ვენერა ლომშია, სასიყვარულო ასტროლოგიური პროგნოზი ზოდიაქოს ყველა ნიშნისთვის - თუ ჯერ არ გეგმავთ გრძელვადიანი ურთიერთობის დაწყებას, ისიამოვნეთ ფლირტით

19 სექტემბრამდე სიყვარულის სილამაზისა და ფულის პლანეტა ვენერა ლომში იქნება. ამ დრომდე მნიშვნელოვანი იქნება გრძნობების გამოვლენა, დემონსტრაციულადაც. არ დაიზაროთ საყვარელი ადამიანის ქება, გაანებივრეთ კომპლიმენტებით, ძვირფასი საჩუქრებით. ზოგადად გამოიჩინეთ კეთილშობილება საყვარელი ადამიანებისა და ბავშვების მიმართ. კარგია საკუთარ თავზე ზრუნვა და თქვენი გარემოს მოლამაზება. აგრეთვე კარგი დროა საკუთარი ნიჭის გამოვლენის, თეატრალური აქტივობებისა და თქვენი შემოქმედებითი შესაძლებლობების დემონსტრირებისთვის.

ვერძი

ამ თვეში შეგიძლიათ საინტერესო და სასიამოვნო ადამიანები გაიცნოთ. თუმცა, ბევრს არ დაგაინტერესებთ გრძელვადიანი ურთიერთობები და უპირატესობას მიანიჭებთ ნათელ და არასავალდებულო შეხვედრებს. თუ სერიოზული განზრახვები გაქვთ, მნიშვნელოვანი ნაცნობობა და პირადი ცხოვრების შეცვლა გელოდებათ.

თუ უკვე იპოვეთ თქვენი სულის მეგობარი, იყავით ყურადღებიანი და მომთმენი მის მიმართ. სექტემბრის ბოლოს თქვენს წყვილში სიტუაცია შესაძლებელია გართულდეს. ამის თავიდან ასაცილებლად გაატარეთ მეტი დრო ერთად, ნუ უგულებელყოფთ საყოფაცხოვრებო მოვალეობებს, დაეხმარეთ და მხარი დაუჭირეთ თქვენს საყვარელ ადამიანს. ასე ურთიერთობა გაძლიერდება და წარმატებით მოაგვარებთ ყველა წარმოშობილ წინააღმდეგობას.

თქვენი ინტერესი ერთმანეთის მიმართ გაიზრდება, თუ ერთად დაესწრებით სხვადასხვა ღონისძიებას, კონცერტებს, მოიწვევთ საერთო მეგობრებს შინ. მიიღეთ დადებითი ემოციები, გაუზიარეთ შთაბეჭდილებები, ამაღლეთ განწყობა.

კურო

ვენერა თქვენს მეოთხე სახლს 19 სექტემბრამდეა. ამ დროს მეგობრებთან ან ნათესავებთან შეხვედრები სიამოვნებას მოგანიჭებთ. შეგიძლიათ ქალაქგარეთ გახვიდეთ ან ოჯახური შეკრებები მოაწყოთ. გექნებათ მხიარული, პოზიტიური განწყობა, სურვილი, შეცვალოთ თქვენი ცხოვრება უკეთესობისკენ. თუ გეგმავთ რემონტს ან ავეჯის გადალაგებას, კარგია ამის გაკეთება თვის პირველ ნახევარში.

მარტოხელა კურო შეეცდება შეცვალოს პირადი ცხოვრება უკეთესობისკენ, შექმნას მყუდრო ატმოსფერო, იპოვოს საიმედო და მოსიყვარულე პარტნიორი. ახლა თქვენ ზუსტად იცით, რა გსურთ ურთიერთობისგან, ამიტომ მათთვის, ვინც სერიოზულად არის განწყობილი, საბედისწერო შეხვედრა და ახალი სასიყვარულო ურთიერთობის დაწყება ელოდება.

დაოჯახებულები შეშფოთებულები იქნებით ზრდასრული შვილების პრობლემებით, მოგინდებათ მათი ფინანსურად მხარდაჭერა, მათთვის მნიშვნელოვანი თანხის გადარიცხვა. თვის დასაწყისში მოგიწევთ დიდი დროის დათმობა საოჯახო საქმეებისთვის, საყოფაცხოვრებო პრობლემების გადასაჭრელად. თუმცა, ყველა ოჯახურ საკითხს მარტივად გაუმკლავდებით.

ტყუპი

19 სექტემბრამდე ვენერა მე-3 სახლში გყავთ. ეს კარგი პერიოდია მარტოხელებისთვის, შეგიძლიათ გაიცნოთ განსაკუთრებული ადამიანი და დაიწყოთ სერიოზული ურთიერთობა. მოსალოდნელია საინტერესო მოვლენები, ახალი გამოცდილება და უჩვეულო ნაცნობობა. წადით შვებულებაში ან სამოგზაუროდ, მოემზადეთ თავგადასავლებისთვის.

თქვენი პოტენციური პარტნიორი შეიძლება იყოს უჩვეულო ადამიანი, ამბიციებითა და მაღალი მიზნებით ცხოვრებაში. ეს ნაცნობობა სავარაუდოდ მოხდება, მეგობრებთან, ტრანსპორტში, გასართობ ღონისძიებებზეა. თუ სამსახურში უნდა იყოთ, მაშინ ყურადღება მიაქციეთ თქვენს ახალ კოლეგებს, მომხმარებლებს, კლიენტებს ან ახალ მეზობლებს.

შეხვედრის შანსების გასაზრდელად, ნუ იჯდებით ოთხ კედელში. უფრო ხშირად გადით გარეთ, მიიღეთ მოსაწვევები კინოში, გამოფენებზე ან კონცერტებზე. თქვენი განწყობა ასევე მნიშვნელოვანი ფაქტორი იქნება წარმატებული შეხვედრისთვის: იყავით უფრო აქტიური და მეგობრული სხვებთან.

დაწყვილებულები ეცადეთ მეტად დაემორჩილოთ ერთმანეთს და არ მოვახვიოთ თქვენი აზრი პარტნიორს. კომპრომისული გადაწყვეტილებების პოვნით, თავიდან აიცილებთ ოჯახში ჩხუბს და გააძლიერებთ თქვენს ურთიერთობას.

კირჩხიბი

19 სექტემბრამდე ვენერა თქვენი სტაბილურობისა და ფული სფეროს გადის. მიიზიდავთ კარგ შემოსავალს. თუ საყვარელ ადამიანს ცოტა ხნის წინ დაშორდით, კარგი იქნება, თუ თქვენს გამოცდილებაზე არ იფიქრებთ. ყველაფერი გააკეთეთ, რომ დაშორების პროცესი თქვენთვის უფრო მშვიდი იყოს. ამისათვის შეგიძლიათ დაკავდეთ საინტერესო ჰობით ან თავი სამუშაოთი დატვირთოთ. რაც უფრო სწრაფად გამოხვალთ დეპრესიიდან, მით უფრო მეტი შანსი გაქვთ, რომ მალე ახალი პარტნიორი იპოვოთ.

განსაკუთრებით გახარებთ თაყვანისმცემლებისგან საჩუქრების მიღება. ადამიანს შეაფასებთ არა იმით, თუ რა ლამაზ სიტყვებს გეუბნებათ, არამედ იმით, თუ სად გიწვევთ, რას გჩუქნით. ნუ იტყვით უარს კულტურულ ღონისძიებებზე, ბიზნეს კონფერენციებზე დასწრებაზე, იქ შეგიძლიათ შეხვდეთ საინტერესო ადამიანს.

დაოჯახებულებისთვის ურთიერთობაში ყველაფერი მშვიდი და მოწესრიგებული იქნება. მნიშვნელოვან გადაწყვეტილებებს პარტნიორი ერთად მიიღებთ, განსაკუთრებით ბიუჯეტთან დაკავშირებით.

ლომი

ვენერა თქვენს ნიშანში 19 სექტემბრამდე იქნება. მოგინდებათ მეტი ყურადღება მიაქციოთ თქვენს გარეგნობას, მოლამაზდეთ. დაფიქრდით, რა შეგიძლიათ შეცვალოთ უკეთესობისკენ. უფრო მომხიბვლელი იქნებით, საპირისპირო სქესის ყურადღების მიპყრობა არ გაგიჭირდებათ. იქნება მეტი პაემანი, რომანტიკული ნაცნობობა.

მაგრამ ნუ იფიქრებთ, რომ ურთიერთობები იოლად, დამოუკიდებლად განვითარდება. რადგან შეიძლება კანდიდატს ბევრი ნაკლი ჰქონდეს და თქვენი დონის ვერ იყოს. და თუ ვინმე თქვენს დონეს მიაღწევს, შეიძლება მისი მოთხოვნები ვერ დააკმაყოფილოთ.

თუ საკუთარ თავთან ჰარმონიაში ცხოვრობთ, ადეკვატურად აფასებთ სიტუაციას და ცხოვრებას ფხიზლად შეხედავთ, მაშინ შესაძლებელია, რომ თქვენს ცხოვრებაში გამოჩნდეს ადამიანი, რომელთანაც საიმედო ურთიერთობის დამყარებას შეძლებთ.

თუ ჯერ არ გეგმავთ გრძელვადიანი ურთიერთობის დაწყებას, მაშინ ისიამოვნეთ ფლირტით, ყურადღებით.

ქალწული

ვენერა თქვენს მე-12 სექტორში 19 სექტემბრამდე იქნება. ამიტომ, თვის პირველ ნახევარში მარტოობა და სიმშვიდე მოგინდებათ, ჩაერთვებით თვითშემეცნებაში. ცხოვრების სულიერი სფერო უფრო მნიშვნელოვანი იქნება, ვიდრე მატერიალური. ეს არ არის კარგი პერიოდი ახალი ნაცნობობისთვის: თქვენთვის რთულია ჩამოაყალიბოთ, თუ რას ელით ახალი ურთიერთობისგან და რა შეგიძლიათ შესთავაზოთ მომავალ პარტნიორს. გარდა ამისა, პირადი საკითხები და შინაგანი პრობლემები ახლა გაცილებით მეტად გაწუხებთ, ვიდრე რომანტიკული პაემანი.

თუმცა, თუ მარტოობის გამო დისკომფორტს გრძნობთ და გულწრფელად გსურთ განსაკუთრებული ადამიანის გაცნობა, მაშინ ამ თვეში შესანიშნავი შანსები გექნებათ. შეიძლება სასიყვარულო რომანი დაიწყოთ, მაგრამ გარკვეული დროით დამალოს ეს სხვებისგან. ან შეგიძლიათ გაიგოთ მოულოდნელი ინფორმაცია იმ ადამიანის შესახებ, რომელსაც ხვდებით. ნუ ენდობით ახალ ნაცნობებს, მათ სიტყვებს, ნუ მიეცემით ილუზიებს.

თუ ძიებაში ხართ, მაშინ მნიშვნელოვანი შეხვედრა შეიძლება შედგეს შეზღუდულ სივრცეში, მაგალითად, საავადმყოფოში, სანატორიუმში ან დასასვენებელ სახლში, კერძო ღამის კლუბში. ასევე რაიმე საიდუმლო ორგანიზაციაში, რომელიც დაკავშირებულია სამართალდამცავ ორგანოებთან.

დაწყვილებულებისთვის სექტემბერი რთული პერიოდი იქნება. რადგან სიყვარულის პლანეტა გადის საიდუმლოებებისა და მარტოობის სექტორს. ხშირად გექნებათ მელანქოლიური განწყობა. შეიძლება ჩაეფლოთ სევდიან მოგონებებში, ნაკლები ისაუბროთ ოჯახთან. შესაძლოა გამოვლინდეს თქვენი ძველი საიდუმლოებები ან ინფორმაცია, რომლის საიდუმლოდ შენახვაც გინდოდათ.

სასწორი

სექტემბერში სასიყვარულო ურთიერთობებში სასიამოვნო ცვლილებებს უნდა ელოდოთ. შეგიძლიათ იპოვოთ შესაფერისი ადამიანი თქვენს მეგობრების წრეში, ინტერესების კლუბში, საზოგადოებრივ ღონისძიებებზე. შეიძლება დაუახლოვდეთ იმ ადამიანს, ვისთანაც, მაგალითად, მუშაობთ, გაქვთ საერთო პროექტი, ბიზნესი. ზოგიერთს გელოდებათ სასიყვარულო აღსარება მეგობრისგან.

კარგია ინტერნეტში ადამიანების გაცნობა. იყავით უფრო აქტიური ამ მიმართულებით, განათავსეთ ფოტოები გაცნობის საიტზე.

მორიელი

თვის პირველ ნახევარში პირადი ცხოვრებისთვის უნდა მოიცალოთ. შესაძლოა პროფესიულ გარემოში განსაკუთრებული ადამიანი გაიცნოთ, გააუმჯობესოთ ურთიერთობა პარტნიორთან, თუ წყვილში ხართ.

ვენერა თქვენი კარიერის სახლში მოგზაურობს და ხელს უწყობს სამსახურებრივ რომანტიკას. შეიძლება თქვენს ცხოვრებაში გამოჩნდეს ადამიანი, რომელიც უფრო მაღალი სოციალური სტატუსით იქნება. საქმიანი მოგზაურობის დროს თქვენი სანაცნობო წრე გაფართოვდება და არჩევანი უფრო დიდი გახდება.

მშვილდოსანი

19 სექტემბრამდე ზოგიერთი პარტნიორის მიმართ ზედმეტად მომთხოვნი გახდებით, პრეტენზიებს წაუყენებთ და უფრო ხშირად გააკრიტიკებთ. ამან შეიძლება თქვენს წყვილში კონფლიქტები გამოიწვიოს. ამიტომ, უფრო კეთილგანწყობილი უნდა იყოთ მეორე ნახევრის მიმართ, კომუნიკაციაში დელიკატურობა და სირბილე გამოიჩინოთ. გაანებივროთ კომპლიმენტებითა და ძვირად ღირებული საჩუქრებით. მარტოხელებისთვის კარგი იქნება, ნაცნობობა უცხოელთან, რომანტიკული თავგადასავალი საზღვარგარეთ.

თხის რქა

სექტემბრის პირველ ნახევარში მარტოხელები დაიწყებთ პარტნიორის ძებნას, რომელთანაც ფიზიკური მიზიდულობა გექნებათ. ამ დროს არც ინტელექტი და არც სულიერი ნათესაობა არ ითამაშებს ისეთ როლს, როგორსაც ვნება. ამასთან, ყურადღებას მიაქცეთ მის ფულს... მოგინდებათ, რომ ის იყოს ფინანსურად უზრუნველყოფილი და ძვირადღირებულ საჩუქრებით გაგანებივროთ.

ფრთხილად იყავით ახალი ნაცნობების მიმართ, რომლებიც საკუთარ თავზე ცოტას ჰყვებიან და რასაც ამბობს, არც ის გგონიათ სიმართლე. გადახედეთ მის სოციალურ ქსელებს, გამოიკითხეთ მისი ოჯახის, მეგობრების, სამსახურის შესახებ. თქვენ გაქვთ უფლება იცოდეთ, რა ხდება მის ცხოვრებაში.

სექტემბრის პირველ ნახევარში შეგიძლიათ გააუმჯობესოთ თქვენი ფინანსური მდგომარეობა მდიდარი პარტნიორების ხარჯზე, ზოგი მიიღებთ ფინანსურ მხარდაჭერას, შესაძლოა, მეუღლის ფულები განკარგოთ.

მერწყული

თქვენი პირადი ცხოვრება სექტემბრის პირველ ნახევარში უფრო აქტიური იქნება. ეს პერიოდი კავშირებს გაძლიერებს მათთვის, ვინც დიდი ხანია ურთიერთობაშია. ვენერა მეტ რომანტიკასა და ვნებას მოიტანს. უფრო მეტად გამოხატავთ თქვენს გრძნობებსა და სიყვარულს ფიზიკური შეხებით, კომპლიმენტებით. კარგია კონფლიქტებისა და უთანხმოებების მოგვარება ღია და გულწრფელი საუბრებით; გაუზიარეთ თქვენი აზრები და გრძნობები პარტნიორს. გამოხატეთ სიყვარული და სითბო. კომპლიმენტები, ჩახუტება, მოფერება - ეს ყველაფერი აგრძნობინებს მას, რომ გიყვართ.

მარტოხელები უფრო მიმზიდველი გახდებით იმ ადამიანებისთვის, რომლებიც იზიარებენ თქვენს ინტერესებსა და ღირებულებებს. შეიძლება შეხვდეთ ადამიანს სოციალურ ღონისძიებებზე, მეგობრების მეშვეობით, სამსახურში, მაღაზიაში, კინოში ან თუნდაც ონლაინ. ყურადღება მიაქციეთ თქვენ გარშემო მყოფ ადამიანებს. შეიძლება თქვენი რომანტიკული პარტნიორი გახდეს ადამიანი, ვისთანაც მუდმივ კონტაქტში ხართ. იყავით უფრო აქტიური, თავად დაამყარეთ კონტაქტი: ფლირტი, საუბარი და ხუმრობა გასაგებ თემებზე კარგია დაახლოებისთვის.

თევზები

თვის პირველ ნახევარში ვენერა თქვენი ჯანმრთელობისა და სამუშაოს სექტორში გყავთ. რაც იმაზე მიუთითებს, რომ რომანტიკაზე წინ საქმეებს და სამსახურს დააყენებთ. თუ ვინმე ყურადღებას გამოიჩენს თქვენ მიმართ, ეს ადამიანი არ უნდა უგულებელყოთ. სექტემბერში უფრო პრაქტიკული და კრიტიკული გახდებით. ყურადღებას არა სიტყვებს, არამედ ადამიანების ქმედებებს მიაქცევთ. შეაფასებთ, როგორ ზრუნავს, იჩენს თუ არა ყურადღებას თქვენ მიმართ. თქვენთვის მნიშვნელოვანი იქნება იცოდეთ, შეგიძლიათ თუ არა დაეყრდნოთ მას საყოფაცხოვრებო საქმეების მოგვარებაში, თუ ყველაფერი თქვენი გასაკეთებელი გახდება.

თავისუფალმა თევზებმა შეიძლება საოფისე რომანი გააჩაღოთ.

დაოჯახებულებისთვის კარგი პერიოდია პარტნიორთან ერთად საოჯახო საქმეების შესასრულებლად. თქვენი პარტნიორის მხარდაჭერა თქვენთვის ძალიან მნიშვნელოვანი იქნება. მაგრამ ზოგჯერ, მაინც მიეცით საკუთარ თავს უფლება, დატოვოთ სახლი, გადადოთ რუტინული საქმეები და დაესწროთ კულტურულ ღონისძიებებს, კონცერტებს, სპექტაკლებს, კინოპრემიერებს; ეს საშუალებას მოგცემთ, დაისვენოთ.