ოქტომბრის ასტროლოგიური პროგნოზი კირჩხიბისთვის: რომანტიკულმა ურთიერთობებმა შეიძლება საფრთხე შეუქმნას თქვენს კარიერას
თვის ზოგადი ტენდენციები
ოქტომბერი თქვენთვის რომანტიკული თვეა. მარტოხელებისთვის შესაძლებელია ახალი შეხვედრები, წყვილები თავიდან აღმოაჩენთ ერთმანეთს, იქნება ვნება, ჰარმონია და ურთიერთგაგება. მზის ყოფნა სასწორში დაგეხმარებათ სიმშვიდისა და თავშეკავების მოპოვებაში. ნუ მისცემთ სირთულეებს უფლებას, რომ დაჩრდილოს თქვენი პროფესიული ღირებულების დემონსტრირების შესაძლებლობა.
თვის დასაწყისი სასიამოვნო ფინანსური სიურპრიზებით იქნება აღსანიშნავი. ამის მიუხედავად, შეეცადეთ შეამციროთ ხარჯები, უმჯობესია, საბანკო ანგარიშზე შეიტანოთ თანხა.
ეს თვე ხელს შეუწყობს გრძნობების ძლიერ ვნებებად გარდაქმნას, მაგრამ ფრთხილად იყავით ემოციებთან, აგრეთვე ფრთხილად იყავით სამსახურში ფლირტთან: ოფისში რომანტიკულმა ურთიერთობებმა შეიძლება საფრთხე შეუქმნას თქვენს კარიერას.
ოქტომბერი ხელსაყრელი იქნება ოჯახური კავშირების გასაძლიერებლად: საყვარელ ადამიანებთან ერთად გატარებული დრო დაუვიწყარი იქნება. თუმცა, ფრთხილად იყავით: ამ პერიოდმა შეიძლება გამოიწვიოს ინიციატივის ნაკლებობა და არაპროდუქტიული სამუშაო. სასურველია, რომ ჰარმონიულად დააბალანსოთ ოჯახი და მუშაობა.
სამუშაო, ფინანსები და ბიზნესი
ოქტომბრის პირველი სამი კვირის განმავლობაში მზე თქვენი სახლისა და ოჯახის სექტორში იქნება და ამ პერიოდში ნაკლებად იქნებით ჩართული სამსახურში. რა თქმა უნდა, წახვალთ სამსახურში და შეასრულებთ თქვენს სამუშაო ვალდებულებებს, მაგრამ ფიქრებით იქნებით სხვაგან. კერძოდ, სახლში. ოჯახური საკითხები იმდენად აქტუალური იქნება, რომ შეიძლება ხშირად მოითხოვოთ შინ დროზე ადრე წასვლა. ეცადეთ, საოჯახო ვალდებულებების გამო არ გაიფუჭოთ სამსახურის საქმეები ან არ შეგეშალოთ ხელი პროფესიული მოვალეობების შესრულებაში.
ზოგიერთმა შეიძლება გადაწყვიტოთ შვებულებაში წასვლა, შესაძლოა, სამოგზაუროდ. ან შეიძლება ოჯახთან ერთად დროის გატარება და ოჯახური პრობლემების მოგვარება მოგინდეთ.
სამსახურში ეცდებით გუნდში ურთიერთობების გაუმჯობესებას. მოგინდებათ ჰარმონიული საოფისე გარემო, სადაც ფსიქოლოგიურად კომფორტულად იგრძნობთ თავს. ასევე, შესაძლოა, ნათესავებისგან დახმარება მიიღოთ ზოგიერთ საქმიან საკითხში. ოჯახური კავშირები და ადამიანები, რომლებსაც შეგიძლიათ ენდოთ, ახლა ძალიან მნიშვნელოვანია. სამსახურში პრობლემების გადაჭრის არატრადიციულ, ორიგინალურ გზებს იპოვით. ეს ხელსაყრელი დრო იქნება პრეზენტაციების, გამოსვლებისა და სხვადასხვა ღონისძიებების ორგანიზებისთვის.
გაგიადვილდებათ სხვების დარწმუნება თქვენი თვალსაზრისის სისწორეში. უფრო დამაჯერებელი და მჭევრმეტყველი გახდებით. ზოგიერთი მიიღებთ შეთავაზებას, რომელიც სამსახურში დაწინაურებას ან ახალ გამოცდილებას გპირდებათ. ოქტომბერი ფინანსურადაც ხელსაყრელი თვეა. კარგი დროა უძრავ ქონებასა და ოჯახურ პროექტებში ინვესტიციების ჩადებისთვის. ზოგიერთმა შეიძლება საჩუქრები და ბონუსები მიიღოთ.
მერკური თქვენს მე-5 სექტორში გადის და ოქტომბერში შეიძლება გაიღვიძოს შემოქმედებითმა სურვილმა. შეიძლება ახალი ჰობი დაიწყოთ ან შეძლოთ იმის მონეტიზაცია, რაც კარგად გამოგდით.
ოჯახი, რომანტიკა და ფლირტი
ოქტომბერში ეცადეთ სახლში და საყვარელ ადამიანებთან ურთიერთობაში ატმოსფეროს გაუმჯობესებას. მოინახულეთ ნათესავები. 22-დან უფრო მეტად იქნებით ორიენტირებული ბავშვებზე, სიყვარულზე, შემოქმედებასა და გართობაზე. ეს კარგი დროა დასვენებისა და რელაქსაციისთვის. ასე რომ, თუ, როგორც ყოველთვის, დაკავებული ხართ საოჯახო საქმეებით, შეეცადეთ გამონახოთ დრო გართობისა და მეგობრებთან შეხვედრებისთვის.
თუ მარტოხელა ხართ, შესაძლოა ოქტომბერში საინტერესო ადამიანი გაიცნოთ. მთავარია, ღია იყოთ ახალი ადამიანების გასაცნობად და პაემნებისთვის. თუ ვინმეთი დაინტერესებული ხართ, გამოხატეთ, უფრო ხშირად გაიღიმეთ და უფრო ღიად დაუკავშირდით.
ოქტომბრის მეორე ნახევარში შეიძლება შეხვდეთ უფრო ემოციურ და მგრძნობიარე ადამიანს, რომელიც დაგიცავთ და იზრუნებს თქვენზე. ამ ადამიანთან თავს მშვიდად და კომფორტულად იგრძნობთ, თითქოს დიდი ხანია იცნობთ ერთმანეთს. შესაძლებელია, რომ ზოგიერთმა ახალი სიყვარული ოჯახური კავშირების მეშვეობით იპოვოთ.
დაქორწინებულებისთვის თვის პირველი ნახევარი უფრო დინამიკური იქნება. თქვენ და თქვენს პარტნიორს ბევრი გეგმა გექნებათ და მოგინდებათ მეტი დრო გაატაროთ საინტერესო ადამიანებთან და აკეთოთ საერთო ჰობი. შეძლებთ პროდუქტიულად მოაგვაროთ ის საკითხები, რომლებიც გაწუხებთ. იპოვით კომპრომისს და ურთიერთგაგებას. გახდებით უფრო მოქნილი და მიმღები თქვენი პარტნიორის თვალსაზრისის მიმართ.
ოქტომბრის მეორე ნახევარში საოჯახო საქმეები თქვენს აქტიურ ჩართვას მოითხოვს. ვიღაცას ნათესავები გესტუმრებიან, ან თავად წახვალთ მათ სანახავად.
ჯანმრთელობა და აქტიურობა
ამ თვეში დიდ ენერგიას დახარჯავთ საოჯახო საქმეებზე. ხშირად გექნებათ დიდი ნადიმები, რაც სავარაუდოდ, საჭმლის მონელების პრობლემებს გამოიწვევს. ზოგიერთს მოგიწევთ ნათესავებზე მეტი ზრუნვა, მაგალითად, საავადმყოფოში გაყოლა, აფთიაქში წასვლა ან საჭმლის მომზადება. სამედიცინო გამოკვლევა თქვენს ჯანმრთელობასაც წაადგება. შეძლებისდაგვარად მოერიდეთ სტრესს; თქვენი ფსიქოლოგიური მდგომარეობა განსაზღვრავს თქვენს კეთილდღეობას. კლინიკაში ვიზიტი განსაკუთრებით მნიშვნელოვანი იქნება ქრონიკული მემკვიდრეობითი დაავადებების მქონე პირთათვის. ნუ იტყვით უარს ფიზიკურ აქტივობაზე, მაგრამ გააკეთეთ ეს ზომიერად. მეტი ისეირნეთ და ისუნთქეთ სუფთა ჰაერი.