ვინ არიან ყველაზე აუტანელი "ყოფილები“ ზოდიაქოს ნიშნის მიხედვით?
დაშორება იშვიათადაა სასიამოვნო პროცესი, თუმცა ზოგჯერ ყოფილი პარტნიორი, რომელიც გუშინ ჯერ კიდევ მზრუნველი და თბილი იყო, ნამდვილ „კოშმარად“ იქცევა. გუშინდელი „მიზანდასახულობა“ დღეს საერთო ქონების გაყოფისას ჯიუტ წინააღმდეგობაში გადადის, ხოლო „უწყინარი ხუმრობები“ - შხამიან კომენტარებად იქცევა.
ასტროლოგები მიიჩნევენ, რომ ადამიანის ქცევას დაშორების შემდეგ ხშირად ვარსკვლავები განაპირობებენ. ერთად გადავხედოთ იმ ნიშნების სიას, რომლებთანაც ურთიერთობის დასრულება ნამდვილი ემოციური გამოცდაა.
კურო
ერთი შეხედვით, კუროსთან დაშორება შეიძლება მოულოდნელად მშვიდი მოგეჩვენოთ: არანაირი სცენები და დრამატული ფრაზები. თუმცა, ეს მხოლოდ ილუზიაა. კურო ემოციებს მანამ მალავს, სანამ მისი მოთმინების ფიალა არ აივსება.
როგორც კი ეს მოხდება, ნამდვილი ქარიშხალი დაიწყება. მოემზადეთ პასიური აგრესიის ნიაღვრისთვის, ცივი შენიშვნებისა და მოულოდნელი შეტყობინებებისთვის. კუროსთან დაშორება არა ერთჯერადი აქტი, არამედ მთელი პიესაა, რომლის ფინალიც წინასწარ არავინ იცის. ეს ემოციური მარათონი მანამ გაგრძელდება, სანამ კურო თავის ენერგიას სხვა ობიექტზე არ გადაიტანს.
ლომი
ქარიზმატული ლომები დამარცხებას ვერ ეგუებიან, განსაკუთრებით მაშინ, როცა საქმე მათ თავმოყვარეობას ეხება. ლომი ჩუმად არასოდეს მიდის. მოემზადეთ ნამდვილი შოუსთვის: დაწყებული თქვენს დედასთან „ტრაგიკული“ ზარებით და დამთავრებული საერთო მეგობრების წრეში მსხვერპლის როლის თამაშით.
მაშინაც კი, თუ დაშორების ინიციატორი თავად იყო, ის მაინც შეეცდება ისე წარმოაჩინოს, თითქოს თქვენ ატკინეთ გული. ყველაზე რთული კი ისაა, რომ მან შეიძლება კვლავ სცადოს თქვენგან ნუგეშის მიღება. ამ დროს სჯობს ყველა საკომუნიკაციო არხი დახუროთ.
ქალწული
როცა ერთად იყავით, ის მზრუნველობის ეტალონი იყო, თუმცა დაშორების შემდეგ მისი ეს თვისება თქვენს წინააღმდეგ შემობრუნდება. ქალწულმა ზუსტად იცის, სად დაგარტყათ, რომ მისი „სითბო“ დიდხანს და მტკივნეულად გახსოვდეთ.
ის დაშორების პროცესს უმცირეს დეტალებამდე გააკონტროლებს: ვინ მიაქვს საყვარელი პლედი, ვისთან დარჩებიან საერთო მეგობრები და ვინ უნდა შეიცვალოს დილის ყავის დასალევი კაფე. ქალწული წყენას დიდხანს ინახავს და მისი შურისძიება დახვეწილია: მაგალითად, ბოლო მომენტში შეხვედრის გაუქმება ან დემონსტრაციული იგნორი.
მერწყული
მერწყულთან დაშორება ღია კოსმოსში სკაფანდრის გარეშე გასვლას ჰგავს: არც საყრდენი, არც ახსნა-განმარტება და არც ჰაერი. იქ, სადაც გულწრფელ საუბარს და დამშვიდობებას ელოდებით, მერწყული სრულ გაუცხოებას რთავს.
ნუ გაგიკვირდებათ, თუ ფრაზის - „უნდა დავშორდეთ“ - შემდეგ ის ისე შემოგხედავთ, როგორც შემთხვევით გამვლელს მეტროში. მას არ სჩვევია დრამები და სოციალურ ქსელებში თვალთვალი. ის მაშინვე გადაერთვება ახალ პროექტზე ან იოგაზე. ერთადერთი „ნუგეში“ შეიძლება ის იყოს, რომ თქვენთან ერთად აწყობილ ავეჯს დიდსულოვნად თქვენ დაგიტოვებთ - უბრალოდ იმიტომ, რომ მასზე ზრუნვა ზედმეტ ტვირთად ეჩვენება.