პირველი ოქტომბრის იუბილარი
ოქტომბერი თანამედროვე კალენდრით მეათე, ხოლო ძველრომაული კალენდრის მიხედვით მერვე თვეა. მისი სახელწოდებაც სწორედ აქედან მოდის (ლათ. Octo - რვა). ასტროლოგიური კუთხით ოქტომბრის თვეს ორი ზოდიაქოს ნიშანი "იყოფს" - ჰარმონიული, სილამაზისა და ესთეტიკის მოყვარული სასწორი და დესტრუქციული, პრინციპული და რთული მორიელი, რომელიც სხვათა შორის ზოდიაქოს მერვე ნიშნად გახლავთ მიჩნეული, რაც სრულიად შეესიტყვება ოქტომბრის ძველრომაულ პერსონიფიკაციას. ზოგადად რვიანი ხომ ტრანსფორმაციისა და გარდასახვის ენერგეტიკის მქონე რიცხვად გახლავთ მიჩნეული ნუმეროლოგიაში.
როგორია პირველ ოქტომბერს დაბადებული ადამიანი
პირველ ოქტომბერს დაბადებული ადამიანები თანდაყოლილი სიდინჯითა და სიბრძნით გამოირჩევიან. მათ ყოველთვის გააჩნიათ ცხოვრებაში მიმდინარე ნებისმიერ მოვლენაზე საკუთარი, საკმაოდ მყარი და საინტერესო შეხედულება. ამიტომ ამ ხალხს გარშემო მყოფები ხშირად მიმართავენ რჩევით და ზოგადად პატივს სცემენ მათ საკუთარი ინტელექტუალური შესაძლებლობების გამო.