სიკვდილის მაცნე თუ უდიდესი იღბალი? - რას მალავს ყვავის შავი ბუმბული და რისგან გვიცავს ის სინამდვილეში

ყვავი არ არის უბრალო ფრინველი; ის ნამდვილი ინტელექტუალია ცხოველთა სამყაროში. მეცნიერულად დამტკიცებულია, რომ ყვავებს აქვთ ლოგიკური აზროვნების, სახეების დამახსოვრებისა და იარაღების გამოყენების უნარი. თუმცა, ეზოტერიკაში მათი ეს გონიერება მისტიკურ ელფერს ატარებს.

ყვავებს ხშირად უწოდებენ „სულების გამცილებლებს“. ითვლება, რომ მათ შეუძლიათ თავისუფლად იმოგზაურონ ფიზიკურ და ასტრალურ სამყაროებს შორის. თუ თქვენს ცხოვრებაში ხშირად ჩნდება ყვავი, ეს იმის ნიშანია, რომ სამყარო თქვენთვის მნიშვნელოვან მესიჯს ამზადებს.

ასტროლოგიური კავშირები: სატურნი და პლუტონი

ასტროლოგიურად ყვავი ორ ყველაზე მძიმე, მაგრამ ტრანსფორმაციულ პლანეტასთან ასოცირდება:

სატურნი (დრო და კარმა): ყვავის შავი შეფერილობა, სიბრძნე და ხანგრძლივი სიცოცხლე სატურნთან აკავშირებს. ის გვახსენებს კარმულ გაკვეთილებს, დისციპლინასა და იმას, რომ ყველაფერს თავისი დრო აქვს.

პლუტონი (სიკვდილი და ხელახლა დაბადება): რ ოგორც ფრინველი, რომელიც ხშირად ასოცირდება გარდაცვალებასთან, ყვავი პლუტონის ენერგიას ატარებს. თუმცა, მაგიაში „სიკვდილი“ ფიზიკურ დასასრულს კი არა, ძველის კვდომას და ახლის დაბადებას (ტრანსფორმაციას) ნიშნავს.

დასავლურ ასტროლოგიაში ყვავი ზოგჯერ სასწორის ზოდიაქოსთანაც ასოცირდება, როგორც ბალანსის, სამართლიანობისა და სიმართლის მაძიებელი ფრინველი, რომელსაც ილუზიების მიღმა ხედვა შეუძლია.

აქვს თუ არა მაგიასთან კავშირი ყვავს?

მაგიურ პრაქტიკაში ყვავი ერთ-ერთი ყველაზე ძლიერი „ტოტემური ცხოველია“.

1. ილუზიების მსხვრევა და ნათელმხილველობა

ყვავი არის „ფორმის შემცვლელი“. მას აქვს უნარი დაინახოს ის, რასაც სხვები ვერ ამჩნევენ. ყვავის მაგია გვეხმარება ილუზიების მსხვრევაში, ტყუილის გამოაშკარავებასა და ინტუიციის (მესამე თვალის) გააქტიურებაში.

2. ჩრდილის მაგია

ყვავი არ უშინდება სიბნელეს. ის გვეხმარება საკუთარ „ჩრდილოვან მხარესთან“ მუშაობაში - იმ შიშებთან, ტრავმებთან და საიდუმლოებებთან, რომლებსაც ქვეცნობიერში ვმალავთ. ის გვასწავლის, რომ ნამდვილი ძალა საკუთარი სიბნელის მიღებაშია.

3. წინაპრებისა და ნეკრომანტიის მაგია

ძველ კულტურებში სჯეროდათ, რომ წინაპრების სულები ხშირად ყვავის ფორმით ბრუნდებოდნენ დედამიწაზე, რათა შთამომავლები გაეფრთხილებინათ ან დაეცვათ. ყვავის ხმის გაგონება ხშირად მიიჩნევა წინაპრებისგან გამოგზავნილ ნიშნად.

ყვავი სხვადასხვა მითოლოგიაში

სკანდინავიური მითოლოგია: უზენაეს ღმერთ ოდინს ორი ყვავი ჰყავდა - ჰუგინი (ფიქრი) და მუნინი (მეხსიერება). ისინი ყოველდღე დაფრინავდნენ სამყაროში და ოდინს ამბებს უყვებოდნენ. აქ ყვავი უმაღლესი ინტელექტის სიმბოლოა.

კელტური მითოლოგია: ომისა და ტრანსფორმაციის ქალღმერთი მორიგანი ხშირად ყვავის სახით ვლინდებოდა. იგი ბრძოლის ბედს წყვეტდა.

ამერიკელი ინდიელები : მათთვის ყვავი სამყაროს შემქმნელი, წმინდა არსება და ოინბაზია, რომელიც ადამიანებს ჭკუას ასწავლის და სამყაროში სინათლე მოაქვს.

რას გვეუბნება ყვავის გამოჩენა?

ერთი ყვავის დანახვა: ყურადღება მიაქციეთ ინტუიციას, ვიღაც თქვენს მოტყუებას ცდილობს ან მალე საიდუმლო გამჟღავნდება.

ორი ყვავი: კარგი ნიშანია, ხშირად მოაქვს იღბალი, ჰარმონია პარტნიორობაში ან სასიხარულო ამბავი.

ყვავის ჩხავილი სახლთან ახლოს: სამყარო გირჩევთ, რომ ძველი, მომაკვდინებელი ჩვევები ან ურთიერთობები წარსულს ჩააბაროთ და ადგილი გაუთავისუფლოთ ახალს.