ივნისის ასტროლოგიური პროგნოზი მამაკაცი და ქალი თხის რქებისთვის "მარტოხელებმა მოიცალეთ ფლირტისთვის"
საინტერესო მომენტებით აღსავსე ივნისი გელოდებათ, თვის ბოლოს მიღწევებით, საკუთარი თვით კმაყოფილი იქნებით. ამასთან, მიღწეულზე არ გაჩერდებით და ახალი გეგმების რეალიზებისთვის მოემზადებით. მიიღებთ მონაწილეობას მასშტაბურ პროექტებში. იყავით დაკვირვებული და გამოავლინეთ პასუხისმგებლობის გრძნობა. ეს ისედაც გახასიათებთ, უბრალოდ, მოგინდებათ, რომ გარშემო მყოფებმა შეგამჩნიონ.
ბიზნესი, სამსახური
ვალდებულებები მოგემატებათ სახლშიც და სამსხურშიც. იყავით დაკვირვებული დეტალებზე. გახშირდება საქმიანი და მეგობრული შეხვედრები. გამოგიჩნდებათ ახალი იდეები. მაგრამ ყველაფერს ერთად ნუ განახორციელებთ, მოიტოვეთ შემდეგისთვის, გადაიღლებით. დააკვირდით გარშემო მყოფების ქცევებს. მოგინდებათ ინტელექტუალურ საქმიანობაში ჩართვა. შეიძლება მაგიდის თამაშებში მიიღოთ მონაწილეობა. ახლობლების დახმარება კიდევ უფრო მეტ ენერგიას შეგძენთ. ამასთან, გირჩევთ, არ გადაიღალოთ. გამონახეთ დრო სამედიცინო კვლევისთვის, ექიმთან კონსულტაციისთვის. გაიუმჯობესეთ ძილისა და კვების რეჟიმი. ერთი სიტყვით, ისწავლეთ დასვენება, საკუთარ თავზე ზრუნვა.
სიყვარული
მოიმატებს რომანტიკული განწყობა. დაწყვილებულების ცხოვრებაში დათბება. მოგინდებათ მეტი დროის ერთად გატარება, საყვარელი ადამიანის სიურპრიზებით განებივრება; მისთვის საკუთარი გრძნობების გამხელა. ერთად დაგეგმეთ ოჯახის ბიუჯეტი, შვებულება. თავისუფალი დრო გაატარეთ ბავშვებთან ერთად. მარტოხელებმა მოიცალეთ ფლირტისთვის, რომანის დაწყებისთვის. 23 ივნისის შემდეგ მეტად იზრუნეთ ჯანმრთელობაზე, ფიზიკურ მდგომარეობაზე. ზოგიერთმა შეიძლება კოლეგასთან გააბათ რომანი.
ჯანმრთელობა და აქტიურობა
ყოველდღიურობაში დანერგეთ ჯანსაღი ცხოვრების წესი. მოერიდეთ ექსტრიმს, არ გადატვირთოთ ორგანიზმი. საუკეთესო დროა მავნე ჩვევებისაგან გასათავისუფლებლად. მიიღეთ ნატურალური ვიტამინები, დაიმუხტეთ დადებითი ემოციებით. რეგულარულად ივარჯიშეთ, ისეირნეთ სუფთა ჰაერზე. კარგი იქნება, თუ ოჯახის წევრებსაც აიყოლიებთ.
14 ივნისის შემდეგ უნდა დაფიქრდეთ, უნდა გაერკვეთ პრობლემებში, მიიღოთ გადაწყვეტილება. რისგან უნდა გათავისუფლდეთ. დააკვირდით მოვლენებს, ადამიანებს თქვენ გარშემო. კარგი იქნება, თუ ცოტა ხნით განმარტოვდებით. დაუთმობთ დროს შემოქმედებას.
29 ივნისის შემდეგ გააუმჯობესეთ პარტნიორული (სასიყვარულო და პარტნიორული) ურთიერთობა. დაიცავით ბალანსი საკუთარ პირად სივრცესა და სხვების საზღვრებს შორის. მარტოხელებს რომანტიკული ნაცნობობის შანსი გეძლევათ.