ზოდიაქოს 5 წყვილი, რომლებსაც სიყვარულში შეუთავსებლად მიიჩნევენ - თუმცა ეს ასე არ არის
არსებობს მოსაზრება, რომ ზოგიერთი ზოდიაქოს ნიშანი ერთმანეთს სიყვარულში ვერ ეწყობა. ამის მიზეზად განსხვავებულ ტემპერამენტს, ჩვევებსა და ცხოვრების, განსაკუთრებით კი სიყვარულის მიმართ განსხვავებულ შეხედულებებს ასახელებენ.
ზოგჯერ მართლაც შეიძლება მოგვეჩვენოს, რომ ასეთ ადამიანებს ერთმანეთის გაგებაზე მუშაობას დაშორება ურჩევნიათ. თუმცა ასტროლოგიაში ყველაფერს მხოლოდ საკუთარი და პარტნიორის ზოდიაქოს ნიშანი არ განსაზღვრავს. გაცილებით მნიშვნელოვანია, უფრო დავაკვირდეთ ურთიერთობას - რას გვასწავლის სხვა სტიქიის წარმომადგენელი, რა გამოცდილება შემოაქვს ჩვენს ცხოვრებაში და როგორ შეიძლება ეს გამოცდილება თავად ურთიერთობისთვის სასარგებლო აღმოჩნდეს
ვერძი + კირჩხიბი = ვნება, რომლის უკან ნამდვილი ზრუნვა იმალება
ვერძს, როგორც წესი, პირდაპირობას, თავდაჯერებულობასა და მოქმედების სურვილს უკავშირებენ, კირჩხიბს კი - მგრძნობელობას, სიფრთხილესა და ოჯახურ გარემოსთან ძლიერ კავშირს. ერთი შეხედვით, თითქოს რა უნდა ჰქონდეთ საერთო ადამიანს, რომელიც ყველაფერს პირდაპირ და დაუფიქრებლად აკეთებს, და ადამიანს, რომელიც გადაწყვეტილების მიღებამდე საკუთარ ინტუიციას უსმენს? თუმცა სწორედ ეს განსხვავება შეიძლება აღმოჩნდეს მათ შორის მიზიდულობის მიზეზი.
ვერძთან ურთიერთობა კირჩხიბს ზოგიერთ სიტუაციაში უფრო თამამი გადაწყვეტილებების მიღებაში დაეხმარება - პარტნიორი მას მოქმედებისკენ უბიძგებს და ზედმეტი ფიქრისგან გაათავისუფლებს. ვერძი კი კირჩხიბისგან იმ ემოციურ მხარდაჭერას მიიღებს, რომელიც ხშირად აკლია. თუ კამათის დროს ერთმანეთისთვის ტკივილის მიყენებას მოერიდებიან, მათი ურთიერთობა შეიძლება ძალიან თბილი და ჰარმონიული გახდეს.
კურო + მშვილდოსანი = სტაბილურობა, რომელიც თავგადასავლების სურვილს არ ზღუდავს
კუროს მოსწონს, როცა მის გარშემო ყველაფერი ნაცნობი, გასაგები და უსაფრთხოა. მშვილდოსანს კი ახალი შთაბეჭდილებები, სპონტანურობა და თავისუფლება იზიდავს. ერთი შეხედვით, ისინი ერთმანეთის სრული საპირისპიროები არიან, თუმცა სწორედ ამ განსხვავებამ შეიძლება მათ შორის განსაკუთრებული მიზიდულობა შექმნას.
მშვილდოსანს შეუძლია კუროს ჩვეული ცხოვრების წესის შეცვლაში დაეხმაროს და დაანახოს, რომ ცვლილებები ყოველთვის საფრთხეს არ წარმოადგენს. კურო კი მშვილდოსანს შეახსენებს, რომ ყველაფერი ღირებული მუდმივად სხვაგან ძებნას არ საჭიროებს. შინაურ სიმყუდროვესა და პატარა სიხარულებს ისეთივე სასიამოვნო ემოციებისა და მოგონებების მოტანა შეუძლია, როგორც უჩვეულო პაემანს.
ამ წყვილისთვის მთავარი ერთმანეთის შეცვლის მცდელობისგან თავის შეკავებაა. კურომ პარტნიორის თავგადასავლების სურვილს მეტი თავისუფლება უნდა მისცეს, მშვილდოსანმა კი კუროს სტაბილურობისა და საიმედოობის მოთხოვნილება უნდა გაითვალისწინოს.
ტყუპები + მორიელი = გონების თამაში და ძლიერი ემოციები
ტყუპებს უყვართ ყველაფერზე საუბარი, თემიდან თემაზე მარტივად გადართვა და საკუთარი გრძნობების დაუყოვნებლივ გამჟღავნებას ყოველთვის არ ჩქარობენ. მორიელისთვის კი მნიშვნელოვანია, ზუსტად იცოდეს, რას გრძნობს ადამიანი და რა სურს მას. ამიტომ მორიელს ტყუპები შეიძლება ზედმეტად ცვალებად ადამიანებად მოეჩვენოს, ტყუპებს კი მორიელი - მეტისმეტად სერიოზულად.
თუმცა ამ ორ ნიშანს შორის ხშირად ძლიერი ინტელექტუალური მიზიდულობა ჩნდება. მორიელს აინტერესებს ადამიანის ამოცნობა, რომლის შეცნობაც ერთ საღამოს შეუძლებელია. ტყუპებს კი მორიელის შინაგანი სიღრმე ხიბლავთ.
ასეთი ურთიერთობა განსაკუთრებით წარმატებულია მაშინ, როცა პარტნიორებს შორის გულწრფელობაა. ნდობის გაჩენის შემდეგ მათ შეუძლიათ საათობით ისაუბრონ, რაც ემოციურ კავშირს კიდევ უფრო აძლიერებს.
ლომი + თხის რქა = ორი ძლიერი ხასიათი ერთ გუნდში
ლომს უყვარს გრძნობების ღიად გამოხატვა, ყურადღების ცენტრში ყოფნა და ქების მოსმენა. თხის რქა კი სიყვარულს უფრო ხშირად საქმით გამოხატავს - ეხმარება პარტნიორს, პასუხისმგებლობას საკუთარ თავზე იღებს და მომავალზე ზრუნავს. ამიტომ ურთიერთობის დასაწყისში მათ ერთმანეთის გაგება შეიძლება გაუჭირდეთ.
თუმცა ამ ორ ნიშანს ერთი მნიშვნელოვანი თვისება აერთიანებს - ორივემ კარგად იცის საკუთარი ძალისხმევის ფასი და არც ერთს უყვარს საქმის ნახევრად გაკეთება. ლომს შეუძლია თხის რქას მეტი გამბედაობა შემატოს და ურთიერთობაში სითბო და ხალისი შეიტანოს. თხის რქა კი ლომს საიმედოობის განცდას აძლევს და ეხმარება, კარგი იდეები რეალურ შედეგად აქციოს.
უთანხმოების დროს მათთვის გაცილებით სასარგებლო იქნება არა იმის გარკვევა, ვინ უფრო ძლიერია, არამედ შეთანხმება იმაზე, ვის რა პასუხისმგებლობა ეკისრება.
ქალწული + მერწყული = რაციონალური აზროვნება და არასტანდარტული ხედვა
ქალწულისთვის მნიშვნელოვანია წესრიგი და იმის განცდა, რომ მოვლენების განვითარებას გარკვეულწილად თავადაც აკონტროლებს. მერწყულს კი მოულოდნელი იდეები, თავისუფლება და საკუთარი წესებით ცხოვრება უყვარს. ქალწულისთვის მერწყული შეიძლება ზედმეტად არაპროგნოზირებადი იყოს, მერწყულისთვის კი ქალწული - მეტისმეტად მომთხოვნი დეტალების მიმართ.
თუმცა, მიუხედავად ასეთი განსხვავებებისა, ამ წყვილს ერთმანეთთან არასდროს მოეწყინება. ქალწულს შეუძლია მერწყულს უჩვეულო იდეების კონკრეტულ გეგმებად ქცევაში დაეხმაროს. მერწყულს კი შეუძლია ქალწულს დაანახოს, რომ ყველაფრის იდეალურად შესრულება აუცილებელი არ არის.
ურთიერთობაში მათ ერთმანეთის პირადი სივრცის პატივისცემა სჭირდებათ. ქალწულს სიცხადე სჭირდება, მერწყულს - თავისუფლება. ეს ორი ნიშანი კარგად ავსებს ერთმანეთს, თუ ერთმანეთის კრიტიკის ნაცვლად გულწრფელ ინტერესს გამოიჩენენ ერთმანეთის ცხოვრებისა და შეხედულებების მიმართ.