთხილად, რომ დაიცვათ თავი სერიოზული დაზიანებისგან. სამსახურში, სახლში ან გზაზე საშიში სიტუაციების დიდი ალბათობაა.
22 იანვრის შემდეგ: გსურთ გახდეთ ზღაპრული მდიდარი? ერთ თვეში ასეთი შედეგის მიღწევა შეუძლებელია, მაგრამ დამატებითი შემოსავლის პოვნის შესაძლებლობა რეალურია. თუ დანაზოგი გაქვთ, იყიდეთ რაიმე ღირებული ან ჩადეთ ინვესტიცია მომგებიან ბიზნესში. დაიმახსოვრეთ მთავარი - ნუ მისცემთ ემოციებს უფლებას გონება დაგიბინდოთ. იყავით თავშეკავებული და მოაზროვნე. ნებისმიერი გადაწყვეტილება, რომელსაც აჟიტირებულ მდგომარეობაში მიიღებთ, არასწორი აღმოჩნდება. დაზოგეთ ფული, არ იყიდოთ ის, რაც მოგვიანებით არასაჭირო აღმოჩნდება. საყიდლები უნდა იყოს კონტროლირებადი!
7 იანვრის შემდეგ ფრთხილად იყავით მოლაპარაკებების, გარიგების დადებისა და ადვოკატთან საუბრისას. წაიკითხეთ თანამშრომლობის ან კონტრაქტის პირობები, წინააღმდეგ შემთხვევაში დაუშვებთ ბევრ შეცდომას. მარტოხელებს გაქვთ შანსი შეხვდეთ ადამიანს, რომელსაც ბედს დაუკავშირებთ. შეყვარებული თხის რქის გრძნობები საყვარელი ადამიანის მიმართ კიდევ უფრო ძლიერი და ნაზი გახდება.