ივლისის ასტროლოგიური პროგნოზი მშვილდოსნისთვის: “დაუბრუნდით წარსულ პროექტებს, რომლებიც რატომღაც გადაიდო“
თვის ზოგადი ტენდენციები
სიყვარულის მაძიებლისთვის ივლისი შესაძლებლობებით სავსე თვეა. თქვენი ხიბლი, ჭკუა და თავგადასავლების წყურვილი მოიზიდავს პოტენციურ პარტნიორებს, რომლებიც იზიარებენ თქვენს ინტერესებს. ფოკუსირება მოახდინეთ ვინმეს პოვნაზე, ვინც მხარს დაუჭერს თქვენს აქტიურ ცხოვრების წესს და დააფასებს თქვენს ცნობისმოყვარეობას.
ივლისში ბიზნესსფერო ხასიათდება კომუნიკაციით და თქვენი ინტელექტუალური შესაძლებლობების დემონსტრირების შესაძლებლობით. თქვენი უნარი, იპოვოთ საერთო ენა სხვადასხვა სფეროს ადამიანებთან, ეფექტურად გააზიაროთ თქვენი იდეები და შემოქმედებითად მოაგვაროთ პრობლემები, ძალიან დაფასდება.
ეს კარგი თვეა მათთვის, ვინც ეძებს ახალ შესაძლებლობებს, თქვენი კომუნიკაციის და ადაპტაციის უნარი დაგეხმარებათ გასაუბრების დროს, სამსახურში.
სამუშაო, ფინანსები და ბიზნესი
ივლისში მოგინდებათ ახალი გამოცდილების მიღება და საინტერესო ხალხის გაცნობა. შეეცდებით გააფართოო თქვენი სოციალური წრე, ისწავლოთ რაიმე საინტერესო და შეიძინოთ სამუშაოსთვის საჭირო უნარები. თქვენი ჰორიზონტის გაფართოება და სასარგებლო ადამიანებთან შეხვედრა ახალ შესაძლებლობებს გაგიხსნით და პერსპექტიულ იდეებს მოგიტანთ.
თუ შვებულებაში ხართ ან მოგზაურობას გეგმავთ, გელოდებათ ნათელი ემოციები და სასიამოვნო ნაცნობობა. წარმატებული იქნება მოკლე მივლინება.
სასიხარულო სიახლეები და პოზიტიური ცვლილებები სამუშაოში მოსალოდნელია მათთვის, ვინც მუშაობს ტურიზმის, გადაზიდვის სფეროში, ან ხართ დაკავებული საქონლის ექსპორტით (იმპორტით). ასევე, ბევრს მოუწევს სამართლებრივი საკითხების მოგვარება, სამართლებრივი დოკუმენტების შედგენა და ხელშეკრულებების გაფორმება.
კარგი პერიოდია პროექტების, გეგმების განსახორციელებლად. შესაძლოა თქვენი პატარა სურვილები, რომლებიც არ საჭიროებს განსაკუთრებულ დამატებით მომზადებას, ახდება.
18 ივლისიდან მერკურის რეტროგრადულმა მოძრაობამ შეიძლება გამოიწვიოს სირთულეები სამუშაო პროცესში. არ არის გამორიცხული, რომ დაგეწყოთ შფოთვა და საკუთარ შესაძლებლობებში გაურკვევლობა. ზოგიერთი რამ შეიძლება შეჩერდეს, გარემოებები შეიცვლება და მოგიწევთ გეგმების შეცვლა. ამიტომ, თვის ბოლოს, უმჯობესია არაფერი დაიწყოთ ახალი, კონცენტრირდით უკვე დაწყებული პროექტების დასრულებაზე. რთულ სიტუაციებში მიმართეთ გამოცდილ კოლეგებს, ბიზნეს პარტნიორებს, რომლებთანაც უკვე მუშაობდით.
სამაგიეროდ კარგი დროა, რომ დაუბრუნდეთ წარსულ პროექტებს, რომლებიც რატომღაც გადაიდო. მუშაობაში გამოიყენეთ თქვენი გამოცდილება და იდეები.
თქვენი ფინანსური მდგომარეობა ამ თვეში სტაბილური იქნება. კოლეგებთან და მენეჯმენტთან კარგი ურთიერთობა გააძლიერებს თქვენს პოზიციას. პიროვნული თვისებები და მეგობრული დამოკიდებულება სწორ ადამიანებს შეგახვედრებთ. შეძლებთ მომგებიანი გარიგებების დადებას, თქვენთვის საჭირო საქმიანი კონტაქტების დამყარებას.
ოჯახი, რომანტიკა და ფლირტი
თუ ეძებთ მეწყვილეს, უნდა გამოიჩინოთ ინიციატივა, იყოთ ღიმილიანი და მეგობრული სხვების მიმართ. მარტოხელებს ყველა შანსი გაქვთ სერიოზული ურთიერთობის დასაწყებად და პირადი ცხოვრების უკეთესობისკენ შესაცვლელად.
თუ მარტოხელა ხართ, შეეცადეთ გამონახოთ თავისუფალი დრო გაცნობისთვის, საღამოობით სამსახურში არ დარჩით გვიანობამდე. შეგიძლიათ შეხვდეთ განსაკუთრებულ ადამიანს მგზავრობისას, ტრანსპორტში, კაფეში ან სუპერმარკეტში. კარგი იქნება დარეგისტრირდეთ გაცნობის საიტზე, განიხილოთ თქვენთვის საინტერესო რამ რამდენიმე თემატურ ჩატში. ასევე, შესაძლებელია შეხვედრა მეგობრების გარემოცვაში, ხალხმრავალ გასართობ ღონისძიებებზე, კონცერტებზე, თეატრებში.
გამოიჩინეთ ინტერესი ადამიანის მიმართ, ნუ შეგეშინდებათ საუბრის დაწყება. გახსნილობა და ემოციურობა დაგეხმარებათ კონტაქტის დამყარებაში და პოტენციური პარტნიორის ყურადღების მიპყრობაში.
დაოჯახებულებისთვის ადვილი იქნება კომპრომისის პოვნა ზოგიერთ დაძაბულ მომენტში, მოერიდეთ ჩხუბს ან დაპირისპირებას. შეეცადეთ უფრო მეტად ისაუბროთ საყვარელ ადამიანთან, აუხსენით თქვენი აზრი, იყავით უფრო მომთმენი და კეთილი საყვარელი ადამიანების მიმართ. არ გააკონტროლოთ თქვენი პარტნიორი. გადაჭარბებულმა ეჭვმა ან მზრუნველობამ, შეიძლება ასევე გააუარესოს ოჯახური ურთიერთობები და გამოიწვიოს ჩხუბი. არ დაგავიწყდეთ თბილი სიტყვების თქმა, გამოიჩინოთ ინტერესი ოჯახური საკითხების მიმართ, იყავით ყურადღებიანი და ტაქტიანი.
18 ივლისიდან თქვენს ცხოვრებაში წარსულის ადამიანები შეიძლება გამოჩნდნენ. ძველი მეგობრები ან ყოფილი თაყვანისმცემლები შეგახსენებენ თავს. მარტოხელას გაქვთ შანსი განაახლოთ ადრე შეწყვეტილი ურთიერთობები.
თუ თქვენი ქორწინება დასრულდა და ვერ ხედავთ თქვენი ურთიერთობის გაუმჯობესების გზას, მაშინ ივლისის ბოლოს შესაძლოა რთული გადაწყვეტილება მიიღოთ და პარტნიორს სამუდამოდ დაშორდეთ. ამ პერიოდის განმავლობაში, სავარაუდოდ შეიცვლება თქვენი შეხედულებები ქორწინებაზე ან რომანტიკულ ურთიერთობაზე.
ჯანმრთელობა და აქტიურობა
ენერგია, მოტივაცია და მონდომება მოგემატებათ. თუ აქტიურად ხართ დაკავებული სპორტით, მაშინ ივლისში შეძლებთ სასურველი შედეგის მიღწევას, დატვირთვის გაზრდას და წინა მიღწევების გაუმჯობესებას. თუმცა, ნუ გადატვირთავთ თავს: აირჩიეთ აერობიკა, აკონტროლეთ თქვენი ემოციური მდგომარეობა, რათა არ დაშავდეთ ან სტრესი არ მიიღოთ.
რასაც არ უნდა აკეთებდეთ, გახსოვდეთ დასვენება და ყოველდღიური რუტინა. უფრო ხშირად მოუსმინეთ თქვენს შინაგან ხმას, იხელმძღვანელეთ დაბალანსებული ჯანსაღი ცხოვრების წესით და იკვებეთ სწორად. ეს დაგეხმარებათ შეინარჩუნოთ ძალა და შრომისუნარიანობა.