სად დავდგათ ნაძვის ხე და როგორ მოვრთოთ ბედნიერებისა და ფულის მოსაზიდად
აღმოსავლური ჰოროსკოპის მიხედვით, 2023 წლის მმართველი წყლის შავი კურდღელი იქნება. სწორედ ეს ცხოველი და წლის ტენდენციები გვკარნახობს, როგორი დეკორაციებით უნდა მოვრთოთ საახალწლოდ ნაძვის ხე, ბინა სიხარული და ბედნიერება რომ მოგვიტანოს 2023-მა წელმა.
სად დავდგათ ნაძვის ხე?
პირველ რიგში, მნიშვნელოვანია საჭირო ადგილის მონახვა, სადაც ნაძვის ხეს დადგამთ. წელს ნაძვის ხე უნდა განთავსდეს საოჯახო სექტორში - ანუ ოთახის აღმოსავლეთ სექტორში. თავად ნაძვის ხე უნდა იყოს მოკრძალებული - როგორც ზომით, ასევე დეკორაციის თვალსაზრისით. იდეალურ შემთხვევაში, შეგიძლიათ განათავსოთ ორი პატარა ნაძვის ხე - ოჯახის ზონაში და სიყვარულისა და ქორწინების ზონაში, რომელიც მდებარეობს სახლის სამხრეთ-დასავლეთ სექტორში.
სათამაშოების ფერის შერჩევა
2023 წლის მთავარი ფერი შავია, მაგრამ შავ სათამაშოებს ვერ ჩამოვკიდებთ ნაძვის ხეზე. გვაქვს ალტერნატივა წლის სტიქია: ამიტომ, სათამაშოების ფერები უნდა იყოს: ლურჯი, ცისფერი, ფირუზისფერი. შეგიძლიათ გამოიყენოთ ვერცხლისფერიც.
სათამაშოების ზომა და ფორმა
სათამაშოების ზომა უნდა იყოს საშუალო. ნაძვის ხეზე ჩამოკიდეთ, სახლისა და ოჯახის თემის სათამაშოები. კურდღელს უყვარს ყველაფერი ბუნებრივი, ასე რომ შეგიძლიათ ნაძვის ხე ნამდვილი გირჩებით მორთოთ. ხოლო ინტერიერი - ნამდვილი ნაძვის ტოტებით.
არ უნდა იყოს ნაძვის ხეზე
ნაძვის ხეზე არ ჩამოკიდოთ ვეფხვის, დრაკონის, გველის (მათ წელში რომ იყოთ დაბადებული მაინც არ გირჩევთ), დათვის ფორმის სათამაშოები. აი, სათამაშოები კურდღლის, ბაჭიის ან ფისოების გამოსახულებით კი გამოდგება.