ივნისის ასტროლოგიური პროგნოზი ტყუპისთვის: ნუ დაიჯერებთ ყველაფერს, რასაც გეუბნებიან

• თვის ზოგადი ტენდენციები

მზე თქვენს ნიშანშია, თქვენი ნათების დროა! თქვენი მომხიბვლელობა და სოციალური უნარები პიკზეა და მზად ხართ მოახდინოთ შთაბეჭდილება ყველას, ვისაც შეხვდებით. თვე სავსე იქნება ინტელექტუალური აქტივობით, სოციალური კავშირებითა და მნიშვნელოვანი პიროვნული ზრდის პოტენციალით.

ივნისის პირველ ათ დღეში თქვენი მმართველი პლანეტა, მერკური, კომფორტულად დასახლდება თქვენს ნიშანში. თქვენი გონება გახდება იდეების გენერატორი, სავსე იქნებით ცნობისმოყვარეობითა და ცოდნის მიღების წყურვილით. მახვილგონივრული ხუმრობები გახდება ბუნებრივი და თქვენი სწავლისა და ადაპტაციის უნარი პიკს მიაღწევს. ისარგებლეთ ამ გონებრივი მოქნილობით! ჩაერთეთ საინტერესო დისკუსიებში, შეისწავლეთ ახალი თემები მეგობრებთან ან ონლაინ და შესაძლოა დაიწყოთ წერა (დღიურის, რომანის, თუნდაც სტატიების).

თუმცა, მოერიდეთ ერთი იდეიდან მეორეზე გადახტომას. დაალაგეთ თქვენი ამოცანების პრიორიტეტი ეფექტურად და დარწმუნდით, რომ თითოეული მათგანი ღირებულია და შეესაბამება თქვენს გრძელვადიან მიზნებს.

• სამუშაო, ფინანსები და ბიზნესი

მერკურის გადმოსვლა თქვენს ნიშანში აქტიურობასა და მოტივაციას გაზრდის. გაგიადვილდებათ საქმის კეთება, სიმართლის დამტკიცება თუ დისკუსია. თქვენი თავდაჯერებულობა გააძლიერებს თქვენს ავტორიტეტს კოლეგებში და აგრეთვე გააძლიერებს თქვენს პროფესიულ პოზიციას. უმეტესობას შეეძლება კონკურენტებზე წინსვლა და პერსპექტიული შეთავაზებების მიღება.

მოლაპარაკებები თუ საქმიანი შეხვედრები წარმატებული იქნება, გამოჩნდება ახალი კონტრაქტები ან შეკვეთები. კარგი დროა გასაუბრებებისთვის, ახალი საქმიანი კონტაქტების მოსაძებნად. იყავით უფრო აქტიური თქვენი მიზნების მისაღწევად, იყავით მტკიცე და დაჟინებული.

9 ივნისიდან ფინანსური საკითხები პრიორიტეტი გახდება. მერკური გადავა თქვენი ფინანსების სახლში, ამიტომ მეტი ყურადღება მიაქციეთ ცხოვრების მატერიალურ სფეროს. გამოჩნდება ახალი შესაძლებლობები, რომ გაზარდოთ შემოსავალი და იპოვოთ შემოსავლის ახალი წყაროები. იფიქრეთ ბიზნესის გაფართოებაზე, ახალ პერსპექტიულ პროექტებზე და სხვა სამუშაოს ძებნაზე, თუ ძველ ადგილას რაღაცით უკმაყოფილო ხართ.

ზოგიერთს შეგეცვლებათ შეხედულებები ან დამოკიდებულებები იმის მიმართ, რაც თქვენ გარშემო ხდება, რათა მიაღწიოთ პროგრესს და თავიდან აიცილოთ არასწორი გამოთვლები. დაისახეთ ახალი პრიორიტეტები ცხოვრებაში. არ დაივიწყოთ წარსულში დაშვებული შეცდომები. თქვენი ბიუჯეტიც უნდა გადაიხედოს. სასარგებლოა ხარჯების შემცირება და დანაზოგის გაზრდის გზების პოვნა. თუ ინვესტირებაზე ფიქრობთ, გაიარეთ კონსულტაცია ამ სფეროს ექსპერტებთან. მოერიდეთ იმპულსურ შესყიდვებს და დიდ ხარჯებს, შეებრძოლეთ ცდუნებებს. იყიდეთ ნივთები მხოლოდ მაშინ, როცა გჭირდებათ, ნუ იყიდით იმას, რაც არ გჭირდებათ. საყიდლებზე წასვლამდე შეადგინეთ სია, რათა გაგიადვილდეთ ხარჯების კონტროლი.

• ოჯახი, რომანტიკა და ფლირტი

ვენერა თქვენი განმარტოების, იზოლაციის სახლშია თითქმის მთელი თვე, ამიტომ შესაძლოა ახალ ნაცნობებთან გარკვეული სირთულეები შეგექმნათ. გარდა ამისა, თქვენი მოლოდინები ან იმედები ურთიერთობის მიმართ ძალიან ბუნდოვანია: ძნელია ჩამოაყალიბო ზუსტად რა გინდა პოტენციური პარტნიორისგან და რისი შეთავაზება შეგიძლიათ მისთვის. ამიტომ, დაელოდეთ უკეთეს პერიოდს. თუმცა, თუ სერიოზულად აპირებთ პირადი ცხოვრების შეცვლას, მაშინ ამის შანსი ნამდვილად არის.

ზოგიერთმა ტყუპმა შეიძლება სასიყვარულო ურთიერთობა დაიწყოს, მაგრამ საიდუმლოდ შეინახოს. ან შეიძლება ახალი პარტნიორი დაქორწინებული აღმოჩნდეს, ჰქონდეს რაღაც დამალული. მნიშვნელოვანია, რეალისტურად შეხედოთ თქვენს რჩეულს და არ მიაწეროთ მას ისეთი თვისებები, რომლებიც არ აქვს. წინააღმდეგ შემთხვევაში იმედგაცრუებული დარჩებით. ნუ დაიჯერებთ ყველაფერს, რასაც გეუბნებიან: შეამოწმეთ ფაქტები, იმოქმედეთ ლოგიკურად.

რომანტიკული ნაცნობობა შესაძლებელია ისეთ ადგილას, სადაც კომუნიკაცია შეზღუდულია, მაგალითად, საავადმყოფოში, სანატორიუმში, ოფიციალურ ორგანიზაციებში, ან თუნდაც ღამის კლუბში.

დაოჯახებულებისთვის ამ თვეში პარტნიორთან ურთიერთობა შეიძლება იყოს რთული და დაძაბული. თქვენი გაურკვევლობა და განწყობის ხშირი ცვალებადობა საყვარელი ადამიანების მხრიდან ჩხუბსა და გაუგებრობას გამოიწვევს.

ვენერას გაიძულებთ, ჩაიხედოთ თქვენს შინაგან სამყაროში და იქ მოაწესრიგოთ საქმეები. იმ წყვილებმა, რომლებსაც წარსულში ჰქონდათ ურთიერთობის პრობლემები, შეიძლება განიცადონ სერიოზული კრიზისი ან თუნდაც დაშორება. აგრეთვე არსებობს უსიამოვნო ამბების მიღების შესაძლებლობა, შესაძლოა რაიმე საიდუმლო გამჟღავნდეს. იყავი გულწრფელი პარტნიორთან. აკონტროლეთ ემოციები და სერიოზული გადაწყვეტილებები არ მიიღოთ, თუ მერე უნდა ინანოთ.

• ჯანმრთელობა და აქტიურობა

ივნისში დიდი ძალა და ენერგია გექნებათ. მეტი დრო გაატარეთ გარეთ, დაკავდით ფიზიკური შრომით. ძილის წინ სიარული დაგეხმარებათ ემოციური სტრესის მოხსნაში და გონებრივი ბალანსის აღდგენაში. თუ სპორტს მისდევთ, მოერიდეთ ზედმეტ ვარჯიშს, აირჩიეთ აერობიკა ან ცურვა.

შეეცადეთ აკონტროლოთ თქვენი ჯანმრთელობის მდგომარეობა, უცნაური სიმპტომების გამოვლენის შემთხვევაში მიმართეთ ექიმს; არ ჩაიტაროთ თვითმკურნალობა. მკაცრი დიეტებით არ უნდა გადაიღალოთ. თვალყური ადევნეთ სისხლში რკინის დონეს, მიირთვით უფრო ხშირად ღვიძლი და საქონლის ხორცი და შეამცირეთ ცხიმიანი და ცხარე საკვები.

ხელსაყრელი დღეები ივნისში ტყუპისთვის: 6, 11, 16, 24, 29

არახელსაყრელი დღეები: 2, 13, 22, 26