ნოემბრის ახალმთვარეობა: ვის მოეთხოვება სიფრთხილე და ვის გაუმართლებს
დღეს ახალმთვარეობაა და მთვარის ახალი თვე იწყება. ახალმთვარეობა მორიელში ყველაზე მეტად წყლის ნიშნებზე იმოქმედებს (კირჩხიბი, მორიელი, თევზები). მზე ჰარმონიულ ასპექტს ქმნის თქვენს ნიშანთან და სასიამოვნო სიახლეებს დაელოდეთ. ლომს, მერწყულსა და განსაკუთრებით კუროს კი ცოტა მეტი სიფრთხილე მოგეთხოვებათ. არ გარისკოთ. იყავით დაკვირვებული და გააზრებული. გაეცანით პროგნოზს თქვენი ასცენდენტისა და მზის ნიშნის მიხედვით, რათა უკეთ შეძლოთ თქვენი ცხოვრების, საქმეების, ურთიერთობების მართვა.
ვერძი მოაგვარეთ ფინანსური საკითხები (საბანკო, სამემკვიდრეო, საგადასახადო). გაარკვიეთ პარტნიორთან შემოსავალ-გასავალი. ზოგიერთს შეიძლება მოგინდეთ ფულის დაბანდება, ახალი ბიზნესის დაწყება და მაქსიმალურად დაკვირვებული და ფრთხილი უნდა იყოთ. გააქტიურდით, რომ გაგიუმჯობესდეთ ფულადი თემა. მოითხოვეთ ადრე შესრულებული საქმისთვის საფასურის გადახდა.
კურო ბალანსი უნდა დაიცვათ თქვენსა და პარტნიორის (საქმიან და სასიყვარულო) სურვილებს შორის. ეცადეთ ჰარმონია დაისადგუროს თქვენ შორის. უთხარით კომპლიმენტები, შეაქეთ, შეაგულიანეთ ახალი მიზნების განხორციელებაზე. მეტი დრო დაუთმეთ კლიენტებთან ურთიერთობის გაუმჯობესებას.
ტყუპი ყურადღება უნდა მიაქციოთ ჯანმრთელობას. კარგი იქნება, თუ გაესინჯებით მკურნალ ექიმთან, გაივლით კონსულტაციას, ჩაიტარებთ პროფილაქტიკურ გამოკვლევას. კარგ შედეგს მოგიტანთ გამაჯანსაღებელი პროცედურების ჩატარება. გაიუმჯობესეთ ძილისა და კვების რეჟიმი. მოაწესრიგეთ სამსახურის საქმეები. ეცადეთ, კარგად შეასრულოთ თქვენზე დაკისრებული მოვალეობა.
კირჩხიბი მთვარის ამ თვეში მეტად უნდა გააუმჯობესოთ დამოკიდებულება საყვარელ ადამიანთან და შვილებთან. მათ თქვენი მზრუნველობა, ყურადღება და სიყვარული სჭირდებათ. მოუწყვეთ დღესასწაული ბავშვებს და რომანტიკული პაემანი - საყვარელ ადამიანს. თავად თქვენ უნდა გააქტიურდეთ, რომ განახორციელოთ ახალი პროქეტები, შემოქმედებითი იდეები. მოგეცემათ ბრენდის განვითარების შესაძლებლობა. არ გამოაკლდეთ წვეულებებს, გაუკეთეთ საკუთარ თავს საჩუქარი.
ლომი გაამახვილეთ ყურადღება საოჯახო საქმეებზე, მშობლების მიმართ მზრუნველი, გულუხვი და მოსიყვარულე უნდა იყოთ. შეიძლება დაიწყოთ რემონტი, იზრუნოთ ბინის კეთილმოწყობაზე, მოლამაზებაზე (თუნდაც მოემზადოთ ზამთრისთვის), სახლში ჰარმონიული გარემოს შექმნაზე. გადაიფორმეთ უძრავი ქონება საკუთარ თავზე.
ქალწული მეტად უნდა ჩაერთოთ და-ძმების ცხოვრებაში, დაეხმაროთ მათ ან მათთან ერთად დაიწყოთ ახალ საქმიანობა. იყავით დიპლომატიური მეზობლებთანაც. მათთან კონფლიქტი მინიმუმამდე შეამცირეთ. მეტი მოგეთხოვებათ დოკუმენტების გაფორმებისას. ზოგიერთმა შეიძლება ახალის შესწავლა დაიწყოთ ან ჩაეწეროთ სასწავლო კურსებზე. კარგ შედეგს მოგიტანთ რეკლამა, პიარი, ვაჭრობა. მოაგვარეთ ავტომობილთან დაკავშირებული საკითხები.
სასწორი თვის მთავარი საზრუნავი მატერიალური საკითხები იქნება. ყურადღებით უნდა მოაგვაროთ ფინანსური თემები. ორჯერ და სამჯერ გადაიკითხეთ ახალი ხელშეკრულება. მოგინდებათ ფულის დაბანდება ძვირად ღირებულ ნივთებში (სამკაული, საოჯახო) და საკუთარ თავშიც. ზოგიერთმა შეიძლება გაზარდოთ თქვენი მომსახურების საფასური, თუ მომსახურების სფეროში საქმიანობთ. დაიცავით ბალანსი - რასაც გასცემთ და რასაც იღებთ. ზედმეტი ფულის ფლანგვას არ გირჩევთ. უმჯობესია, წინასწარ ჩამოწეროთ საყიდლების სია.
მორიელი თქვენი დროა, თქვენ გაქვთ ყველა ის ძალა, თვისება და უნარი, რაც გამარჯვებისთვის გამოგადგებათ. უნდა იაქტიუროთ, რომ გაიუმჯობესოთ ცხოვრება, ურთიერთობები; იზრუნოთ კარიერულ წინსვლაზე. მოსალოდნელია მოულოდნელი წარმატება. კარგი იქნება, თუ შეიცვლით სტილს, იმიჯს, იზრუნებთ საკუთარი თავის უკეთ წარმოჩენაზე საზოგადოებაში. მეტად გამოავლენთ ლიდერის თვისებებს. ჩაეწერეთ კვალიფიკაციის ასამაღლებელ კურსებზე ან - სპორტდარბაზში.
მშვილდოსანი მომდევნო ახალმთვარეობა თქვენს ნიშანში იქნება, ახლა კი უნდა დაისვენოთ, დაუთმოთ დრო ენერგიის აღდგენას, რათა მზის მშვილდოსანში გადმოსვლის შემდეგ ერთიანად გააქტიურდეთ და დაიწყოთ საკუთარი ცხოვრების გაუმჯობესება. დააკვირდით საკუთარ თავს, განწყობას, ყური დაუგდეთ ინტუიციას, შინაგან ხმას. გადახედეთ მთელ წლის განმავლობაში მომხდარ მოვლენებს, გამოიტანეთ ობიექტური დასკვნები. რა გაქვთ გამოსასწორებელი. კარგი იქნება განმარტებით დასვენება, ქველმოქმედება, დახმარება. მოსინჯეთ საკუთარი თავი არტთერაპიაში, მოინახულეთ წმინდა ადგილები.
თხის რქა სამომავლო იდეების, სურვილების, მიზნების განხორციელების დრო დაგიდგათ. ჩამოწერეთ, როგორ გსურთ მომავალში ცხოვრება და გააქტიურდით სასურველის მისაღებად. გამონახეთ დრო თანამოაზრეებთან შესახვედრად და ახალი იდეების განსახილველად. შეხვდით დიდი ხნის უნახავ მეგობრებს.
მერწყული კარიერა გახდება თქვენთვის უმთავრესი. მოგინდებათ მწვერვალების დაპყრობა, ახალი თანამდებობის დაკავება, კოლეგებისა და პარტნიორების დაფასება. ზოგიერთს გაგიუმჯობესდებათ საცხოვრებელი პირობები. შეიძლება პრესტიჟულ უბანში დაიდოთ ბინა. ზოგიერთმა შეიძლება ახალი ბიზნესი დაიწყოთ. გამორიცხული არაა, სრულიად ახალ საქმიანობაში მოსინჯოთ საკუთარი თავი. გქონდეთ მეგობრების დახმარების იმედი.
თევზები ეს ახალმთვარეობა პოპულარობას, დაფასებას მოგიტანთ, შეიძლება თქვენი ბრენდი შექმნათ ან უკვე არსებულის განვითარებაზე იზრუნოთ. მეტად იზრუნეთ საკუთარი თავის პიარზე, გარშემო მყოფებს თქვენი საუკეთესო თვისებები დაანახვეთ. თქვენ სასარგებლოს მოგვარდება იურიდიული საკითხები. ზოგიერთს მოგინდებათ სულიერი განვითარება, საზღვარგარეთ მოგზაურობა. ზოგიერთმა შეიძლება უცხო ენის შესწავლა გადაწყვიტოთ ან ემიგრაცია.