რას გვიმზადებენ ვარსკვლავები: 23-29 ოქტომბრის ასტროლოგიური პროგნოზი

ვერძი

ეს კვირა კარგია სამეწარმეო, სამეცნიერო და საგანმანათლებლო საქმიანობისთვის. იზრდება გარიგებების დადების ან სამუშაოს შესრულების ალბათობა, რომელიც სცილდება თქვენს ჩვეულ მოვალეობებს. თუ არ გსურთ უსიამოვნებაში ჩაბმა, თავი შეიკავეთ ემოციურად არასტაბილური კოლეგებისა და მეგობრებისგან. კვირის მეორე ნახევარი აღსავსე იქნება კონტაქტებითა და შეხვედრებით. შაბათ-კვირას ძირითადად პირადი ცხოვრების გაუმჯობესებით იქნებით დაკავებული, კარგი დრო შოპინგისა და საკუთარ გარეგნობაზე ზრუნვისთვის.

კურო

ამ კვირაში ყველა თქვენი პროექტი წარმატებულად განვითარდება, თუ აქტიური იქნებით. კარგი დროა კარიერული კიბეზე ასასვლელად. თავდაჯერებულობა საშუალებას მოგცემთ შეცვალოთ თქვენი პირადი ცხოვრება უკეთესობისკენ. შაბათ-კვირას დაისვენეთ უსიამოვნებებისა და პრობლემებისგან. საყვარელი ადამიანების გარემოცვაში თავს ბედნიერად და მოდუნებულად იგრძნობთ.

ტყუპი

რაც უფრო ოპტიმისტური იქნება თქვენი განწყობა, მით უფრო ადვილი იქნება თქვენთვის სასურველი წარმატების მიღწევა და საზოგადოებაში აღიარების მოპოვება. უნდა გჯეროდეთ საკუთარი შესაძლებლობების და წახვიდეთ თქვენი ოცნებების ასრულებისკენ. გირჩევთ, თქვენი გეგმები და ვალდებულებები გაასაიდუმლოთ, რათა სწრაფად განახორციელოთ თქვენი ჩანაფიქრი. ნუ ჩაიციკლებით მიმდინარე პრობლემებზე; ძალიან მალე თქვენი ცხოვრება შეიცვლება: გექნებათ ახალი სამუშაო დიდი ხელფასით და არ არის გამორიცხული, ოჯახში მატება.

კირჩხიბი

ეს კვირა გპირდებათ იყოს უაღრესად ნაყოფიერი და გულუხვი სასიამოვნო სიურპრიზებით. თქვენ დააფასებთ თქვენი საყვარელი ადამიანის ყურადღებას. სურვილი, რომ ყველაფერი საკუთარი შეხედულებისამებრ გააკეთოთ, გარშემო მყოფებთან ჩხუბით დასრულდება. დაუკავშირდით მეგობრებს, ნუ მოგერიდებათ მეგობრობის პირადი მიზნებისთვის გამოყენება, ეს დაგეხმარებათ წარმატების მიღწევაში ან მინიმუმამდე დაიყვანოთ შესაძლო დანაკარგებს.

ლომი

ამ კვირაში შეძლებთ სამსახურში წარმატების მიღწევას და, გარდა ამისა, წარმატებით გაართმევთ თავს სახლის მოწესრიგებას. კარგი დროა მოხსენებების მოსამზადებლად; მოგიწევთ ბევრი მუშაობა, გახშირდება მიმოწერა და ზარები, კომუნიკაცია ადამიანებთან. ხუთშაბათიდან ეცადეთ მინიმუმამდე შეამციროთ თქვენი დატვირთვა. ასევე კარგი იქნება, იზრუნოთ ჯანმრთელობაზე, დაისვენოთ მშვიდ გარემოში ან წახვიდეთ სამოგზაუროდ.

ქალწული

ამ კვირაში უნდა გამოავლინოთ ისეთი თვისებები, როგორიცაა დიპლომატია და მოთმინება. თქვენი სურვილი, აკონტროლოთ ყველა და ყველაფერი, კარგია, მაგრამ მაინც უნდა შეანელოთ მადა. საკმარისია, რომ სხვები გაფასებენ და პატივს გცემენ. ნუ დაივიწყებთ თქვენს ოჯახურ მოვალეობებს. მნიშვნელოვანი საკითხის გადაწყვეტისას გაიარეთ კონსულტაცია საყვარელ ადამიანებთან.

სასწორი

მოუსმინეთ ინტუიციის ხმას, ეს საშუალებას მოგცემთ იპოვოთ საჭირო გამოსავალი რთულ სიტუაციაში. დაგჭირდებათ ისეთი თვისებები, როგორიცაა წინდახედულობა და თავშეკავება. შესაძლოა მნიშვნელოვანი ინფორმაცია მიიღოთ სამსახურში, რომელიც გადამოწმებას საჭიროებს. კვირის ბოლოს აქტიური პირადი ცხოვრება გელით. მაგრამ მაინც მოერიდეთ კონტაქტებს საეჭვო პარტნიორებთან.

მორიელი

კარიერის აღმასვლა და შემოსავლის მნიშვნელოვანი ზრდა გელით. განსაკუთრებით ჯიუტ და შრომისმოყვარე პიროვნებებს აქვთ შანსი ჩაუყარონ მყარი საფუძველი საკუთარი კეთილდღეობის მშენებლობას. თუმცა, მხოლოდ სამუშაოსთვის არ უნდა იცხოვროთ, გული სიყვარულითა და რომანტიკით გექნებათ სავსე. მოაწყვეთ პაემანი, ნუ დამალავთ გრძნობებს, ნუ შეგეშინდებათ გულწრფელი აღიარებების.

მშვილდოსანი

შეიძლება იყოს დაწინაურების შანსი. მიზანშეწონილია თავი შეიკავოთ დაპირების გაცემისგან, რადგან მათ შესრულებაზე მოგიწევთ დროის დახარჯვას, რისი საშუალებაც ჯერ არ გაქვთ. ოთხშაბათი არ არის ის დღე, როდესაც უნდა ეცადოთ რაიმე დავალების გამარჯვებით დასრულება, მხოლოდ დაიღლებით. უმჯობესია ყველაფერი გააკეთოთ ნელა, მაგრამ ეფექტურად. გარემო კარიერულ სფეროში წარმატებას გპირდებათ, ამისთვის გარკვეული ძალისხმევაა საჭირო, მთავარია კოლეგებთან და უფროსებთან კამათი არ გქონდეთ. ფრთხილად იყავით შეფასებებში, შეგიძლიათ კრიტიკით მტერი გაიჩინოთ.

თხის რქა

შეეცადეთ არ დახარჯოთ ენერგია არაფრისმომცემ ამოცანებზე. კვირის პირველ ნახევარში მოგიწევთ გუნდურად მუშაობა. შესაძლოა, ეს თქვენს გეგმებს ეწინააღმდეგება, მაგრამ იმედი არ გაგიცრუვდებათ. ნება მიეცით თქვენს გონებას აკონტროლოს თქვენი ემოციები და ნახავთ, რომ მხოლოდ მშვიდი შეფასება მოგიტანთ იმას, რაც ხდება. ნუ დაკარგავთ დროს ლაპარაკში, გახსოვდეთ, რომ "დუმილი ოქროა".

მერწყული

თქვენ უნდა აიმაღლოთ პროფესიული დონე და მიიღოთ ახალი ცოდნა. ეს დაგეხმარებათ კარიერულ წინსვლაში. სასურველია მეტი დრო გაატაროთ განმარტოებით მუშაობაში. შეეცადეთ დაზოგოთ ფული. თუმცა, მნიშვნელოვანია დაეხმაროთ თქვენს მეგობრებს, თუ მათ თქვენი მხარდაჭერა დასჭირდებათ.

თევზები

თუ სასიცოცხლოდ აუცილებელი არ არის, არ უნდა აიღოთ ზედმეტი ვალდებულება. ამ კვირაში მეტი მუშაობა მოგიწევთ საკუთარი წარმატებისთვის. საკუთარი ნაკლოვანებები, როგორიცაა გადაჭარბებული ემოციურობა და დრამატიზაციის ტენდენცია, უნდა აკონტროლოთ, მათ შეიძლება ხელი შეუშალონ თქვენი ამბიციური გეგმების განხორციელებას. მომგებიანი ბიზნესშეთავაზება შესაძლოა პარასკევს მიიღოთ. უქმეები საყვარელ ადამიანებთან ერთად გაატარეთ.